أنا مالي فيهاش

“أنا مالي فيهاش ”
(تراث مغربي)

انا مالي فيهاش واش عليا مني
اقلق من رزقي لاش و الخالق يرزقني
مني واش عليا و انا عبد مملوك
و الاشياء مقضية ما في التحقيق شكوك
ربي ناضر ليا و انا نضري متروك
في الارحام و الاحشاء من نطفة صورني
في ضلمة الارحام صورني من نطفة
و بدالي في الانعام نعمة من كل صفا
و خلق لي ما و طعام و نعايم مختلفة
و نزلت بغير قماش غطاني و سترني
يا قلبي ثق بالله فهو المعطي المانع
و ارضا بقضاء الله انك لله راجع
ماذا في علم الله الخير في الواقع
تدبيرك ما يسواش من تدبيرك دعني