• لإرسال مواد لموقع بقجة على البريد الإلكتروني: [email protected]

    وقفة إحتجاج ضد سياسة إدارة مجلس كفرقرع

    شارك العشرات من أهالي بلدة كفرقرع بوقفة إحتجاجية قبالة مبنى المجلس المحلي ضد سياسة طرد موظفين من مؤسسات المجلس المحلي لأسباب سياسية حسب قولهم، حيث رفعوا الشعارات “قطع الأعناق ولا قطع الأرزاق”، “لا للمحسوبيات بالتعيينات “، ” نطالب همم بكسر الصمت “، “لا للظالم” و “عظم الله أجرك يا بلد” .

    هذا وقد عممت ادارة مجلس محلي كفرقرع بيانا تحت عنوان ” نستنكر العبث في النسيج الاجتماعي القرعاوي اولا وآخرا ” جاء فيه ما يلي: “بداية نبارك للأمة الإسلامية ولأهالينا في كفر قرع مع دخول الايام المباركة من شهر ذي الحجة واستقبال عيد الأضحى المبارك، آملين للجميع أياما هادئة ومستقرة،أما بعد، على اثر ما تناقلته بعض وسائل الاعلام وشبكات التواصل الاجتماعية، وما تشهده قرية كفرقرع من اشاعات عارية من الصدق والصحة، نحن ادارة مجلس محلي كفرقرع نستنكر وبشدة إدخال البلبلة في نفوس أبناء بلدنا الحبيب، وزرع الفتن بينهم. أبوابنا مفتوحة لكل من يود الإطلاع على الحقائق عن قرب وليست لدينا ذرة بغيضة لأي كان ولا نتعامل من خلال سياسات “تحت الطاولة”، كما ونؤكد اننا نترفع عن بؤر الفساد والمحسوبيات.تأتي جميع قرارات المجلس المحلي مهنية وموضوعية وقانونية، ومن يشكك في ذلك فيمكنه التوجه للقضاء وليس العبث في النسيج الاجتماعي القرعاوي الذي نفتخر به في بلدنا الحبيبة كفرقرع “.

    امل زحالقة – وقفة احتجاج في كفرقرع على قرار فصلهن من العمل من قبل المجلس المحلي بكفرقرع

    رد الحاج عواد مصاروة – ابو حسن حول الوقفة الاحتجاجية من أمام بناية المجلس المحلي كفرقرع

    لإرسال مواد لموقع بقجة على البريد الإلكتروني: [email protected]

    التعليقات

    1. ليش همي الي متظاهرين مش توظفو بالواسطات؟ واليوم صارو عايشين بالقله؟ الله اكبر عالناس التافهه وبنصحكم نصيحه لوجه الله دشركم من الحكي الفاظي والفتنه هاظ كله بس غيظ وطلع

      1. عالم كله نفاق،معك حق،قبل كان قانوني ،بس ريحته طالعه!!! ،هذول من اللي خسرو بالانتخابات واقفين معهم ،نفاقكم واصل السما،هذول كانو مقاولين للمجلس ومنتفعين اشكرا !! اطلعو عالصور،!!اليوم اجا دور المقولين من المعسكر الثاني “يتبربحو”، عاملين حالهم امام مسجد،الله اكبر ،كلكم عوج ،للاسف

    2. ربنا ايعينك اخ فراس يا عمي شو بدكم منو حلو عنو خلص بكفيكم كل واحد معاه شهادة انهاء بدو وظيفه والله عيب كل اكمل المشوار ابو محمد ولا يهمك

    3. عندي تساؤل واحد صغير. وين هدى صلاح دين عريدي الي قامت على هاي المظاهره وكانت تتصل لكل الموظفات الي تم فصلهن حتى يقومن بهاي المظاهره وتقنع فيهن!! اظن الجواب بدوش جواب واضح جدا انه تم شرائها وباعت القضيه لمصلحه شخصيه لذلك بحب اقول فش حدا صالح كلو شغل مصالح. ارجو من ومقع البرق النشر

    4. الميه رح تكشف ان كان الغواص غواصا حقيقيا ام كاذبا. وحب البلد واهلها والعدل يظهر بالافعال والاعمال لا بالاقوال والشعارات والدعايات. ورح تبين مين معدنه نقي ومين معدنه مزيف.
      ستبدي لك الايام ما كنت جاهلا.
      وياتيك بالاخبار من لم تزود.
      اعلموا ان الظلم ظلمات.
      الله يهدي البال ويحسن الاحوال الى احسن حال.

