غداً الأحد إضراب بإعدادية ابن سينا كفرقرع
تاريخ النشر: 07/09/13 | 12:00
أصدرت لجنة اولياء الامور في مدرسة ابن سينا الاعدادية في كفرقرع مساء اليوم السبت بياناً أعلنت من خلاله الإضراب غداً الأحد وصلت نسخة عنه لموقع بقجة وهذا نصه:"قررت لجنة اولياء الامور في مدرسة ابن سينا الاعدادية وبدعم من لجان اولياء الامور في مدارس البلدة اعلان الاضراب في إعدادية ابن سينا يوم غد الاحد الموافق 8.9.2013 وذلك لعدم تجاوب المجلس المحلي في حل مشكلة الطلاب واستيعابهم في مدرسة ابن سينا الاعدادية". الى هنا نص البيان .
في للابتدائيه
ما شاء الله طيب الطلاب شو بيتعلمو؟؟
الاضراب سياسي وهو ضد مصلحة الطلاب ومن يريد ان يضرب فيضرب بعد الانتخابات التي ستكون بعد شهر ونصف
هل يوجد اضراب في كل مدارس كفر قرع ام لا .
لانه قبل قليل قد اعلنوا في الجامع انه يوجد اضراب في كل المدارس المتواجده في كفر قرع ماذا يمكن ان نفهم من ذالك ؟؟؟؟
يايييييييييييييييييييييييييييييييييي ياييييييييييييييي
انا شخصيا وكأم لطالب بإبن سينا ضد هذا الاضراب نهائيا على المجلس المحلي وقسم المعارف حسم الموضوع نهائيا وتقسيم الطلاب حسب مواقع جغرافيه فقط لا غير
ما ذنب الطلاب بخسارة يوم تعليمي من اجل طلاب عليهم ان يتواجدوا بالسلام يجب اخراج كل الطلاب التا بعين للسلام وإرسالهم اليها وإبقاء من مواقعهم تابعه لإبن سينا دون تفرقه وان يكون هذا القانون صارم حتى بالابتدائيات مش اضراب وحكي فاضي بدون سبب مقنع مشان ناس مش عاجبتهم السلام وغصب عن الكل بدنا ابن سينا الحزم دون تفرقه هو الحل
شو هاذا ليش مش مدرسة السلام
هذا اضراب سياسي وغرضه الضرر السياسي برئيس المجلس, فليس من المنطق أن تضرب مدرسة كاملة بسبب 30 أهل لا يريدون ارسال أولادهم الى مدرسة السلام الاعدادية, واذا كانت مدرسة ابن سينا قد استقبلتهم أكثر من اسبوع تحت ضغط من الأهالي, ليس المجلس مذنب بهذا, وقد أعلمت كل الجهات -المجلس, المدرسة, الأهالي – وزارة المعارف بهذه المشكلة لعلها تساعد في حل المشكلة
الى القرعاويه رقم 7 هذا الاضراب لاسياسي ولا غرضه الضرر باحد لان الخمس وثلاثون طالب كل واحد من عائله محترمه اريد ان اسال سؤال للرئيس من اولى تسجيل الخمسه عشر طالب (الاغراب) من اصل خارج البلد ام اهل البلد وانا مستعده ان اواجه الرئيس مع الاسماء الغريبه لا نريد غير تعليم ابنائنا في المدرسه ابن سينا لا نطلب غير ذلك ومن حق كل طالب ان يتعلم اين يشاء ولا قانون يمنع هذا ارجوا الرد على هذا التعليق ..
لماذا اليس بالدنيا خير لنفترض ان من بين هؤلاء الطلاب ابن لنا لماذا لا نهمل هم بعضنا البعض اليس من وظيفة المجلس التدخل وحل هذه المشكله ولكن للاسف المجلس المحلي لا يهتم بامور طلابنا والدليل على ذلك الهبوط في التحصيل العلمي وظواهر العنف المنتشره في القريه ولكن المجلس يغط في سبات عميق وكل ما يهمه المهرجنات والندوات واللاقات الشعريه وظهور فلان وفلانه في الصور للمظاهر لم نشهد اي تطورات خلا الخمس سنوات الماضيه … ارجو النشر
الى رقم 4 لع بس ابن سينا لوسمحتو اضراب
اسمعي يا رقم 6 فيش حاجي تتفلسفي علينا وعلى الجميع انتي ما خصك بالناس وين بدهم يتعلموا لو المشكلة معك منتي بتقيمي البلد وبتعجبي شوو هااض قدري مشاعر الاهل اصلا الحكي الي بتقولي فيش الرا معنا غير…
فيش احترام لو ابنك او بنتك الي صاير معها او معوا ابتعملي المستحيل!!!
