وقف مع بقجة واربح هدية "21"
تاريخ النشر: 22/08/11 | 6:46
في حلقة جديدة من برنامج بقجيات رمضانية “وقف مع بقجة واربح هدية طرحنا موضوع الألعاب النارية والمفرقعات حيث كان لنا لقاء مع السيد يوسف الطاهر من ام الفحم قال:”يجب أن تمنع تلك الألعاب من قبل السلطات لأن هذا خطر على الأطفال وقد سمعت من يومين عن طفل من الشمال أنقذ من الموت وأتمنى من الفضائيات والمواقع أن تثقفوا الناس عن هذا الأمر لكي تمنع جميع تلك الألعاب ,وأخبرنا أن بمناسبة شهر رمضان يجتمعون العائلة كل أسبوع على مائدة رمضان في متنزه وقاعات أفراح تل المرح لنعطي جو أكثر رمضان ولنشعر بجمعة الأهل والعائلة ,أتمنى للجميع أن يعيد الله رمضان علينا بخير وصحة وكل عام وانتم بخير”.
كما وكان لقاء مع السيد “محمد وتد” من عرعرة حيث أخبرنا أنه يعمل في دكان حلويات ولذلك يشعر في صعوبة بسبب الأفران والغازات وبسبب الروائح الطيبة, نشعر بالجوع والعطش أكثر, بفضل الله كل ذلك يزول بعد الإفطار .
أضاف معرباً عن رأيه بالألعاب النارية والمفرقعات أن له سلبيات وايجابيات وبالرغم من أنه يعبر عن الفرحة ويعطي جو أكثر لرمضان إلا أنه ضار وخطر ويؤدي الى اصابات كبيرة ويوجد تعليمات علينا أن نتبعها مثل أن من يستخدم تلك الألعاب يكون كبير وواعي وليس طفل.
تقرير_رجاء كناعنة, تصوير_حمادة عثامنة
.jpg)
شي حلو بتوفيق
مهرجان قرعاوي كبير
تحية للمعلمة نورا كناعنة منورة المسيرة : )
عزيزي بقجه بالنسبه للصوت فش عندكم مكريفون مثلا؟!
على علمي بقجة لكفرقرع مش لام الفحم وعرعرة!
هلا بمعلمتنا نورا بقول مالها منوره :)))))))
بقجة لكفر قرع
هيك ما اتفقنا شو اخذكم على ام الفحم !!!!!!!!!!!!!!!!! لازم بس تعلموا مقابلات بكفرقرع
وانا بفضل انو يكون الموقع بس لكفرقرع
شكرا
احلى تحيه لمحمد وتد منور الشاشه والله يعطيك العافيه
بقجة مش بس لكفرقرع احنا بلد واحدي منميزش بين كفرقرع وعرعرة كل الناس خير وبركة
بلدي وافتخر بجد فعالية ناجحة جدا
مالكم شادين على حالكم انتوا ام الفحم ولا كفرقرع كلنا اهل واحدي وكل الناس خير وبركة
وثاني اشي مرحوش اسمع مليح بالفديو احسن وفش حاجي تعرف وين بروحوا
الموقع هو ل كفرقرع والمنطقه وكل الناس متساوين ونحن لا نميز بين ام الفحم وكفر قرع لاننا نحن اخوه مسلمين فاعتقد انه يجب ادخال البلدان الاخرى القريبه ….. للتعليق الرابع وال تعليق الثامن…
شكرا..
حمودي منور ومحالي الشاشه والبلد كلها
صحه وعافيه نداء
صار الحكي موقع كفرقرع مش موقع كفرقرع عارة عرعرة ام الفحم بدنا بس لكفرقرع وعلى فكرة مشاهدتش الحلقة 21 لانها مكانتش ببلدتنا..وصار الحكي كل يوم مفاجاة مع فنان..وينتا شفيق كبها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هئ ما عجبني لانو احنا بدنا نشوف اهل بلدنا …ونتعرف عليهم …بدنا المواهب بدنا لقائات مع مشايخ وائمة مساجد….ما بدنا باقي للبلاد مع احترامي الهم لانو ما منعرفهم بدنا اهل بلدنا الصراحة ما حضرت الحلقة 21
لع يا عمي صار الحكي كل يوم مفاجاة مع فنان واحنا بدنا مقابلة مع شفيق كبها
احلى حمودي منو شاشة بقجة
خلص جوازتك علي يا خالي
والله خيا عرعره زي كفر قرع زيها زيكم انتو بشر واحنا بشر على كلن لما اجو عنا موقع بقجه قالو انو هاي للمثلث …
خيا دشرك منهم قرعاويه وشايفين حالهم
نصيحه مني لموقع بقجه .. بدكو تتحملو اراء كلللل الموجودين لانو كل واحد بحمل رأيو الشخصي وانتو ادرسو الموضوع … لكل تعليق .. ويعطيكو العافيه ورمضان كريم للكل
أولاً النقاش صح ومش خطأ …إلنا إلكم لكلنا مش هذا المهم لانه كلنا في المنطقة بلد وحدة غصب عن الكل…خواتي متجوزات بكفرقرع وبنات عمي في عرعرة وام الفحم وكلنا نسايب وقرايب وبفتخر لم بشوف اشيا منيحة بكل بلد من هالبلاد ..عنجد وبدون تمييز.
واذا دققتم بالامور بتشوفوا انه اصحاب المحلات التجارية بطلت حصر على اصحاب البلد …في ام الفحم موجود تجار من بلاد ثانية وهيك بكفرقرع ..ملانه اصحاب محلات من برة البلد. بس بعارة فش لانه محلاتها معدودة اصلاً.
عشان هيك يا جماعة صلوا عالنبي…
هاي التعقيبات والشعور من وراها بتذكرني بأيام زمان لما كان بصير لعبات فتبول بين بلدنا وعارة ولما تخلص اللعبة بخسارة فريق عارة كانوا يلحقونا من خلة الصقيع بالحجار وعلى راسهم الزحافة الله يعطيها الصحة. وبنفس الليلة كنا نتبادل الزيارات احنا والاصحاب والقرايب من البلدين ونصير نضحك عالاشي.
هاي اسمها فشة خلق…
محمد وتد الله يعطيك العافيه ويسعدك على الحلو الي من تحت ايدك انشالله رح اجى بنفسي واشتري كل سنه وانت طيب ********
في بعرعره وتد طيب بدنا نتعرف عليك بالتوفيق محمد رمضان كريم