• لإرسال مواد لموقع بقجة على البريد الإلكتروني: [email protected]

    أبحث عن عاملة تساعدني بشغل البيت

    انا شابة 28 عام من كفرقرع، متزوجة مع ولدين. الكبير بجيل سنتين والصغيرة 9 اشهر. اعمل موظفة بمكتب خارج البلدة كل يوم من الثامنة صباحا وحتى الرابعة عصراً وعندي استراحة في ايام السبت فقط. اولادي بالحضانة حتى اعود من العمل لكنهم في جيل صعب وكل الوقت اهتم بهم حتى ساعة نومهم في التاسعة مساء، علما ان زوجي يعمل كل يوم حتى السادسة مساء ويحاول مساعدتي بعد عودته بالاهتمام واللعب مع الاطفال وعادة في ايام السبت نسافر عند اهلي.

    حياتنا عادية وهادئة لكن مشكلتي باعمال البيت، فبيتنا كبير جداً (طابقين) ويحتاج لرعاية وتنظيف كل الوقت، ولا وقت لدي وكل ايامي "ملانة".

    ابحث عن عاملة تأتي كل اسبوع مرة ولا اجد الملائمة فكل من اقترحوها علي كانت لا تلائم ظروفي او انها لم ترق لي. فمثلاً جارتي عندها عاملة بأجرة 45 شاقل بالساعة وهذا كثير جدا برأيي وحتى انها "ممسوكة" كل الاسبوع، وكان عند صديقتي بالعمل عاملة اخرى لكنها اكتشفت انها كانت تأخذ اشياء من البيت دون إذن.

    اريد المساعدة…هل تعرفون عاملة جيدة وبسعر مقبول وذات تجربة للعمل ايام الجمعة يبعد الظهر.

    لإرسال مواد لموقع بقجة على البريد الإلكتروني: [email protected]

    التعليقات

    1. ادا وضعكم المالي ممتاز اقعدي في البيت بلا هلشغل مع انو ولادك بحضاني وقتها ما يبقى عندك مشكله هلكيت انتي بتدفعي حضاني مع شغالي كتير فانا رايي انو اقعدي فيلبيت

    2. انا مع رقم اثنين اقعدي في البيت احسن واوفر صدقيني حتى يكبروا ولادك

    3. انتن ليش حاطات احطاط المرا ه هي بتطلب مساعده اذا في عندهن جاوبن واذا لئ فمعناتو السكوت من ذهب .كل انسان حر بقراراتو وبطريقة حياتو يعني المشكله ما وقفت على هاي الشغلات …ملان شغلات بدها تصليح عشان ما تنقلب الحياه .

    4. بدون مؤاخذه طيب حطي رقمك او رقم جوزك لنكون عاتصال كيف بدنا نوصلكم يعني

    5. انتي يا رقم ٣في عندك حل مش شايفه حل اعطي رايك كل انسان عندوا راي

    6. دنيا اخر وقت وانا داري طابقين مع خمس اولاد وعندي كتير مشاغل وبموت من التعب. بس هي المشكلة مش البيت بالعكس الاولاد هم المشكلة يعني ما بروحو من الحضانة ولاهم نعسنين كان شرويهم مشترة اريحلك لليش غلبتي حالك يعني ولادك بيعرفو انك الماما يمكن بفكرو عن معلمتهم الماما

    7. انا كمان بدوي وحدة رخيصة وقويسة وبنت حلال. واللي حابة تشتغل بسعر مقبول تحط رقمها بتعليق لاتصلها.
      يا ريت لو موقع بقجة يحط زاوية مطلوب عمل مجانية مثل زاوية التهاني المجانية حتى كل واحد يحط طلبو اذا بدو يشتغل اشي واذا غيرة محتاج لاشي

    8. في مجال اساعدك بس بطلب ٤٠ شيقل عساعه وامينه جداً بعدين اصعب شغل هو شغل الدار ازا معنيه بحط رقمي ببقجه ويكون سري طبعاً

    9. حسب رايي الي ما بتقدر تدبر حالها وتلحق على شغل الدار والاولاد تقعد في بيتها وبلا شغل بره لانو الاولاد والقعده معهم وشوفت مستلزماتهم اهم من الشغل كلو لانو هظول امانه من عند ربنا اذا وهم صغار معتنيناش فيهم كيف لما يكبرو الله يخترلك الاحسن

    اترك تعليقاً

    لن يتم نشر عنوان بريدك الإلكتروني.