شجار وإصابة شخص بعيارات نارية بكفرقرع

تاريخ النشر: 18/07/11 | 12:14

وقع شجار وسط البلد بالقرب من مسجد قباء في كفرقرع تسبب بإصابة شخص (الاسم محفوظ بهيئة التحرير) في الخمسينات من عمره بعيارات نارية بقدمه وصفت جراحه بالمتوسطة كما وأصيبت قريبته بإصابات طفيفة جراء حالة إغماء نقلوا على أثرها بواسطة سيارات الاسعاف التابعة لنجمة داوود الحمراء لمستشفى هلل يافة لتلقي العلاج.

وقد هرعت الى المكان قوات مكثفة من الشرطة والقوات الخاصة حيث أغلقت المنطقة وباشرت بالتحقيق بحيثيات الحادث.

‫41 تعليقات

  1. لا حول ولا قوة الا بالله .. الله اكبر وحدوا الله يا جماعه قربنا ع شهر التسامح والغفران.. شو السيره ليش انعدم الامن والامان ..

  2. عنجد وحدوا الله يا ناس–الله يصبر الجميع –بس الي بعرف اسم الزلمي يقول
    –والله يجازيه الخير

  3. الى الذي يزعج القريه في المفرقعات الان اذا كان ازعاج الناس غايتك او إظهار غناك
    فلا افرحك الله في عرسك ولا أغناك ولا وفقك اللهم اقلق منامه وارقه.
    قولوا امين  

  4. الله يخزيها من ..تصرفات, كل يوم نفس القرف !! وينتا بدها تنظف من هاي العالم؟! ويلا مكتوب نظل هيك !؟

  5. إلى أبو محمد
    ما كان عليك أن تدعوا هكذا
    كل فرد له طريقته للتعبير عن فرحه في حفل زفاف إبنه
    يعني سماع مفرقعات في آخر الليل أحسن من سماع عيارات نارية وصراخ أولاد وسيارات شرطة واسعاف
    الله يهني الجميع وان شاء الله كل أب بفرح بابنه وبعمل أحسن من هيك

  6. الى المعلق ابو محمد …عيب وحرام عليك الدعاء بالشر للاخرين مهما كان السبب , قل هنأك الله وتمم الله فرحتك لمن تقصده , كفاك سوداويه , اعلم ان الدعاء بالشر للاخرين يعود على صاحبه ..اقرأ هذا بكل الديانات …عيب عليك وتراجع واستغفر ربك

  7. اللة يصلح هاي الامه ويهديها الى الصراط المستقيم وكفى للعنف واطلاق الرصاص , وين التسامح والمحبه والصبر

  8. السلام عليكمـ،
    أهذا ما تتمنآه لـ(أخاك) في فرحه؟
    إذا كان كذلك، فاعلم أنه من المؤكد احد الناس قد دعى عليك بهذا الدعاء (أو ممكن أشدّ) بليلة من لياليك اـ”لفَرِحه”.. 🙂
    فيا ابا محمد الـ(محترم); حب لغيرك ما تحبه لنفسك.. ولا داعِ للدعوات والكلام اللاذع والغير ملزوم..، أعطاك الله على قدر نيَّتُكَ!

  9. يا ابو محمد عيب عليك والايام دواره وبكرا اكيد بدك تفرح بولادك عكيفك فحكم عقلك واحب لاخيك ما تحب لنفسك

  10. شو هالزمن يا ناس؟؟؟
    انا ساكن بنفس الحارة “النزول” وين صار الطخ بس ما كنت بالبلد ساعتها لانه انا والعيلة في شرم الشيخ …والحق يقال انه سمعت عنه من صاحبي اللي قال انه شاف من الصور في بقجة انها حارتنا …ودغري اتصلت وعرفت من ابني شو صار…
    اَخ عأيام زمان واليوم…احنا برة البلاد وعارفين شو بصير