    5. الله يلعن الشرف يلي ملوش الزوم الله يلعن الشرف المخزوق وين الشرف وين الشهامه

        1. أنا سما وأنت مثل واطي الأرض مهما كبرت بالمساحات تحتي أنا لست متكبر، ومن يراني هكذا هو الذي يرًى نفسه صغيراً بجانبي .
          من الآن فصاعداً لن أشتم أعدائي.. ولكني سوف أقول لنفسي هذا ما خلفته ورائك يا حذائي. لو كان الكبرياء يوزن لكنت أثقل الرجال على وجه الأرض ولكنّ.. الكبرياء في النفوس، فعذراً سيدتي فكبرياء نفسي أعظم منك. أنا رجل نصف وزني كبرياء والنصف الآخر شموخ لم أكن لعبة تتحكم بها الأهواء فأن من عرف جماعتنا زاد شرفاً.
          فعذراً لمن لم تعجبه فلسفتي فكرامتي أغلّى منه كمن رضاه.

          من قوة التغير.

    6. كمان مره نذكر لا شك ان حجم خسارة الانتخابات لها دور كبير وسيظل حجمه كبير مش ل ٥ سنوات المقبله بل لعشرات السنين

    7. بس في محسوبيات المناقصات بتنزل ععين الناس فقط وبكون معروف مين راح يوخذها قبل المقابلة
      والله يا ريت تروح المحسوبيات
      فراس قال انا مش ضد حدا والي مصوتش معي راح يكون معي ععلاقة جيدة! الي مبين انه كل الي ما صوت معه معاقب ! والله مبين
      فراس انت شخص رائع ! لا تخلي المحسوبيات والانتقام يعمو بصيرتك! الي صوت معك له نظرته واسبابه والي لع كمان له اسبابه وحرية التعبير عن الراي

      1. صحححح معك حق هاي كلها فساد وبالاخير كلنا ولاد بلد وحدة والي مش عاجبتوا البلد او بستحي ف الله معوا البلد اصلا ما ببتشرف ناس بامثالوا

    8. كل الاحترام والتقدير والله يكون بعونهن
      يا عمي المظلوم في رب يحماه
      وكل الحترام للاخت المتكلمة

    9. حسبي الله ‘نعم الوكيل عليكم اذا في حدا بدوا ايخرب البلد بس القال والقيل يا تاعين الفيس بوكات. انشر ..

    10. قمه بالتفاهه, كيف يعني الرئيس موظّف جماعته, مهو قبل بسنه كل المجلس والموظفين كانو من دار العثامنه وحسن كان موظّف كل عيلته, وانت بلسانك قلتي المحامي الي موكلته هو حسن عثامنه, عالم فاضيه!!!!!!

    11. قرعاويه
      الى امل زحالقه عن اي شغل بتحكي موش لو كنت تشتغلي بالاول .عاملي عرض ازياء وكنت تسجلي ساعاتك بدون ما تتواجدي بالمدرسه . اي ضمير واي شغل كل المعلمين والمعلمات بشهدوووووووو حسبي الله ونعم الوكيل

      1. اه والله كانت قاعده بس للقال وقولنا وهسا عزت عيلها وظيفتها !! لازم زمان انطرت !

    12. لو بدنا نحكي عن الظلم إلا كان في السابق بكتب كتاب يا اصحابنا المظلومين اليوم يا حرام هذا لازم مش اليوم كنتم شايفين الظلم وساكتين بلدنا جميلة باهلها واتمنى ان نرتقي ونتقبل ونحترم بعضنا ويجب المساندة وتقبل رأى الآخرين

    13. من الصور واضح انه الحكي عن تعيينات فارطة وما الها لزوم من جهة الرئيس السابق واتى الاوان انه الوظيفة الي ما الها لزوم تنمحى.. ومش مهم مين الموظف ومن اي عيله ولمين صوت..