شو باقين الطلاب خواريف عندك شو هاااض!!
الى لجنة اولياء الامور ابن سينا ليس من المنطق ان تعلنو اضراب دون موافقة الاهالي الموضوع خاص يمكن حله دون تشويش على طلابنا في بداية المدرسه في ابن سينا
الاهل حقهم يختاروا اي مدرسة لاولادهم ، وأجا الوقت لنفكر بكل جد شو المشكلة بمدرسة السلام ، وليش الطلاب ما بدهم يتعلموا فيها ، وانا متأكدة انو السنة الجاية راح تتكرر نفس المشكلة ، شووووو الحل؟!!؟!؟؟؟؟؟
الى موقع بقجه ممكن تعليق وبيان سريع من إدارة المدرسه يعني اللي ضد الإضراب بقدر يودي ولاده عالمدرسه بدنا نسمع رأي المدرسة بسرعه من فضلكم
لن نسمح باتخاذ قرار سياسي على حساب اولادنا
ونحن لم نكن باتخاذ قرار كهذا
.الاضراب فقط لابن سينا . ترقبوا خبر اخر يلغي هذا القرار. لانه قرار سيايسه وليس مهني
اكبر دليل على ان الاضراب مش حل بس مضيعه للوقت هو الطالب بتعليق رقم خمسه الفرحان اوي مع احترامي للجنة الاباء قراركم غير صائب ولا منطقي وملناش احنا بثلاثين طالب مش عاجبتهم مدرسة السلام بعدين في كثير امور اهم يجب الاهتمام بها مثل الآثاث الحمامات والقائمه تطول هاي الأمور تستحق مش غيرها
الى المديرة المدرسة الاضراب يوجد لة فائدة في ناس بتقول ملوش فائدة ان طلاب ابن سينا 9 8 يحسوا انو الطلاب السوابع ملهمش صفوف
واللة لنكيف !!!!
لن نسمح بتشويه اسم مدرسة السلام بتاتاً
ثانياً لن نسمح ان تكون لعبه سياسيه على حساب طلابنا
الهدف يا جماعه الخير من الضراب هو تضامن وضغط لحل المشكه بعدما كبرب والكل فهمها لان في ناس بيعرفوا ان الطلاب يريدون الانتقال من مدرسه الى مدرسه حسب قول الرئيس وهذا خطا الطلاب لاولم يذهبوا لمدرسه غير ابن سينا وانشا الله الحق يظهر صامدون
الى الاخت الفاضله صاحبه التعليق رقم(21) ان حل الطلاب في مدرسه أبن سيناء لا يحل بهذة الطريقه المبنيه على العنصره ان هنالك طلاب ليس هم اصلا من سكان كفر قرع ولا يحق لهم التعليم بهذة المدرسه وان الحق والاولويه لابناء البلد وبعد ذلك ينظر للغير . وانني اقول ان الموضوع محتاج الى حكمه ولم شمل أبناء البلد ورفع مستوى التعليم بهذة القريه والقرى العربيه الاخرى. وانني اقترح لحل المشكله . 1_ يجب على المجلس المحلي ان يعمل على مراعاه جميع المدارس ومتابعتها من قبلهم ومن قبل وزاره المعارف. 2_ دفع الموازنات والمخصصات الماديه لجميع المدارس بالعدل ولا تكون مدرسه على حساب مدرسه احرى. 3_ توزيع الطلاب على المدارس يكون بحسب الموقع الجغرافي للطالب وقربه من المدرسه. وبعيدا عن الواسطه والمحسوبيه . 4_توحيد المنهاج الدراسي في جميع الدارس بحيث تدرس المواد الدراسيه من نفس المنهاج التي يتفق عليه من قبل جميع المدارس. 5_ان توحيد المنهاج في جميع المدارس يعمل على العدل والمساواه بين الطلاب في المستوى التعليمي . ويخلق المنافسه بينهم . 6_انني اطالب الاستاذ رشيد ان يكون رجلا ميدانيا وان يتابع المدارس والهيئات التدريسيه وان يجتمع مع مجالس الاباء لهذة المدارس وان يستمع الى اقترحتهم المقدمه من قبلهم ومن قبل الهيئات التدريسيه (المدرسين)7_يجب الاستفاده من خبرات المدرسين المتقاعدين وتفعيل دورهم في المدارس ومجالس الاباء لهذة المدارس وستشارتهم والاخذ باقترحاتهم 8_فتح مكتب لجمعيه المدرسىن المتقاعدين في المجلس المحلي حتى يتسنى للمواطنين مراجعتهم واستشارتهم والاستفاده من خبراتهم . وشكرا لكم جميعا
