على دلعونا

تاريخ النشر: 10/09/19 | 21:54

يا وطني الغالي ما أحلى ربوعكْ
أنا بحبَّك وبهوى يسوعَكْ
في جوعي وشبعي، وفرحي وجوعَكْ
ناصرتي بتبقى أحلى ما يكونا
فيك تربّينا ومِشي فادينا
عَ تلالَك علّمْ عِلم اليقينا
وبْقانا أبدع لمّا راعينا
حوّل الميّة خمر وليمونا
جليلك شامخ والتلّه خضرا
والورد بيشرب من عين العدرا
وجميزة زكّا عليانة وناضرا
بتخبّر علِّ كانوا يحبّونا
عيني عَ دربَكْ، عيني عَ دربَكْ
يا الّلي مغسّلنا بدم جنبَكْ
فادينا الغالي من يوم صلبَكْ
بتمسح بإيدَك دمع العيونا
جبل الموعظة وكفر ناحوما
غنّوا المحبّة شعرًا حنونا
يا ربّي ترجع تلك السنونا
ويزهر صليبك بجبل الزيتونا
زهير دعيم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى

تمّ اكتشاف مانع للإعلانات

فضلاً قم بإلغاء مانع الإعلانات حتى تتمكن من تصفّح موقع بقجة