إلَك منّي بوسه

ترنيمة للأطفال: زهير دعيم
في قلبي الصّغيَّر غِنيّة ونشيدْ
وأحلام وأماني والفرحة بتزيد
كلّها ليسوعي هالربّ المجيد
***
ماسِكني بإيدي في الدرب البعيدي
وملوّن حياتي بألوانو السعيدي
انت الكعكة الحلوة في فرحي وعيدي
***
ساعدني في دروسي ووقت الامتحان
وبلادنا المحروسة احفظها بأمان
وإلَك منّي بوسة ، وهديّة كمان
***
ولا تنسى امّي وأهلي وهالجيران
ولعبتي الدبدوبة وعصفورة الوديان
يا ربّي هالغالي حُبّك بالشّريان