    14. السلام عليكم ورحمة الله وبركاته وين القاءمات على هذه الفعاليه والله كنت محضري حالي بس الظاهري استعجلتن في وما ستينيات ميشان محتمل لافته وتغطي وجوهنا الله يجيب إلا في الخير لهذه البلد المميزه والراقيه

      1. ليش والجديدة شوووو !!!!! عنجد الدنيا آخر وقت وانقلبن المقايييس بهذا الزمن . الرجاء النشر وشكرا لأروع موقع

    15. لما المجلس مش לשכת תעסוקה كيف بتوظف .. وتوظف من دار … بوظاءف ليس لها لزوم

      1. هههههههه مهوا لما يكون ناس بتحب الفساد والمشاكل وانها تخرب يعمي انتوا اخذتوها قبل 5 سنين عمل معكم الاخ فراس هيك اشي او حدا من جماعتوا وحسن فصل ناس وقام ناس بس ما عزروا الدنيا هذا بدل على مستواكم ومدى معرفتكم

    16. اخت امل زحالقه طبعا هيك بدك احكي ….. ، هس شغلتكم وعملتكم وظائف المساعدات كيف لو بتحاسبن فوق ال 5000 شو بتعملن ، الي عملو فراس بدحي قانوني وفش ايشي تحتجو عليه احنا مع القانون وبهمنا مصلحه البلد حبيبتي

    17. أتفهم كل إنسان خسر وظيفه . بل خسر راتب شهري قد تعود عليه. حتى ولو يكن يعمل كفايه ليخسر الراتب.
      إلا أن مصلحه كفرقرع اهم من مصالح شخصيه. فموضوع المساعدات زاد عن حده
      وعدد المساعدات كان ينهك الميزانية. واكل دليل على ذلك بأن الاداره السابقه لم تثبت تلك الوظائف.بل واستعمال الموظفات الضغوطات سياسيه.
      الاداريه الحاليه ليست معصومه عن الخطأ. بل ولها أخطاء لانها متحمسه وتريد أن تعمل .
      الاخت بالفيديو فاهمه الموضوع غلط. لاع يا عمي مش الوظيفه الي خسرتيها.واذا معاك شهادات كما تدعين وتملكي قوه الشخصيه والحنكه فأكيد راح تلاقي وظيفه أفضل من مساعده براتب محدود جدا.

    18. كل واحد ينتقد امل يحط حاله محلها ! ؟باي حق تنفصل هي مش غيرها مثلا .. في مساعدات مبلطات صرلهن سنين ولانه الهن واسطه قوية محدا بتجرأ يقدم عليهن ! وان شاء الله بتحاسب ١٠٠٠ شو دخلكم مش مصاري حلال ؟! ليش زعلانين من المظاهرة ؟ بس شاطرين تنتقدوا من وراء الصفحات اما وجه لوجه بتتخبوا

    19. إلى م. م كنت أتمنى يكون كلامك صدق ومنطقي بس مهو يا عمي مش لمصلحة البلد إنما تبديل أشخاص فقط يعني بالعربي بدي أفصل وأحط جماعتي اللي وعدتهم

    20. احنا شعب صعب يقول الحقيقة ….. لما الانسان يوصل دوره انه ينفصل من عمله بوقف وبعمل احتجاجات… ولكن لما بتوظف بروح عوظيفته وبكون راضي بالرغم انه من الممكن انه كان في ناس ثانيه أحق منه بهاي الوظيفه وممكن انهوا نفس التعليم ونفس الشهادة ولكن ما توظفوا …. يعني الي تعينوا بفترات رؤساء سابقين كان الهم دعم بالحصول على وظائف …ليش يعني ما يكون تعيينات ودعم كمان لناس بهاي الفترة …زيكم زي غيركم وطبعا هذا لا يعني توظيف ناس بدون شهادات … اقصد انه ملااااان ناس وملان مساعدات סיעותكمان بقدموا طلبات عمل من فترات سابقه وما تعيين وطبعا لنفس الاسباب …زي ما في ناس تعيين قبل كمان في ناس بدها تتعين هسه ….الامر عادي جدا وموجود …اذا الانسان معه شهادات وبكون مناسب للوظيفه وبلاقي حدا يساعده يتعين ليش لع …..اكيد محدا برفض …بس مشكلتنا احنا محدا بتقبل الثاني ….. الله يهدي الجميع ويختار المناسب والخير للبلد كلها. ما بصير انه كل ما يجي رئيس جديد نبدا نحتج ونحكي ….كل ما يكون ادارة جديده عنا انتقادات ….وانتقاداتنا ما بتخلص

