عرب الـ٤٨ المظلومين
تاريخ النشر: 27/06/15 | 10:01
شو صعب تسمعهم بحكولك #عرب_اسرائيل يا اخي بتحس انهم بسبوا عليك!
انك تكون من عرب ٤٨ عايش بقهر واستبداد وعنصرية وما بتم التعامل معك الا بتميز مرفوض! وفوق هذا بيجي أخونا من الدوله الشقيقة بحكيلك: انت من عرب ٤٨ اااه يعني نص يهودي!
انك تكون من عرب ٤٨ خائن بعيون العرب وصامد بعيون نفسك والي فاهمينك…!
انك تكون من عرب ٤٨ بيجوا يسألوك كيف فلسطينيه وعايشه بإسرائيل، نسيوا انو اسرائيل هي فلسطين وانو انا بفلسطين مش بإسرائيل!
عرب ال ٤٨ بتبهدلوا وبنهانوا من إخوانهم العرب بالدول الشقيقه لي؟!
عشنهم ضلوا بأرضهم وما هربوا…
ولا عشنهم تحملوا عنصرية الصهاينة…
ولا عشنهم عايشين مع يهود مع انو العكس تماماً اليهود الي عايشين عنا بفلسطين المحتله من قبلهم!
عيب علينا احنا العرب نضل هيك لازم نتوحد ونصير ايد وحده بكفينا جهل واستهتار الي وصلونا للدمار…!
بقلم الين ابو الهيجاء
يا عمي فش بعد كتاباتها هالبنت متابعها اول بأول بتمنى من الموقع التكثيف في النشر لمقالاتها الواقعيه والجريئه
اللهم صلي على سيدنا محمد ابتسامه رائعه وسحر كتابتها شدني وانا مع اختنا هبه أكثروا من النشر لها لانها تستحق
فشش بعد كلامك الين:))))
الى الامام حبيبتي:**
هاي البنت اكثر وحده بتجذبني كتاباتها وبحب اقرالها الى الامام