سلطة الفراخ بالجزر والطماطم
تاريخ النشر: 19/09/13 | 4:55
المقادير :
¼ كيلو صدور فراخ (الدجاج) مقطعة شرائح صغيرة
¼ ملعقة صغيرة فلفل أحمر مطحون
4 ثمرة جزر مقشرة ومقطعة شرائح
3 ملعقة كبيرة عصير ليمون
1 بندورة مقطعة عيدان
5 ملعقة كبيرة زيت زيتون
½ حزمة أوراق جرجير
ملعقة صغيرة كمون
ملح وفلفل أسود
½ كوب زبيب
½ حزمة كزبرة
طريقة التحضير
1- هاتي طاسة كبيرة وسخني فيها ملعقة كبيرة زيت زيتون، وضيفي معاه تدريجيا شرائح الفراخ والكمون، ونصف ملعقة صغيرة من الملح، وربع ملعقة صغيرة من الفلفل الأسود، وقلبيهم كويس مع بعض على النار لمدة 10 دقائق أو لغاية لونها ما يبقى دهبي.
2- هاتي طبق صغير واخلطي فيه عصير الليمون مع الفلفل الأحمر وباقي زيت الزيتون، ونصف ملعقة صغيرة من الملح، وقلبيهم كلهم مع بعض كويس.
3- هاتي طبق السلطة وحطي فيه خليط الفراخ مع خليط الفلفل الأحمر، وضيفي معاهم أوراق الجرجير والكزبرة والجزر والبندورة والزبيب.. وبألف هنا وشفا.