• لإرسال مواد لموقع بقجة على البريد الإلكتروني: [email protected]

    مصرع شخص جراء تعرضه لإطلاق نار بكفرقرع

    تعرض مساء اليوم الثلاثاء شخص لإطلاق نار في وسط الشارع الرئيسي في قرية كفرقرع، من قبل مجهولين وأصيب بجراح بالغة الخطورة. وتعمل طواقم الإسعاف على تقديم الإسعافات الأولية، للمصاب.وبدورها، هرعت قوات الشرطة إلى مكان الحادثة وأغلقت الشارع، وباشرت بالتحقيق في ملابسات الحادثه.
    أعلنت الشرطة قبل قليل عن وفاة الشاب (47) من كفرقرع.
    المرحوم يوسف احمد علي سعيد (عربيد)

    لإرسال مواد لموقع بقجة على البريد الإلكتروني: [email protected]

    التعليقات

    1. وين وصلنا ولوين رايحين!!! ما في مخافه رب ولا رأفة إنسان . الله ينتقم من كل قاتل .

    2. لا حول ولا قوة إلا بالله العلي العظيم.
      قرف يقرفكم الواحد مش حاسس بالأمان بهاي البلاد.
      ولكم يا عمي زهقنا كيف بدنا نتخلص من هاد العنف اللي فينا. كل يوم والثاني طخ ، قتل ، إصابات، عنف مشاجرات وحوادث طرق .
      لوين احنا رايحين بها المجتمع. الواحد مش عارف كيف يربي إبنه على الأخلاق الحميدة ولا كيف يدافع عن نفسه بها المجتمع الفاسد الجاهل.
      الدوله والشرطه تاركتنا نذبح في بعضنا . ما في النا كبير نمشي وراه على المستقيم لتقدم المجتمع. ما في النا أهداف لمستقبل أفضل. احنا بفترة الجاهليه العظمى
      مبروك عرب إسرائيل .
      بكره طبعا كله بيستنكر ويجوز تكون مظاهره ضد العنف فيها كبار البلد والمجتمع والمشايخ يتصوره والابتسامة عريضه مشان الصوره تطلع حلوه.

      1. كل الاحترام لكلامك اهم نقطه الصور بالمظاهره لا تنسوها وين السلڤي… حسبي الله ونعم الوكيل فيهم بس الله يرحمه ويجعل مثواه الجنة… يلا يا اخ😔 فراس😔 اتحرك واعمل اشي بالبلد لانه الاشي بطل ينطاق طخ ،حرق ،سرقه ،فش امان الواحد يطلع من بيته 🤕😥

    3. مؤلم جدا وواقع أليم…شو ذنبه وذنب أولاده الصعار
      انسان عصامي حاول يبدأ حياه جديده ويربي اولاده فيها مثل العالم…شو ذنبه شو عمل ليكون ضحية ثأر وغيره …..لوين وصلنا ولوينتا رح تظل هاي البلد هيك

    4. محدا طالع بايدو ينهي ظاهرة الاجرام ويبقى الوضع على ما هو …حسبنا الله ونعم الوكيل.. الله يرحمك يا يوسف

    5. لا حول ولا قوة الا بالله الله يرحمك يا يوسف الا متى وشو الحل اللهم اصلحنا جميعا يا رب

    6. الف رحمه ونور على روحك يا طيب
      ان لله وان اليه راجعون
      رح نشتاق لحكيك ومزحك صديقي …..

    7. والله انو عيني دمعت عليك يا يوسف اللله يرحمك برحمتو يا رب
      وكل احترام اللك تميم حكيك في محلو
      والله انو كان انسان راءع انا مني الك بعد مماتك سامحتك من قلبي علي بيننا اللله يسامحك وسامحتك من كل قلبي والله اني حبيتك محبت اخو الله يرحمك برحمتو

    8. لا حول ولا قوة الا بالله، الله يرحمك يوسف، ما كان الك اي صله بهاي المشاكل.

    9. يا عمي بشو بتستنو, مهم معروفين لكل البلد اللي بطخو وهم مش سائلين عن حدا والشرطه عارفه بس بتقلك فخار يطبش بعضو, يجب على اهل البلد التكاتف كرجل واحد بمساعده المجلس المحلي واخراج هاي الناس من البلد,لانو النار ماشيه وبكرا بتحرق الكل, الطخ صار علني واللي بطخو مش خايفين لانو الشرطه مش سائله وانا بنصح الرئيس ان يطلب من الشرطه الدخول الى البلد وتنظيفها من السلاح.

    10. لا حول ولا قوه الا بالله زلمه مسكين وعباب الله شو بدكم منو وقاعد بشتغل وبترزق والي قتلوه معروفين لازم كل اهل البلد تطلعهم من اللبلد لانو الهم سوابق وبكفي المخدرات والحشيش االي معبين البلد منها والعربدات لي اهل البلد ما يوقفو وقفه زلام قبل لا يفوت الوقت..
      الله يرحمك صديقي زلمه درويش..

    11. لا اله الا الله انا لله وان اليه راجعون الله يرحم جميع المسلمين الاحيا والموتى

    12. نطالب المجلس بالضغط على الشرطه وكشف المتورطين وتجنيب اهل هذا البلد الفتنه, يجب اعتقال كل شاب له اسبقيه حمل السلاح واسبقيه اطلاق النار,الكل معروف لدى الشرطه ويجب عليها تحمل المسؤوليه والبدا بتنظيف البلد من السلاح واذا لم يتم ذلك نطالب المجلس باعلان الاضراب واقامه مظاهره امام مبنى الشرطه حتى يتم الكشف عن الجناه كما تفعل في الوسط اليهودي

    13. لا حول ولا قوة إلا بالله . الله يرحمه والله وضع البلد مقلق من جميع الجوانب .

