مشروم مقلي على الطريقة الفرنسية

المقادير :

½ كيلو مشروم "فطر" طازج

½ ملعقة صغيرة كزبرة ناشفة

1 ثمرة بصل مفرومة

ملعقة صغيرة بهارات

2 فص ثوم مفروم

½ كوب بقسماط

½ كوب دقيق

زيت للقلي

2 بيضة

ملح وفلفل

طريقة التحضير

1- اغسلي المشروم ونضفيه كويس وحطيه في طبق غويط، وحطي عليه البصل والثوم والبهارات والكزبرة، وسيبيه في التوابل دي نص ساعة.

2- سخني زيت القلي، وحطي البيض على المشروم في الطبق وقلبيهم كويس، وبعد كده خدي كل واحدة من المشروم حطيها في الدقيق وبعدين البقسماط، وبعدها حطيها في الزيت على كل جنب، لحد لونها ما يبقى دهبي، وخرجيها على ورق مطبخ عشان تصفي الزيت، وقدميها مع سلطة الزبادي كأطباق جانبية مع أي وجبة.. وبالهنا والشفا.