      1. انت غلطان يا باشا
        احنا شعب منضحك على حالنا
        احسن وفر هالكلمات لانا طابخينها سوى

    21. ربي يسر الامر وهدي البال والحال كفر
      قرع جميله باهلها واحبابها

    22. يا عمي ما دام فراس برد على الي حواليه فلان وعلان بحياته ما راييح يزبط البلد.
      ابعدهم عنك ودشرك منهم محدا فيهم بحبك وابدا اشتغل لمصلحة البلد زي ما وعدتنا…..وهم مستغلينك ….
      توقعنا منك اكثر من هيك

    23. اتقوا الله في انفسكم . اكيد لا نثق بأي سياسي بس يا عمي هاي ايام فضيلة ركزوا على اعمالكم للآخرة . من لا يعمل لا يخطئ . دشروكم من المثاليات شفافية وحق الجمهور وابواب مفتوحة كله فاضي لو ان الرئيس ما جاب جماعته وبدل منها طلع ووزع مي عالمتظاهرين واخذها برحابة صدر لأنه المفروض هو رئيس الكل كان كل التعليقات وحتى البلد غير وكان عنجد عمار يا بلد .بس حسيت انهم بدافعوا عن اشي ثاني يا عمي البلد والمجلس مش لفئة للجميع

    24. انا مش مع حدا بس لما بدك تطر بني ادم قلو انك طريته وليش مش تقول جهات عليا ومش عارف ايش 2 بكفي هبل وكل واحد بدعم طرف يقول اللي عنده ويمدح ويسب الجهتين 3 احنا اهل بلد واللي بحسش باهل بلده ينطم ويسكت احسنله وبلاش حكي فاضي اللي بدل قديش في عنصريه بالبلد
      4بكت البلاد المجاورة تقول قديش كفرقرع مليحه وفش فيها اشي مررة وحده هيك صرنا تشتتنا
      5 ارحموا حالكم خلص ارجعوا كيف بكينا ايد وحدة بلاش انفاصالات وهاظ داعم هاظ ومش عارف ايش يا منرضا كل البلد يا منرضاش
      6بلاش نفاق وبلاش حكي زياده وخلص

      1. اللهم ربي ارحمهم جميعا واغفر لهم
        الحاج ابو رشدي . الحاج ابو عادل عسلي . الحاج ابو مروان . الحاج ابو خالد ابراهيم مصاروة . الحاج ابو محمد عبد الغني مصاروة الحاج ابو محمود الحسن سبحان الله . ويطول بعمر الحاج ابو ناظم وابو يوسف عاصي . وغيرهم الكثيرين من الطيبين في ذاك الزمان . رحلوا وكل هذا حدث كانوا يسهروا مع بعض طوالي بعد ما يخلصوا المهنئين للفائز بالانتخابات والمواسين بالخسارة .

    25. …. بالفترات السابقه جلبت لنا اطلاق نار وحرق سيارات وشتائم وعداوات ما صدقنا واحنا نخلص منها وها نحن اليوم نجدد العهد وبلشنا بالفتنه بين اهل البلد .
      حسبنا الله ونعم الوكيل على كل فاسد ومفسد والله استغربت من التعليقات وللاسف لا تعبر الا عن قلوب مريضه وحتى لئيمه في بعض الاحيان وحسب رايي لازم تنكشف جميع الاوراق المخفيه امام جميع اهل البلد لحتى يطمر راسه بالتراب كل مفسد ومفتن يريد كسر المحبه والوئام بين جميع اهل بلدنا .
      الفكره واضحه للاسف بوجودها

