"فص عغفلة" برنامج كوميدي مع مجد ومهند من كفرقرع
تاريخ النشر: 12/08/12 | 6:33
مجد زيد ومهند يحيى من كفرقرع، يعملان حالياً على تقديم برنامج كوميدي ستاند اب من عشر حلقات بعنوان ” فص عغفلة” يحكي عن المواقف التي نواجهها في الحياه اليوميه وينتقد بعضها لهدف بث روح الدعابه بين الجمهور من خلال حلقات اسبوعية عبر موقع بقجة .
مجد زيد 22 عام يدرس الطب سنه ٣ في جامعة مولدوفا، مهند زيد 22 عام يعمل حالياً في بيزك بن لؤمي. البرنامج من تصوير ومونتاج عادل ابو فنه, علماً ان صديقهم ضياء زيد 19 عام سيشارك لاحقاً ببعض الحلقات.
وفي حديث لمراسلنا مع مهند ومجد قالوا:” نحن اصدقاء من جيل الصغر وفكرة الستاند اب او البرنامج الكوميدي بدأت بوجود القدرة على اضحاك الاصدقاء والعائله وذلك ما حفزنا على تنفيذ هذا البرنامج. نتمنى من الجميع ان ينال برنامجنا اعجابكم ونسعد بتلقي الرد منكم شكرا وانتظرونا في حلقاتنا كل اسبوع عبر موقع بقجة” .
لمزيد من المعلومات زوروا صفحتنا على الفيس بوك باسم ( فص عغفله )
هذا البرومو ونتمنى ان ينال اعجابكم ننتظر ردودكم وشكرا
.jpg)
ولله احلى اخ بلنجاح و التوفيق وحش اخوي
بوركتم ..ربنا يحميكم برنامج كوميدي معبر عن واقعناويلمس اكثر النقاط الحساسه في مجتمنه بروح رياضيه راقيه وجميل جدا ..دمكم خفيف كتير تسلموا يا رب
عمل حلو, نحن نملك الكثير من الطاقات غير المستغلة في البلد.
لو سمحتوا تبحثوا عن الجديد واللحامي في السوق من المواضيع الله يرضا عليكم, مواضيع, حركات, لهجة وكلمات بتمثل البلد والمنطقة..
كمان ملاحظة السيرورة والحبكة بالعمل الكوميدي مهم جداً كغيره.
بداية جيدة, بالتوفيق واللايكات.
كل الاحترام شخصيات مع ثقافة ناجعة
كل الاحترام للشباب مشكورين جداً على هذا المجهود وارجو منكم ان تمتعونا بالحلقات القادمه والى الامام
الى الامام وبلتوفيق فكرة حلوي كثير
شكراً على التعليقات الرائعه المشجعه والمحفزه 🙂
كل الحترام لكم يا شباب المستقبل اعجبني البرنامج كثير;)
والى الامام 😉
كل الاحترام*
حلو كثييير كثيييييير والى الاماام (Y)
هههههههههههههههههه والله اشي مزبط
حلو كتير موفقين
شو هالهبل هاااد !!!!!!!!!!!!!!!! وشو هالاسم هاد!!!!!!!!!!! عيب…. هاد الحكي ينحكا قدام بنت…!!!!!!!!!
….:))) …
كتييير حلووو اعجبني كتير وضحكت كتيير استمروا في هاذ العمل
لفته اعلاميه فكاهيه واقعيه في مجتمعنا … كل الاحترام
الكم لهيك مشروع .. بس كان المفروووض تختارو عنوان
يكسح الساحه اكثر من هيك !!!
ايشي حلو بس مثل الحلقات واحد اسمو رجائي يعني نفس اشي حتى الحركة ولكلمات يعني مش بزيادي حتى لبس النظارة عادي فشي ايشي متغير
احلا ضياء واحلا برنامج كوميدي وفكاهي وكل الاحترام للشباب وللأسف كثير طاقات بمجتمعنا غير مستغله ولازم تستغل وألى الامام ..
