طعن قاصر في كفرقرع وإصابته متوسطة
تاريخ النشر: 13/03/18 | 22:36
علم مراسلنا ان شابا قاصر بالسادسة عشرة من عمره قد تعرض مساء اليوم الثلاثاء لطعن من مجهول بالحي الجنوبي الغربي من كفرقرع حيث تم تقديم الاسعاف الاولي له ومن ثم تم نقله الى المستسفى لإستكمال العلاج حيث وصفت اصابته بالمتوسطة , وقد وصلت الشرطة الى المكان وباشر افرادها التحقيق في ملابسات وحيثيات الحادثه.
فش دخان بدون نار .هاي قلة توعيه من الاهالي للأسف طعن وطخ ما شاء الله عليكم قليلين دين
انا بقول لازم يعطو نساء البلد دورات تربيه وتوعيه يمكن يصير عندهن شويت مسؤليه وبنسبه للبطخو لازم يكون على قواءم الارهابيين ودولي لازم تتعامل معهم على هاذا الاساس
ما.فش.امان.لا.الولد.ولا.البنت.تطلع.من.الدار
غير.معروف..مظلش.دين.ولا.اسلام.في.البلد.ولا.رحمة
فش حدا بربي وين بلدنا راحت وين بدها توصل الله يرحم لما كانت بلدنا بضرب فيها المثا
وين الحركة الاسلاميه والمجلس يتفضلوا تا نشوف شو بدهم يعملوا شاطرين يعترضوا على مدير المدرسه الثانويه اشياء تافهه
الحركه الاسلاميه مبين ما لها بالموضوع
لحد الْيَوْمَ ما ذكروا عن كل الأوضاع اللي صارت
في البلد ،،،،،،
لا عن الطخ ولا عن السرقات
اصحوا يا نايمين قبل ما تصبحوا نادمين
الحركه عملت وما زالت تعمل. عودوا الى الله كلكم يذهب البلاء ويأتي النصر.
عبد الواحد المشكلي مش مشكلة انهم يعودو الى الله كل واحد حر كيف يامن بالله خلي الله على جنب المشكلي هون الفقر ولجهل مفش نظام ولا تربيه لمن الام مش عارف كيف الحياه ماشيه شو بدك من خلفتها شو بتزع بتقلع وهاد الزرع تبع الامهات
ما شاء الله شو يعني بحرب جاهليه احنا شو هلحكي هاذ بلاء ونصر ومش عارف شو المشكله هون بخلفن اوبرمين بشارع لا في توعيه ولا نظام ولا تربيه حتى الفهم معدوم
ما شاء الله عن كل المعلقين، الفشل فشل الذكور والاناث معا في التربية ومتابعة الاولاد، لا اظن انه الامهات لحالهن خلفن الاولاد بدونكم يا اباء علي? لاقيين النساء حيط مايل تزتوا عليه قلة حيلتكم.
ايد واحدة بتصفقش انت كابو وحضرتها كام لازم تتحملوا المسؤولية الكاملة في بزرتكم….
يعني الحركة الاسلامية شو بدها تعمل؟ بتسدش محل ادواااااااركم افهوا!!!!
لما ربنا قال وبالوالدين احسانا من منطلق اهمية دوركم في تربية اولادكم، ومذكرش الحركة الاسلامية او المشايخ او حتى المعلمين.
بكفي عاد تعزوا فشلكم وانشغالكم عن اولادكم لاطراف ثانية.
ارجو النشر
يجب على الحركه وكل الحركات تكثيف التوعيه،وتكبير دائره الارشاد والتوعية والفعاليات،من أجل تصحيح الاعوجاج الموجود والذي يتفاقم،اما أنه كل حركه تعمل نادي اعضاء لأصحابها والزوابع والعنف قايم قاعد،درس ديني مهم،حبذا لو الدرس الديني يخرج من المسجد ويتجول بالبلد ،مقاهي،جلسات الشباب…الدعوه لم تكن فقط بالمسجد!!!وفقكم الله للخير،ولاننا نعول عليكم ولا نعول على غيركم
ليش دايما بتقولوا عن تربية الأمهات وبتنسول تربية الاباء؟ التربيه مش بس للام وبرضو للاب
احسن واحد الكسار
أين من يدّعون مصلحة كفرقرع من مرشحي الرئاسة سنوات لم نسمع منهم خبر. يعتمدون على التجمعات والعائلية والمحسوبيات. اعملوا للبلد ثم ترشحوا
جهل بلا حدود لازم توعيه اكثر
المرشحين عنا يظهرو لمصلحه البلد فقط بفتره الانتخابات مثل الفطر بعد المطر،وبعدها يختفون ،حتئ لا يزعل المرشح المنتخب واذا أرادوا مصلحه منه يوخذوها بحسن سلوكهم والسكوت عن النقد،فمصلحه البلد عندهم شي عابر لفتره الإنتخابات،هكذا هم مرشحو العائليه المصلحجيه!!
المشكله باختصار احنا العربان شعوب متخلفه جدا
هاي البلد دابره بس على אלרושם بس بهمهم الكراسي والمناصب فلأنه مديره فلان بروفسور ياعمي انتبهوا لأولادكم اهم من هاض في الحكي فش اشطر منهم محدش يغلبهم الأساس الأهل بقولوا للولد الي بضربك اضرب اصحك إنت ابن فلان عيب أضل ساكت اصحوا ياعالم