  11. المزبوط بحب احيي موقع بقجة السباق بنقل اخبار البلد اول بأول…
    مرقنا من نص البلد كانت طوشة ومراسل بقجة بصور بس ما نشر الصور مش عارفة ليش.
    بعدها شفنا الخبر عن اصابة الشب وما فهمنا كيف صار الاشي وفكرنا نفس الطوشة بس طلعت غيرها

  12. شكلها حارتكم منحوسة..كل اكم شهر بنطخ واحد هناك؟؟؟ما عليكوا الا تقروا المولد بساحة الجامع يوم الجمعة الجاي

  13. اسمع ابو محمد مقهور خليك ساكت احسنلك, ولا رصاصة طلعت من العرس, عيب عليك تحكي هيك, …..

  14. السلام عليكم ورحمة الله وبركاته
    كلامك صح يا اخي (((افرح للاخرين كما تفرح لنفسك))) وياريت يا اخ ابو محمد تتقي الله كلنا عنا افراح وكل واحد منا ليه طريقة بالتعبير عن الفرح , مو خايف من انه ربنا يقلب فرحك لحزن يمكن المفرقعات بضايق كثير من الناس بس ما بيدعو بيقولو الله يفرح كل الشباب ….
    الله يبعد عن الجميع الحزن ويدخل الفرح والسعاده بقلوب الكل قولو امييييييييييييين

  15. واسفاااااااااااااااااااه على كل هاي الاحداث !! الله يستر بس
    مجاش الوقت نصير حضاريين يا ناس ؟

  16. الى الذين يفرحون في ومع المفرقات ويحللون استعمالها
    فان ترويع الناس وازعاجهم اصبح عاده حميده وفرحه على اصول الدين
    ومن ينكر المنكر اصبح من المخالفين لشرع الله
    والى الذي يظن انني احسد صاحب العرس فصدق أنا لا اعرف لمن العرس

  17. ان ابو محمد اخطأ وأصاب
    اخطأ بالدعاء عليى إصحاب العرس
    وأصاب في استنكاره لهذه العادة القبيحه

  18. انا مع ابو محمد بلي قاله احنا دارنا قريبة عالعرس وعن جد انو المفرقعات كانت زيادة عن اللزوم وكان صوتها عالي كثير ومزعجه وانا ولادي معرفوش يناموا يا عمي الفرحة برضو بتم بدون مفرقعات وازعاج الناس . على كل حال الله يفرح العريس واهله ويتمملهم على خير والف مبروك .

  19. القرية الهادئة القرية العاملة القرية المتحابين اهلها تربطهم جميعا أواصرالقربى والمصاهرة ولا غنى لبعض عن بعض ، فاتقوا الله ايها ألأحباب ، أعيدوا ألأمجاد ألى هذا البلد الطيب رعاكم الله وحفظكم وأبعد عنكم السوء وجعل ايامكم بأبنائكم سعيدة ولا يليق بمسلم أن يتكلم ألا خيرا .

  20. معاه حق
    امين-اقلق منامي وراحتي
    مش مفرقعه 2 3 4 فوق 50
    1 حرام
    شو السيرهمقاهره الحياه
    يعلم الله مالك من اين اكتسبته
    ليعلم كل من يقلق الناس انهم يدعون عليه

  21. اذا كانت فرحة العرس لا تتم الا بازعاجي وازعاج أولادي فانا لست مشارك بالفرع المزعجه بتع حضرتكم وانا من المدعون للعرس وقررت عدم للمشاركه بهم

  22. الله يكثر افراح الناس ويهني الجميع ابو محمد ما قصد الايذاء لكن الصحيح انهم زودوها واستمروا حتى ساعة متاخرة وهذا ما حدا برضي في ناس مريضة وناس بتقوم بدري على الشغل الله يهدي الجميع ويوفروا هاي المصاريف في عمل خير

  23. معك حق بدل لا يشتروا اسلحه يتبرعوا لشي جامع ولا لشي مقبرا………………..