حلو كتير مهضومين بسً يا ريت لو ما بتستعملوا الكلمات العبريه بس حلو
عفكرة الابداع والتجديد , بنجع اكثر من التقليد , “رجائئ وشلتو” , حالوا جددوا شباب
المواضيع معبرة بصراحة عن مجتمعنا . بس في مشكلة أنكو انتو بتقلدوا ببرنامج “سمة بدن” بطريقة تقديم البرنامج.
تسلملي هالطله وخفة الدم في التعبير الجميل اتمنى لكم التوفيق الله يحماكم وينجحكم في حياتكم حبيبي مهند الله يخليلي اياك الى الامااااااااااااااام
بالنجاح والى الامام كثير كثير حلو وبانتظاركم
والله الفكره حلوه وممتعه بس يعني خفو علينا بمقطع التايتس يعني مش حلو الاشي في
أداب الحكي ومش لازم نتشبه بحدا وبلذات الشمال حلو وبلتوفيق
برنامج حيوي وممتع .. الى الامام وبالتوفيق ان شاء الله
ملاحظة :- يا ريت يكون في الفقرات القادمة نوع من التغيير في كل من الحركات والملامح
لانه اول ما شفت الحلقة الاولى طريقة الاداء ذكرتني في البرنامج المعروف ” سمة بدن ”
nice gob n good luck guys
كل الاحترام عمل رائع جدا وهادف..
مجد من جيل الصغر كان محترف بالستاند اب والتمثيل
ومهند كل الاحترام الا الامام ولاد جيلي
حلو بالتوفيق…. المهم جدا الاستمراريه التقدم والتالق بالجديد….الصحيح نحن نحضر لحفله قريبه وبحثتا عن ستاندبستيم عرب وما كان في تحت الايدي… وهاي فرصه ونحن معكم… فكره حلوه ولكم الدعم… بروين عزب محاميد.. الناطقه بلسان جمعيه النسيج الاخضر،.
اشي كثير حلو
……..
ابكو موضوعيين وحافظوا عحرمة رمضان !!!
يلا هسا صاروا شيوخ …. خف علينا يا سيدي
شكراً للجميع وبالنسبه للنصائح احنا اكيد رح نعمل فيها وانتظرونا بالحلقه الاولى غداً عبر موقع بقجه …. منتظرين دعمكم لنا
عفكره يعني في كثير ناس مبالغين في تعليقاتهم يعني شو هالقد الاسم مضايق
اكيد حبوا يعملوا هيك من ناحيه فكاهيه ومش اكتر
بعدين شو دخل انهم بيشبهوا سمة بدن او رجائي … بالاخر هاد مجالهم بالبرنامج اكيد مش رح يختلفوا كتير عنهم .. وبالعكس برنامج بجنن وفش حاجه دائماً يكون في نقد ….. مع احترامي للاراء .
كل الاحترام وحلوي الفكرة اينو نقد بطريقة مزح بلكي البنات شواي اسحين عحالهين
وفي ناس بتقول وشو ياعني ما يلبسن انا صراحة بنسبي الي البنت وهيي لابسي التايتس زي ….!
شكراً للجميع وبالنسبه للنصائح اكيد رح نعمل فيها وانتظرونا …غداً عبر موقع بقجه …..
اشكر جميع المعلقين لاهتمامكم بالموضوع ونحن نحترم آرائكم وخاصةً الاراء السلبيه ونعدكم ان نحسن قدر الاستطاع . ويهمنا تشجيعكم ودعمكم المعنوي لنا فاهذا سوف يحثنا على ان نعمل بشكل احسن واجدد .