      1. صحيح هناك من سيفتن! لكن هاي فرصة للناس تعبر شو حاسه!!! وما في كلام بطلع هيك من فراغ! فراس بشتغل وما شاء الله بس لي اعطى الاحساس للغير بالعنصرية والتمييز ! والانتقام واشكرى جماعة حسن ! وانت مكنتش معنا بالانتخابات! لياحساس الشارع القرعاوي عبر بس بالسلبيات عن فراس والمخفي اعظم ! هذاالموقع للتعبير ! ومن هنا العبر ! المفروض فراس وحسن اهل بلد ،،،، وفراس يفهم كلالي حواليه ما حدا يفتن وهو حسن زي الاخوة بكلشي

        1. الي حواليه لفراس بدهم حقوقهم مقابل الاصوات ! وفراس اعتقد مجبر يوفي بوعده بس الا ما يظل حدا مش ميخد حقه!! بس انه اشكرى انتقام من خدا بخص حسن ظاهره جدا جدا
          يا عمي فراس وحسن اهل كفرقرع والي مش عاجبو او شكك بحسن دارو مفتوحة روحوا واجهو
          فراس اوقف هذا الشعور مع الناس ارجوك

    26. مهني من سنة الله وهني السيعوت واسطات وفي ناس بس بصوتو لرئيس بس عشان بوظف نسوانهم سيعوت وبدون فلسفات الشهدات

    27. انا شايفه انه الموجوده هي امل واختها وامها.. يعني جايبه العيله من ام الفحم وجاي.. اي شو هالهبل.. جد عيب
      هاي السياسه متبعه عند كل رئيس..
      دوري ع شغل ثاني.. في ملان شغل

    28. صباح الخير الجميع الى السيد …. انتي بتقول مش לשכת תעסוקה ليش وظفوا بنتك ومرت ابنك ومرت … وتوظيف 11 סיעות بمدرسة الحكيم الابتدائيه محل مين هظول اتوظفن

      1. المجلس هو לשכת תעסוקה, اينعم ،ولا حدا متفضل عحدا ،في وظاءف ،وبتيجي תקנים, من الوزارات ،وليس من الروساء المنتخبين،او من يحسبو حالهم رءيس البلد او قاءد المجتمع القرعاوي !! ،كذلك هناك خدمات ،من الأولى انتخاب من القرعاوين ويدفعو بصعوبه الارنونا وغيره،لو سمحتو تادبو ،وانت لا تعطو هديه لاحد

    29. طيب الريس اوعد جماعات وقفوا معه بالانتخابات! ما في اليد حيلة !
      المفروض هو رئيس الكل ! بدون حقد وفساد
      هذا صوت فراس وهدا صوت حسن ! عادي يعني
      شو هالنقص هدا ! وبالعكس فراس لازم يحتضن كل المواطنين ! قال جماعة فراس جماعة حسن والله انقسمنا لقسمين

    30. الرزق على الله سبحانه وتعالى الى حاسس حالو مظلوم يوكل امره لرب العالمين والله بفرجها ان شاء الله

      1. بنسبه لاتهامات الي اتوجهت لهدى صلاح الدين
        هيه مش من النوع الي بنشرا
        اختارت الهدوء وسلام للبلد
        لتمنع الفتنه التي كانت ستحدث
        وارجو من السيد فراس ان يخرج ببيان

    31. في الفتره السابقه كان ١٥٢ סייעות عن طريق المجلس واغلبهن ما في معهن شهادات ذو قدرات وهاظ الاشي بضر باولادنا وثانيا اغلبهن بجيين ب سيارات فخمه مشان شوفوني يا ناس ان الاوان ينعمل نظام واعطو الرئيس يشتغل هو بعرف شو بعمل

    32. امل زحالقه ما الها اقدميه بالعمل كمساعده بالمدرسه الثانويه ولا يوجد لديها الكفاءات لذالك وما شاء الله عليها عندها شغلها الخاص بالمنيكور والبديكور وجوزها وضعه ممتاز .وقد خالفت قانون ال משמעת فلا يجوز ان يقوم موظف مجلس بكتابه انتقادات ضد المجلس عبر صفحات التواصل الاجتماعي اضف .اعتقد ان المجس قام بفصلها بحق .
      ليس للكفن جيوب

