نكت مبارك

الرئيس المزكوم ظهر وكأنه يعاتب “مناخيره” التي “حشرها” فى كل شئون الدولة،
فظل يلعب فى أنفه ثم قال ” أنفى” كل التهم
هههههههههههه جامده أوي دي
القاضي: أنت أمرت بقتل الثوار؟
مبارك: نهوووون؟..
القاضي: ثوار مصر..
مبارك: نهيييييين

فريد الديب للقاضي: سيدي الرئيس..
مبارك من داخل قفص الاتهام: نعم يا فريد؟

مصر | عاجل: مبارك يطلب من ادارة مستشفى شرم الشيخ تليفزيون ليتابع محاكمته
على الهواء بغرفته

المخلوع بعد المحاكمة: بس انا كحسني .. إنبسطت

مبارك: لم أكن أنتوي الذهاب إلي المحكمة و لكنها ارادة الشعب.
عارفين أحسن حاجة فى المحاكمة دى أية ؟؟
أننا أكتشفنا أن مبارك بقاله 30 سنة مخبى علينا أن جده أسمه سيد

*********************************

مبارك: عارف يا ابليس ياخويا، انا عاوز اعمل في الشعب المصري
حركه تطلع من نافوخهم
أبليس: طب هات ودنك وخد الفكره دي …..وش وش وش وش
مبارك: لالا يا ابليس الفكره دي مش نافعه،  عاوز حاجه أشد
أبليس: طب خد دي …… وش وش وش وش
مبارك: لالا، برضه مش نافعه، ايه يا ابليس انت بقيت خرع كده ليه، هات بقه ودنك وانا اقولك انا نويت اعمل فيهم ايه
وش وش وش وش وش
ابليس: لا يا راجل حرام عليك

*******************************

إخبرنى بصراحة يا نظيف ولا داعى للمجاملة أو النفاق .
نظيف: أمرك يا ريس
الريس: انا الأفضل ولا عبدالناصر؟
نظيف: انت طبعا يا ريس .. جمال مين اللى كان بيخاف من الروس !!
الريس: طيب انا الأفضل ولا السادات؟
نظيف: سادات مين ياريس اللى كان بيخاف من الأمريكان !!
الريس: طيب انا الأفضل ولا عمر بن الخطاب؟
نظيف: انت طبعا يا ريس .. عمر بن الخطاب كان بيخاف من ربنا .. انت لأ

*****************************

كان فى سرير المرض حينما أخذ يلقى بوصاياه الأخيرة لوزيره نظيف:
– وصيتك الحكم من بعدى يا احمد ..
– فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
– وصيتك الشعب من بعدى يا احمد .
– ما تخافش يا ريس .. الشعب ياكل الزلط …
(ثم راح فى غيبوبة .. أفاق منها بعد قليل )
– احمد
– نعم يا ريس؟
– ماتنساش .. توكيل الزلط لعلاء