    14. الله يرحمك صديقي يوسف ويرحم المجتمع العربي الفاسد ويجب معاقبة وطرد الجناه من القريه لقد قتل بلا سبب فقط من اجل تصفية حسابات،حسب الله ونعم الوكيل بكل قاتل ومفسد في اللارض،الا جنات الخلد صديقي لقد كنت نعم الاخ والجار وداعاً

    15. المجرمين وتجار المخدرات والمخربين في البلد معروفين يجب علينا انا لا ننتظر الشرطه لحل القضيه،على كل انسان حر وشريف التكاتف معاً لطرد هؤلاء من بلدتنا لانهم سبب كل مشكله فيها ناهيكم عن خراب وضياع شبابنا من المخدرات اللتي تسوق من عندهم

    16. الله يرحمك يا يوسف. رايح اشتاق لابتسامتك ومزحك الحلو. الله ينتقم من السفله. لازم البوليس يحط حد لعائلات الاجرام الي بكفر قرع. والله شكلو البوليس مش معني باشي لو معني زمان خلصنا من الكفره تعون سموم والاسلاح.

    17. لا حول ولا قوه الا بالله
      الله يرحمه ويجعل مثواه الجنه
      ولكمم يعمي وين وصلنا مش حرام تقتلوو هوي شو ذنبو وذنب ولادو مش حرام تحرمو ولادو من حنان ابووهم والله تقطع قلبي علي☹😥😭
      يلا يا فراس شد الهمه واعمل اشي يفيدنا

    18. الله يرحمه ويصبر اهله
      باي حق بيجوا محرمين وبضعوا حد لعمر انسان يسعى لرزق عياله
      الدنيا اهر وقت الناس ابعدوا عن الدين صارت الغيره والكراهيه نهجهم بالحياه الله يرحم ايام زمان لما كانت الناس تحب بعض وتزعل عزل بعض
      بطل في تربيه الناس بتجري ورا المصاري ونسيت تربية اولادها
      يا رب اجعل بلدنا وبلاد سائر المسلمين يعم عليها السلام والمحبه والوئام

    19. حسبي الله ونعم الوكيل..مش حرام يقتلو نفس حرم الله قتلها…لعنه الله عليهم….لازم اعدام وشويه بحقو…ولل بطل امان بهاي البلد صرنا نخاف نطلع من الناس

      1. قبل عشر سنين بقت قريه،هسا مدينه،ملحدين وشباحات وزعران،والبنات ما بعرفن عن الاسلام شيء!!! لا حول ولا قوة إلا بالله

        1. هاظ المهم عندك قريه ولا مدينه؟!!! هي بلاخير لا هاي ولا هذيك،غابه ملانه وحوش وحيونات

    20. الله يرحمو،انتم السابقون ونحن اللاحقون،وانا لله وإنا إليه راجعون
      كان يججبر قبل ما تنكسر ،الله يرحمك يا سيدي،كم نحن بحاجه اليك تججبر قبل مل تنكسر كثير امور
      نيالو اللي بصلح وبججبر ،وبهدي البال ،الله يهدي بال الشباب ،ويخزي الشيطان، الله اكبر لله الحمد على كل حال

    21. القاتل يخرج مع اهله من البلد لانهم لم يربو ابنهم ويجب ان يحاسب يجب اصدار قرار من العائلات كلها وايضا من المجلس المحلي بهذا الموضوع يجب اجتثاث ظاهرة الشر والمخدرات دون حوف من احد واعتقد ان الشرطه ستساعد اللهم ارحم يوسف وانتقم له اللهم امين

    22. حسبي الله ونعم الوكيل على كل قاتل الله يشلوا بلدنيا قبل الاخره الله يحرق قلبه

    23. اخلاء بيوت الجواسيس وتجار الحشيش المدعومين من الحكومه ولا تنسو يا اخوان الساكت عن الحق شيطان اخرس

    24. حبيت اسال ،وين لجنه الاصلاح كانت ،لما انطخ المقتول قبل برجله،والمجلس والاعضاء والمرشحين،يعني يلحقكم الاثم والفشل انكم تقاعستو عن واجبكم ،وغرشتو!! ،يعني كان هناك خلاف وما تدخلتو.
      …….؟

    25. الله يرحمه ويرحم جمبع اموات المسلمين والله الصور حلوه لكن الرئيس مثل الي سبقه ما يطلع بإيده شئ لانه اليوم الناس ما بتعرف اتربي اولاده يفكروا انوا المصاري والسيارات والدور هيه نظرتهم للمجتمع لما ابتسئلو عن ابنه يقول والله وديتو على دوره في حيفا او بطلت امون عليه يعني فش متابعه للاولاد باي صف انو صاحبه يا عالم هاي نتائج انو الاب بعرفش عن ابنو اشي لانه في شغله او بترجى في البنك عمشان ايعبي لجيب بانزين او الجلس يحل العقول راحت ايام الطيبه والجار لجار يا اهل סביון المثلث ناس كزابه ومرائه

    26. الشرطه موجوده في البلد لحمايه تجار المخدرات والمجرمين، شوفو الصور بالمواقع وانتو بتعرفو، خربوها للبلد، مخدرات سلاح وقتل، بجب على المجلس ان يخرج تجار المخدرات من البلد، الكل عارفهم، ليش ساكتين، خربو شباب وصبايا البلد، نشروا الاجرام.

    اترك تعليقاً

    لن يتم نشر عنوان بريدك الإلكتروني.