  24. ظاهرة اطلاق الرصاص والمفرقعات واللباس غير المحتشم أصبحت من أهم مميّزات الكثير من أعراسنا أقول لكم اتقوا الله في أنفسكم وفي أولادكم عدة اشخاص راحوا ضحية اطلاق الرصاص والمفرقعات في الوسط العربي وفي العرس هذا بالتحديد كان الكثير من المفرقعات اولادي خافوا كثير وطول الوقت وهم بحضني وبدكم الصراحة انا كمان بخاف من المفرقعات بخاف على الاولاد وبخاف حدا يتاذا بس شو بدنا نقول لأولئك اللذين يملأون فراغ نفوسهم بالضجيج
    بدل ما تبذروا المصاري تبرعوا للمحتاجين اعملوا مشروع خيري

  25. الموضوع عن اصابة شخص بعيارات نارية وأنتو صرتوا تحكوا عن العرس ال كان في البلد بس بدي اقول ان في كل عرس بيكون في مفرقعات عند الغني والفقير وكل واحد بعبر عن فرحته بطريقته الخاصه به والله يهدي الناس على اعمال الخير وشكرا

  26. لكل المعلقين انا استنكر هذه الظاهرة جدا وهي ازعاج العالم وأذى للناس
    ولكني ادعو لهم : يا رب اهدينا واياهم والهمنا السير في طريق الخير
    الامر اصبح مبالغ فيه فالاسراف والتبذيرايضا حرام
    هل فرحنا لا يتم الا بازعاج الاخرين الى ابعد حدود؟ هل فرحتنا الا بالضجة
    فرقعوا القليل اذا كان لازم تفرقعوا اصلا
    يعطيكم العافية

  27. يا جماعه شو دخل الاعراس بالمقال اول اشي ثاني اشي كل واحد بفرح زي ما بدو خلص حسد وغيري

  28. افراح ومناسبات
    رصاص ومفرقات
    اصبحت لنا سيمات
    وممنوع الانتقادات
    وكتابت التعليقات
    من الممنوعات
    ولكن اصوات بالمكبرات
    وازعاج للابناء والبنات
    والاباء والامهات
    صارت من المكرمات
    هيهيات هيهات

  29. عيب يا جماعة هلدعوات والحكي علناس … الزلمي حب يحتفل ويشارك قرايبو وحبايبو شو المانع
    من وينتا المفرقعات صارت لهلدرجة مزعجة؟؟ حتى بعودة المعتمرين الناس بتفرقع وبتعمل حفلة!!! المشكلة مش بالمفرقعات … المشكلة بالنفوس صارت تعبانة واي اشي صار يضايقنا … وفجاة منتذكر الله عز وجل ومنصير نتفنن بالدعاوي … عيب يا ابناء بلدي
    والمفرقعات بتظل احسن من الطخ والرصاص والهمجي
    نسال الله عز وجل اكمال الفرحة والمغفرة والهديان لاصحاب النفوس الضعيفة

  30. فعلا انه حان الوقت لكي يقال للحق حق. للباطل باطل وان نكن من اهل الحق ولا تلمنا في الله لومت لائم
    وان نقاطع أعرس المفرقعت وان نقاطع الدكان الذي يزحف الي الشارع العام كزحف التتار وان نتصل في المجلس اذا كان هناك إهدار للمال العام والمياه المنبعثة من خطوط المياه والتي تبقي ايام من غير تصليح وان لا نتهاون مع من يلقي النفايات عند وادى القريه وووووو
    والله الموفق الى الخير 

  31. من لم يهتم بامر المسلمين فليس منهم
    ان ازعاج الناس في المفرقعات والحركات في السيارات اصبحت عاده مقبوله فهل هذا يعقل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

تمّ اكتشاف مانع للإعلانات

فضلاً قم بإلغاء مانع الإعلانات حتى تتمكن من تصفّح موقع بقجة