السلام عليكم جميعا!! أنا لي أبناء في السلام متفوقون وممتازون والمعلمات جداً رائعات والحمد لله ما في مشاكل عنف يعني أنا بستغرب كيف ممكن تحكموا على الأمور من غير ما تجربوا أو تفحصوا الوضع عن قرب جربوا المدرسة ومش رح تندموا حرام تحكموا عالامور بس لأنو كلام وسمعتوه
الحقيقة غير هيك خسارة أنا في القرن الواحد والعشرين وكلنا مثقفين وبنتصرف حسب الشائعات والسمعة
الى السيده الحتومه اولا انا لا اتفلسف والاختلاف في وجهات النظر لايعني الفلسفه اعيد واكرر الاضواب غير مقبول ليس لاننا لا نشعر بالاخرين بل لان مشكلتهم اختياريه لو ان المجلس والمعارف والمدراء من الاساء يعملون بشكل مهني ولا يقبلون الا من يتبع لهم لاعتاد الجميع على وارسل كل طالب مكانه ومن لا تعجبه مدرسته يذهب للاهليات اما الاضراب غير مهني ولجنة الاباء اخطأة بقرارها
هذا الاضراب بس عشان يحلو المشكله
الحل موجود في المدرسة الإعدادية الثانية اللي فيها كوادر وطاقات أكاديمية عالية وكثير بيفتخروا فيها وبطلابها
بس المسالة مسالة حظ
سبحان الله
على فكرة أنتو كلكم (الأهالي) قائلين حالكم و على شو كال مخصهميش بهدولاكا الأهالي و مهتمين بس بحالهم !..
اصحوا يا عالم يا هو مصاريش اشي غلط لأنو إذا كانو ولادكم بمحل أولاد السوابع كان قتلتوا حالكم عشان اتزبطوهم على شان هيك متعملوش حالكم اشي خلص بكرا انشالله بكون في مدرسة هم مش مضربين كل السنة شو هاض!!!!!!
في مشاكل بدها اكثر اهميه في جميع مدارس كفر قرع. يوجد تفرقه في المعامله مع الطلاب
اين انت يا قسم المعارف من هذه المتاهة . اليس انت من سجل هؤلاء الطلاب ما هو دوركم في حل المشكلة التي نسجتها بنفسك لاهداف سياسية
ولكم والله ما عارف هالقد حبيتو المدرسة سبحان لله كلكم تعليم هسا وبعدين بكلولكم انو في مشاكل لليش قاعدين بتتهبلو وبتتفلسفو الاهالي معارضين انهم الطلاب يطلعو من المدرسة وفي اهالي بدهم حارس للمدرسة بس المجلس مو موافق خلص احمدو ربكم انو بضلكم مخشورين لساعة 4 العصر هسا كلكم تعليم اف شو هااااااااااااااااااااااااااااااااااااااض
اسمعوا يا اهالي كفرقرع انتو بس مفكرين انو الموضوع بس انتخابات فكروا باشياء لمصلحة الاولاد اولا وبعدين فكروا بالسياسة !!!!!!!!!!! وبحب اقول لكل الي بعلق انو السلام مليحه يروح يقرا فيها ويعطينا مجال احنا نقرا بابن سينا !!!!!
انا لا يوجد عندي مشكلة ضد مدرسة السلام ولكن انا ارى ان مصلحت ابني في مدرسة ابن سينا واذا سمحتم من عنده تعليق لمصلحت اولادنا يرشدنا به او يمد يد العون لنا لا يعلق بامور تافهة ويدتخل بأمور لا تعنيه ويقول انها سياسه اي سياسه في تعطيل اولادنا هذه مصلحة اولادنا وليست سياسه
لو احنا ولاد بلد عنجد كل البلد بتنضامن معنا وبتضرب لمصلحه ولادنا لان البلد يوجد فيها تفرقة على جميع المستويات والاهداف ليست سياسية بل مصلحه اولادنا فوق كل من لا يحب مصلحتنا !!
نرحب بكم الطلاب الاعزاء متاسفون على الضراب … م ن الحد -الخميس
انتو ليش مكيفين اصلا هذا الاضراب عشان يحلو مشكلة الطلاب الزياده
وتنسوش انو متعلمناش غير 3 ايام بينما المدرارس الثانيه صارو بالاسبوع الثاني من التعليم شغلو مخكم شوي!!!
يوم الاثنين في اضراب سالت المديرة
ليش كل هاي التعليقات مهو خلص أنتو عارفين جواب السؤال اللي كلكم علقتو عشانو وللي هو انو الإضراب صار مش عشان إحنا الطلاب انكيف إحنا عارفين ليش عشان تنحل المشكلة بس أنتو بتتشابكو كاعدين مع بعض ند ما اتحلو التشابكات ……………………..خلص !!!!!
