ذهب الليل وطلع الفجر والعصفور صوصو
تاريخ النشر: 14/04/15 | 18:30
ذهب الليل وطلع الفجر والعصفور صوصو – صوصو
شاف القطة قالها بسبس قالت له نونو – نونو
ذهب الليل وطلع الفجر والعصفور صوصو – صوصو
شاف القطة قالها بسبس قالت له نونو – نونو
ماما قالت له سيب القطة وخليها فى حالها
فات مدرسته ورمى كراستة وراح جر شكلها
راحت القطة مخربشة ايده لما مسك ديلها
وآدى جزاة اللى ما يسمعش كلمة ماما تقولها
ذهب الليل وطلع الفجر والعصفور صوصو – صوصو
شاف القطة قالها بسبس قالت له نونو – نونو
ابله قالت لى فيفى الحلوه زعلت من سوسو – سوسو
راح يصالحها وبسها وهى حلفت ما تبوسه – بوسه
جابت الحبر وعاصت إيدها وجت بشويش جنبه
مسحت إيدها فى وشه وعملت قال إيه بتلاعبه
سوسو ضربها ومسك الحبر إللى فى إيدها وقلبه
على فستانها وشافهم بابا وضربها وضربه
ذهب الليل وطلع الفجر والعصفور صوصو – صوصو
شاف القطة قالها بسبس قالت له نونو – نونو
ندر عليا اجيلكوا واولع شمعه من شمعه – من شمعه
لحد الشبر ونص مايكبر ويروح الجامعة – الجامعة
ميمى دكتور وسعاد دكتورة واحنا ندعيلكم
وصلاح يبقى محامى وتوتو قاضى يصالحكم
وعصام بكره حيبقى ظابط ويدافع عنكوا
يفدى وادى النيل بحياته وحياته منكم
ذهب الليل وطلع الفجر والعصفور صوصو – صوصو
شاف القطة قالها بسبس قالت له نونو – نونو
