حلو صغيور

غنى العصفور
زقزق زقزق
حلو صغيور
وعيون بندق
* * *
ع الغصن الأخضر
كان واقف
بيبُص هناك
ع الورد الأحمر
مش خايف
ولا كان خواف
* * *
وعيون البنت الأمورة
من ورا شباك
بتبُصّ عليه
وتقول له تعالى
يا عصفورى
يا أخضر وجميل
أنا باستناك
وبأحب أشوفك تتمايل
ويّا الأغصان
وتغنى أغانى الحرية
جوا الأوطان
* * *
طار العصفور
زقزق زقزق
علطول فرحان
وعلى الشباك
حط .. ونقرّ
والبنت هناك
ضحكت بعيونها
الأموره
والكون فرحان
* * *
لما البنوته الأموره
حبت عصفور
وعيونه النونو صغيوره
لكنه جرىء
بيغنى أغانى الحرية
وبقلب برىء
بيقول : الله
محلاكى ياشمس يادهبية
والنسمة ف وقت العصرية
حلوه طريه
جوا أرضينا المصرية
محلاكى ياحياة