بَغْفى عابِط دَبدوبي

للأطفال : زهير دعيم
أنا وأرنوبي والحرام ، بنصلّي قبل مَ ننام
بنشكر الله كتير كتير، قبل ما تيجي الأحلام
وبغْفى عابِط دَبدوبي ، في حِنيّة وفي سلام
***
يا يسوع احفظْ أهلي ، حتّى أكبر على مَهلي
وخلّي أخلاقي حلوة ، وكلّ الناس تندهلي
من الجبل للبحرة ، ومن الوادي للسهلي
***
صاد لام ياء باء ، يا معلّق فوق راسي
بحبّك من كلّ القلب ، بحبَّك مِن إحساسي
عليك تعلَّق الربّ ، لمّا أجا لِخلاصي