    33. بنفسي بس افهم!!!
      وانا محايد.لا مع..ولا مع
      شو المشكلة بفصل عامله وليس موظفه كانت تعمل المساعده طلاب ضعفاء .
      ليس لها وظيفه حكر لها ولا هي مثبته
      ومؤهلاتها 60 ساعه من أي معهد ولا اريد تجريح عن حاجه الوظيفه أو تقييم عمل المساعده.
      فممكن انه لا حاجه ووظيفتها لأن الطلاب قد أحسنوا تعليميا ولا حاجه لها.
      أو أن الطالب قد أنهى الثانويه وايضا لا حاجه لها.
      وممكن أن الوظيفه لا يوجد لها ميزانية يعني بدون תקן والرئيس لا يريد تعدي القانون.
      ومع ذلك.
      كيف لو كان معاك شهاده b.a.
      أو m.a.
      كيف لو تقدمت لمناقصه وعملك كل المؤهلات.
      كيف لو تم فصل عامل لخطه اشفاء.من قبل وزاره الداخليه.
      ارجو من الجميع التحلي بالصبر
      ففصل العاملين المؤقتين هو عمل متبع في كل المؤسسات والمصانع والوزارات.
      حتى أن المعلمين والمدراء يتم فصلهم في أول سنتين قبل التثبيت حتى يتم الاقتناع بعمل الموظف وتثبيته رسميا بعد 3سنوات.
      فيا أخت امل اشربي ماءا باردا يبرد لك روحي وتقديمي للمناقصه القادمه والله المستعان

    34. شكر كبير للاعلامين غطوا الحدث بدون التحيز لطرف معين كل الاحترام موقع بقجة

    35. انا انطريت من قبل وغيري عزمن رؤساء ثانيين. ليش معملناش هيك ولا. الاشي مقصود عشان يعطلوا مشاريع البلد

    36. السلام عليكم
      بلنسبه لاتهمات التي توجهة لهدى صلاح الدين
      هي اخترات سلام وهدوء لأهل البلد
      لا لفتنه
      بدون مقابل

    37. يا سيده امل ما بطلعلك تتمادي وتكتبي ضد المجلس وادارته وانت بتعرفي انك ما كنتي تعملي شي ولا بستحقي تكوني مساعده لجيل الثانويه.
      وبالنسبه لكتاباتك بالفيس بوك وعواتك وان كانت عامه باعتقادي هناك مجال لرفع دعوه ضدك .
      وفراس على حق فصل من هو من امثالك يكتبون ويتمادون ضد السلطه المحليه

    38. احااااااااا ههههههه … انتو بدكمش تحلو عن سمانا بهاي التفاهات ؟؟؟؟؟ ولكم بدكم دووووولة ؟؟؟؟؟؟ قرفتونا عيشتنا !!!!! ليل نهاركم تبحبشوا على بعض ، وكيف تخربوا على بعض، ولكم يا عمي مشااااان الرب كل واحد يهتم بحاله وبكفي قرف !!! هو الي خلق كفرقرع مخلقش غيرها ؟؟؟؟؟ لما حسن بقى قلعطو سمانا، وهسه فراس بدكم تخربو عليه … ولكم يا عمي إستحوا على حالكم/حالكن !!!! إيششووووو هالقرف !!!!!!

    39. شو مع الأحزاب الجديدة . شو موقفهم غير انه همم قدمت سؤال للرئيس ؟؟ يا أخي ولا واحد منهم شفت صوره بابمظاهرة لا داعم ولا ضدها . توقعنا اشي منهم .