وشكراً
لا حول ولا قوة الا بالله
اصلن يا ناس اسم البرنامج مش مهم المهم تعرفوا الهدف و تنبصتوا و بعدين كثيير اشياء من الي حكوها في هاد البرنامج صح و بتصير في البلد و غير البلد
والله انو حكيك يا سامح جواهر بس بحياتنا ما بنفهم الهدف والناس بدل ما تشجع ״ بهدوا المعنويات” يا جماعه شجعوا بعض خلينا نثبت حالنا في المجتمع “احنا العرب” والله اشي بجنن وبرفع الراس وكل الاحترام
ليش ادخلتو جميع المواضيع خلو للحلقة القادمة؟
الله يوفقك وبنجاح والى الامام … والبرنامج كثيير حلوو وبنسبه لالي البرنامج مش بس مضحك بلعكس بوعي ” بناس اليوم ” وخاصة البنات .. وكل الناس… كل الاحترام الكم وخاصة ولاد العم ” مجد , وضياء ” الى الامام … وانا متابعتكم من الاول للاخر … سلام
احلى نور تسلمي يا بنت العم 🙂
1.المستوى كثير واطي
2.البرنامج مقلد بشكل كبير من برامج اخرى
3.الحكي بالعبري غير مقبول. حتى وان كنا نتكلم العبرية في الحياة اليومية
اخي العزيز .. السبب هو ان الحلقات القادمه تتحدث عن مواضيع مختلفه اخرى
ليس هذا الذي نتوقعه من كلمات نابيه بذيئه ليس لها رصيد من ادب الاسلام والمسلمين. فالمسلم ليس بالفاحش البذيئ.
لا حول ولا قوة الا بالله ما يلفظ من قول الا لديه رقيب عتيد.
ولله يا خالتي معك حق لازم نكون يد وحده و نساعد بعض و نشجع بعض على الاقل نظهر اشي واحد للعالم
حلو جد دمو خفيف بالتوفيق
مهند ومجد, البرنامج كثير حلو, الفكرة رائعة. لكن هناك بعض الملاحظات للتحسين بنظري..
1-كما ذكر البعض, ملحوظ التقليد لسمة بدن بشكل واضح, حاولوا تعملو اشي خاص يميزكم افضل..
2-التاثيرات الصوتية شوي مبالغ فيها, الستاند اب الناجح بسلط الضوء على حضور الشخص نفسه..
3-مهند, اختار خيا: او بتستعل “كان” وهذا الافضل والاصح او “بقى/بكى” لانه الخلط بينهن بالحديث مش كثير مناسب وحلو..
4- فش حاجة كل شوي تحطو “توووووت” على الطالعة والنازلة, معلش ستاند اب هذا مش خطبة جمعة, اصلا عفويته احلا اشي
غير هيك احييكم على الفكرة الابداعية, يعطيكم العافية شباب, قدما والى الامام :)))
دمكم خفيف 3>انتو غيرانين من البنات
تصحيح اخطاء إملائية اصلن:اصلاً تنبصطوا: تنبسطوا
مزيط بجنن … ننتظر الحلقة ..:P.:))
حلقة رائعة جدا وبالنسبة للتعليقات المعارضة اي انهم بقلدو .. الرجاء انكم تنتظروا باقي الحلقات وتشوفو كيف رايحة اتكون وبعديين بتحكمو عليهم لهدرجة اوكي لانو هاذ الاشي هسا صار ببلدنا يعني شجعوهم اشوي خلينا نضحك برمضان …!
الى الامام
اول اشي فكره حلوي كثير بس بتكون احلى لما تكون من عندكو…ا……حركه!!وبتمنى الكم التوفييق ..:)
هذول شباب يتكلمون بأسم اهل كفرقرع وبأسم شباب كفرقرع ؟؟؟؟ ويتكلمون عن الحياة التي يعيشها اهل كفرقرع هاي الحقيقة
مجد وضياء انا بدي اصور معكم حلقه …. ضياء كثير بضحك
الى الشيخ رأفت : انا لا ارى كلمات بذيئه فلكلام البذيء لا يسمع ! لأن هناك خاصيه الصوت وهذا برنامج فكاهي جدا واعتبره جيد جدا لتوعية شباب وبنات البلد بعض الشيْ علما اننا في رمضان ! وما يقولونه ما هو الا مجرد “دعابه” ولا ارى معيبه في هذا . ومشكورين شباب على المجهود الرائع وقدما وألى الأمام .
