رز القدرة الشهية

المقادير:
خمس كاسات رز حبة طويلة منقوع لمدة ربع ساعة
كيلو لحمة
بصلتين كبار
راس ثوم
لوز وبقدونس مفروم للزينة
معلقتين كبار كركم
معلقتين كبار ملح
معلقة كمون صغيرة
نصف معلقة قرفة مطحونة
معلقة كبيرة فلفل اسود
معلقة كبيرة بهار
علبة حمص حب

طريقة التحضير:
1. نسلق اللحم ونقطع البصل شرايح ونحوسه مع زيت حتى يشقر.
2. نضيف الثوم بعد ان نغسل قشرته من الخارج ونقشر ضرسين او تلات ونفرمهم ونحوسهم مع البصل.
3. نضيف الحمص بعد ان نصفيه ونحوسه قليلا مع البصل والثوم.
4. نضيف المرق حوالي سبع كاسات مي ونتركه يغلي قليلا.
5. نضع البهارات لتغلي قليلا في المرق ثم نضيف الرز المنقوع، نهدي النار حتى يستوي الرز جيدا.
6. نبهر اللحمة ونحمرها قليلا بالفرن.
7. يسكب الرز ونضع فوقه اللحمة ونزينة باللوز المحمص والبقدونس الناعم.
ممكن وضع معلقة سمنة عوجه الرز بعد ان يستوي بيعطيه لمعة حلوة ويقدم مع لبن رايب وسلطة