فطاير زعتر على الطريقة الفلسطينية
تاريخ النشر: 09/11/14 | 17:58
بنبجيب الزعتر الاخضر وبنفرطه وبنغسله من قبل ببيوم لحتى يكون ناشف منيح وتاني يوم بنجيب بصل ناشف وبنفرمه ناعم وبنفركه بالملح وزيت الزيوت بعدين بنرش عليهم سماق كمية منيحة يعني لحتى يصير حامض الزعتر وبنخلطهم مع الزعتر بس اهم شي ما بنفرم الزعتر ازكى بضل وهو ورق صحيح …. بعد هيك بنتركهم على جنب وبنعجن العجينة وهي عبارة عن 2 كيلوا طحين ملعقتين ملح ملعقتين سكر ربع فنجان شاي زيت زيتون .. ملعقتين كبار خميرة مذابة بماء فاتر معهم ملعقة سكر لحتو يتخمروا بعدين بنضيف الخميرة وبنعجنهم بماء فاتر وبنستنى على العجينة لحتى تتخمر ولازم تكون العجينة طرية مو جامدة يا صبايا …. وبعد ما تتخمر العجينة منيح بنقطعهم على شكل كرات بحجم حبة البرتقال وبنرق العجين على شكل مربع وبنحشي بالزعتر . وبعدين بنسكر العجينة على شكل ظرف مكتوب وبنرش عليهم زيت زيتون مرة تانية ونرقهم وهمي مسكرين ومحشيين لحتى ما يصير رغيف فطيرة الزعتر رقيق وكبير وبنخبزهم بالفرن الحامي وبس يستوي بنقطعهم زي الصورة ….. ولا تنسوا ترجعوا تدهنوهم بزيت الزيتون بعد ما تقطعوهم ……………… وصحة وعافية يارب للي بده يجربهم
من محمد جواد
بعمل احلى وأزبط من الصورة ع مليون مرة…يعطيكي العافيه