اول شي الثوامن والتواسع شو دخلهم انتو ما عليكم انو تضربوا السوابع شو دخل الثوامن..نهائيا نهائيا في هذة السنة ماتعلمنا اشي هدا مش حل بلمرة وبعدين هسا بيجي فصل الثالث وانتو بعدكم مضربينا وانا سمعت انو الاضراب من الاحد -الخميس
الى لجنة اولياء امور السلام كفر قرع تنتظر منكم ان تكونوا جزء من الحل وليس جزء من المشكلة فانتم وخاصة الحج سعيد قمتم بواجبكم ولم تقصروا بشيء ولكن من حق ابنتي ان تتعلم باي مدرسة حكوميه وهذا الحق يكفله قانون التعليم الالزامي اوافقكم بان السياسه ليست على حساب ابنائنا فلماذا لا تصلحوا اصل المشكله التي تعرفونها جيدا
الى رقم 6 اذا انتي اكيد مع رئيس المجلس عشان هيك وفري كلامك اذا في عندك حل احكي واذا فش وفري كلامك احسلك
الى رقم 7 اذا بنتك او حد داخل بالمدرسة فانتي متريحة اما شو مع الاهالي الي معطلين وصرلهم اسبوعين بطاردوا؟؟ على الاقل راعو شعور الاخرين مش بس انتي راعي شعورنا وكل الاهالي ..؟؟؟؟؟
القضيه غلط بالاساس في تقسيم الطلاب وليست قضية مدرسه كل المدارس في كفر قرع نفس المستوى الغلط بتكرر لما بسمحوا لطلاب انهم يتعلموا في غير منطقتهم الجغرافي كذلك الحال في الروضات والابتدائيات يا ناس شوية نظام وبمشي الحال ما تتطلعوا على بعض
إلى رقم 6و7 مش قصة سياسة ولا قصة السلام ولا ابن سيناء الموضوع وما في الطلاب 30 ال 40,50 أو أي عدد نناقش ومجادلته عن حقنا من منطلق منطقة جغرافية ومن منطق لنا طلاب وأبناء يتعلمون بهذه المدرسة ولي الحق وكل الحق لدخول ابني بهذه المدرسة إذا أعجبك أم لا الإضراب فانا اشد على يد لجنة الآباء للتدقيق بطلاب ليس لهم الحق للدخول بهذه المدرسة وإذا زاد الأمر فالتقسيم غير قانوني وعشوائي ولعلمكم لا يوجد موقع جغرافي ويحق لكل ابن كفر قرع أن يتعلم وين ما كان أفهموا الموضوع قبل أي شيء ونحن لنا حقوق كاملة جداً جداً
رقم 6 بعد شو ؟؟ جغرافي ؟؟؟ صدقيني البعد غير واكبر احنا ولاد بلد وحده وبنضل حريصبن الواحد على مصلحة التاني بس الله يرضى عليكي ( خلي الشخطوره مستوره )
انا اطلب وارجو من لجنه الاباء التضامن معنا لحل المشكله في اقرب وقت
حل المشكله بان تتقسم الطلاب يالمدارس حسب مواقع جغرافيه وبدون تفرقه وليس حسب مين عائلته لانه هاي المشكله تتكرر كل سنه
الى رقم 32 صحيح هاذ الاشي المزبوط الهدوء وخلص!!!!
انا مش فاهمي شو ذنب الطلاب في المدرسة عشان يضربو يا لجنة الاباء الشي زاد عن حدو ليش انا ابني في الصف الثامن شو ذنبو يضرب انتو لجنة انتو اتقوا الله واسكتو وكل واحد يروح حسب القسمة وبلاش هاي العقد خلص زهقنا ا…………اصحوا يا بشر
في اضراب يوم الاثنين؟
في اضراب يوم الاثنين
شو منتعلم اف ؟
يوم الاثنين في مدرسه ؟
شو مع بكرا؟
هل في بكرا يعني يوم الاثنين مدرسه لصفوف السوابع بمدرسه ابن سينا
يا عالم بكرا (الاثنين) في مدرسة ولا لع ؟!
طيب اعرفنا انو يوم الاثنين فش مدرسه طيب وثلاثاء خلص قول الايام الي فيها اضراب وخلص ، عشان في ناس مثلن بسمعوش الخبر بفكرو انو بس الاحد فش مدرسه والاثنين راحو على المدرسه بعدين ازهكنا وحنا كاعدين في الدار وكل المدارس تتعلم ومدرسه ابن سينا تتعلمش ،،،،، بعدين شو دخل الثوامن والتواسع مهو بس السوابع……..