لليش بتقلدو بسمة بدن وبعدين هاظ مش اسلوب معلمين ولا اسلوب معلمات اذا المديربدوش يحل الموضوع في مين يحلو وهاي الخرارايف خليها الكوم يا شباب المستقبل انتو زريفين كتير حاولو غيرو المضوع عن ابنات كل واحد يدير بالو على الي عندووووو وشكرا لكم بنجاح ….
بعد مشاهدة الفيديو للاسف امر مخزي جدا ان شباب يحكوا عن الصبايا وبشكل بذيء جدا يعني في كلمات ليست بمكانها وتظهر مدى ثقافتكم ذات المستوى المتدني لذلك انصح باختصار الكلام الغير لازم.عيب ان تتكلم عن بنات الناس مقابل ان لكم اخوات صبايا.ماذا لو تكلم صديقك عن اختك؟افهم ان لبس الصبايا غير محتشم لكن ارجوا التعبير بكلام ذو مستوى
لكم عليل كم يا مجد ومهند نصيحة بلاش الألفاظ
حبيت الموضوع وحبيت الأداء وكل الاحترام لمجد وضياء ويحي، بس في شي لازم تننبهو في اكتر انو في بعض الكلمات ما تنحكا وياريت لو في مكان اوسع وازا انتو شاطرين لما تحكم عن موضوع دخلو فيديو عن الي بتحكو فيه بالعكس انا كتير مبسوط في هاد الموضوع وياريت الموضوع التاني يكون عن المخدرات وكمان عن الامراض وكمان عن سن البلوغ وكمان شوفو
وكمان شوفك شو في أشياء بدور حول هدي الايام من موضيع وبعدين اللغه تكون مهدبه اكتر والله يوفقكم وللأمام انا فخور في الي بتفعلو وكمان حلو لو تكونو ٣ أشخاص وتناقشو بعض امام المكره تتطرحوالاراء وتناقشوها بجد شي مرتب ليطلع بس خلوكم روحكو رياضيه اوك وأي شي انا مستعد لعطيكو آراء بالنجاح الباهر
واضح بشكل كبير التقليد لسمة بدن مع العلم انو سمة بدن احلى من هيييك بس مش حلو انكو تسرقوا الفكرة الي بدوا فيها ناس غيركو وتعبوا عليهاا وشكراا .
الاشي حلو كثيير بس بكون احلى لما ما يكون انتقادات…الي مش عاجبو ميحكيش..حاول مرة يصير زيهم..انا وجهة نظري ممتاز والى الامام وبتمنالكم النجاح ..
انا الاشي اعجبني بس في تعابير مش لازم يكولوها ابدا..بتمنى انهم ينتبهوا ثاني مرة لالفاظهم وتكون الحلقة الي جاي احلى..وكل التوفيقP:
1. حلوة الفكرة , بس اعملوها بنكهتكم الخاصة
2. فش حاجة لاستعمال كلمات متدنية ووصف مبالغ به عن البنات
3. بارك الله لكم جهودكم وان شاء الله توخذو النصائح الي ذكرت هون في التعليقات للتغيير والتحسين وهكذا يتم ارضاء جميع الفئات والكل راح ينبسط 🙂 بالتوفيق
هههههههههههههههههههههههههه بيجنن البرنامج بكل معنى الكلمة ..