      1. معك حق ،الحق يعلو ،ولا يعلا عليه،همم مكانكم مع وفقط مع
        اتوقع منكم ان تبادرو لمثل هاي المظاهرات،وكذلك الرءيس السابق ان تطالبوه وقف المناكفات وجر البلد للعاءليه،وبدون نبرات وخطابات مستفزه ،وبمستوى يليق( لليه بقول مشحرين ،وحلو عني!!مش فاهم انو ماسك بزناره)
        نرجو بقجه نشر الراي الاخر،مشكورين

    40. لمن يعتبر .اللهم اجعلها صدقة جارية :
      روى البيهقي والحاكم وغيرهم بسند حسن من حديث ابن عمر رضي الله عنهما قال: كنا عند رسول الله – صلى الله عليه وسلم – فقال: (… وما بخس قوم المكيال والميزان إلا أخذوا بالسنين وشدة المؤنة وجور السلطان).

       

      إذا ظلم الناس بعضهم بعضا سلط الله عليهم من يظلمهم، إنها قاعدة مهمة في فهم عقوبة من العقوبات التي يؤدب الله عز وجل بها خلقه، على أي مستوى كان ذلك الظلم سواء كأفراد أو كمسؤولين أو كأمم وشعوب، فمن يظلم يسلط الله عليه من هو أشد منه ظلما وجورا.

    41. شو عملتو من المحامي الرئيس فراس بدحي قتال قتله ول مالكم شو صارلكم زودوتها خلص بكفي عاملين فيها عمر بن الخطاب ولما بقيمو الصلاه الله بعلم بتصلو ولا لع

    42. ههه الكلاب تنبح والقافلة تسير عنجد مسخرة هدى واتباعة

    43. هاي الي جايبي اهل ام الفحم يتظاهرو معها زيادة عدد بشو فيها خير لبلدنا شو الشهاده الي معها دكتوراه ولا شو

      1. بس يا امل زحالقه ونهى عثامنه نسيتو انو اللي وظفكم بحينه الرءيس السابق حسن عثامنه طرد مساعدات غيركم عشان يوظفكم بالواسطه وعشان اصواتكم وتكونو جنود مخلصين!!
        ولا عشان العيون الزرق؟!!

    44. هاي أشياء تافه بتظاهرو عليها.
      روحو اتظاهره قدام بياعين الحشيش اللي معبي البلد
      وبتخرب بيوت وبتهدم مستقبل الشباب

      1. كيف يعني اشياء تافهة،قطع ارزاق بتقول تافهة!!
        شو رأيك تقلنا وين هم التجار الحشيش او تقول للشرطه وتكسب فينا اجر ،او تشوف 3سم مكافحه المخدرات

        1. والله عن جد أشياء تافه. ناس انفصلت عن العمل. اذا كان هناك شيء غير قانوني يتوجهوا لمحكمة العمل .
          اما يا استاذ عبد الجليل بالنسبه للمخدرات موجوده عيني عينك في اول البلد . بس انتي على عينك في سواد ما بتشوف بس اللي في مصلحتك.
          يا حيف يا حيف

        2. كمان شغلة قلبتوها هين دار فتوى وقطع الارزاق ومقولات ولا واحد منكم بصلي وبصوم وكمان يا ام ال3 اولاد حالاتك عنجد بتشفق قدمي على الشئون يعطوكي مساعدات الك ولمكياجك واواعيكي وكمان شغلة كل سنة بتنفصلن المساعدات وهذيك السنة ع زمن حسن انفصلتن بس معزرتييييش الدنيا هيك وكمان انا معك من المساعدات والي افنفصلن راسك فاظي وقدروا يعبولك راسك علشان تكون راس الفساد وبس

      1. وانتي مين من جماعة ام الفحم الي اجو معها وكمان شغلة مش هي اول وحدة ولا اخر وحدة انفصلت بكاش في داعي تعززر الدنيا .. وتعمل حالها مسخرة

    45. روحو توظفوا بكركور بدهم عمال نظافي يعني سيعوت وظفوهن هناك شغل مش عيب

    46. يا عمي خلص حلو عنا هو سياعوت راحو اشترو سيارات على حساب اشعب خلص وظفوهن بنظافي بكركور

    47. محدا قلها تعمل حالها مسخرة وعفكرة الكل انفصل مش هي اول وحدة ولا اخر وحدة وكلهن برديت يرجعن بماش في لزوم انها تتظاهر وتجيب ناس من ام الفحم واتاباعة

    اترك تعليقاً

    لن يتم نشر عنوان بريدك الإلكتروني.