الى فاعلة خير
بالنسبة للتقليد لبرنامج سمة بدن …ممكن فيه شبه بس فش اشي بالدنيا حصري غير الحصري وهون الاشي بطريقة معينة خاصة في الشباب اللي بتقدم البرنامج وكمان الاشي مناسب لمجتمع وادي عارة بالذات ..فوين الغلط؟؟
برنامج حلووفيه ابداع وجراة واللي اعجبني اكثر تفاعل الناس في الانتقادات ..بعضها بناءة ومفيدة وبعضها لمجرد التعليق…وحلو الواحد يتبادل الافكار المهم انه اللي قايمين عالبرنامج يدرسوها ويعرفوا يصلحوا ويطوروا حالهم حسب المشاهدين
والى الامام
بس مين فيهم مجد ومين مهند.. انا عجبني اكثر اللي كان لابس نظارات مع انه ااثنين مبدعين وبيجننوا .. بالتوفيق والى الامام .. وبقول لكل المنتقدين النقد مش غلط بس لما يكون بطريقة بناءة وبعدين ليش كل شي بنشوفه غريب وكل واحد بحاول يتقدم ويحقق ذاته بننتقده..
بالعكس انا بقوا الله معكم يا شباب والى الامااااااااااااااااااااااام
بس ارجوكم قولولي مين مهند ومين مجد!!!
بدكم الصراحه الاشي حلو كتير والمواضيع الي بتطرقولها كتير حلوه بس …….. بعرف هالبس مش رح تعجبكم بس لازم الواحد يحكي ….. انا بصراحه مع الشيخ رأفت لانوا احنا مسلمين وعلى ما اعتقد انكم متحكوش حكي مش مليح حتى لو بتبنوش الحكي بس مبينه بتحكوا حكي مش مليح ان شاء الله توخدا هالحكي بعين الاعتبار وكل ما تحكوا حكي بذيئ اكتر كل ما ربنا مش رح يوفقكم اكتر هاد برأي سلام وشكرا الكم……..
مجد ابو النظارات ….
حلو اكتير بس وان كريم يحيا
الله يوفقكم يا رب وللامام صراحه لما شفتوا متت ضحك اول مره بحضر اشي هيك بضحكني قديش حضرت برامج اجنبيه بتضحك وهييك بس مش زيكم والله بتجننوا الله معكم اكتر اشي بضحكني ضياء هو مجد اذا مش غلطانه ابو النظارات يعني كوميدي هالبني ادم مش طبيعي وضياء كمان بتجننوا وشكرا لمهند …
دون شك أنه لا يوجد نجاح 100% أنا بعطيكم 80%
وهذا تحصيل رائع
حاولوا اختيار كلمات مناسبة أكثر
ويكون تواصل بين المواضيع
ويكون حوار ثنائي بينكم بشكل واضح
مواضيع رائعة وفعلا بحاجة للنقاش
سبحححححححححححححححاااااااااااااانك يا الله الكل انقلب وصرتوا شيوخ ما شاء الله
لليش هالفلسفه كل اشي حول ولا اشي كالو غلط بجنن وفنانين وللوحده بحب اجاوبك على جوابك الي لابس نظارات هو مجد والثاني مهند
والله يا استاذ قرعاوي مقلبناش شيوخ اذا انتي بتهتمش شو شباب بلدك يحكوا وشو ميحكوش هاد برجعلك بعدين احنا مش شيوخ كل واحد بحكي الحق والله بعدين هاد اسمه نقد بناء ماشي وكل واحد اله راي بالحياه ماشي واذا انت مش حابب تسمع اراء غيرك انت حر بس احنا حرين شو نحكي واكيد هم ان شاء الله بوخذوا بارائنا …
الى الاخوه والاخوات اهل بلدتنا الكرام مشكورين جميعاً على تعقيبكم على البرنامج ونحن يسعدنا ان نسمع منكم ارائكم ونشكركم على النصائح المفيده والهادفه وان شاء الله يوصلكم هدفنا الذي نعمل عليه وشكراً .
هههههههههههههههههههه سبحان الله
حلوه بس كتير جريئه
عنجد برنامج بجنن
يسلمو ايدكو على هذا العمل الرائع
كتبت حلوमनर
انا مش من كفر قرع صحيح بس من خلال هدول الشباب أخدت فكرة بتجنن عن أهل كفر قرع دمكو كتير خفيف وبالتوفيق انشالله يا شباب وأنا متابعتكو