ماما زمانها جايه

ماما زمانها جاية جاية بعد شوية جايبة لعب وحاجات
جايبة معاها شنطة فيها وزة وبطة بتؤل واك واك واك
عارف ا لواد اللي إسمه عادل جاء الدكتور وعمله إيه هم هم
لاقي رجليه كانو زي الفتلة بص شوية جوة عنيه
راح مديله حقنة كبيرة ….
عارف إداله الحقنة ليه
مابيشربس اللبن الصبح وكل أصحابه ضحكو عليه
وأهو من يومها شرب وبيكبر واترباله عضل في إديه
ماما زمانها جاية جاية بعد شوية جايبة لعب وحاجات
جايبة معاها شنطة فيها وزة وبطة بتؤل واك واك واك
وأحمد برده إيده مربوطة ومامته عارف ليه مخصماه
كان بيحب تملي يلعب بالكبريت ويشيله معاه
وفي يوم جاب كام عود ولعهم وأخته بوسي كانت شايفاه
راحت النار ملهلبة إيده ولسة إيديه الاتنين وجعاه
واهو من يومها لا بيتعفرت ولا بيشيل كبريت وياه
ماما زمانها جاية جاية بعد شوية جايبة لعب وحاجات
جايبة معاها شنطة فيها وزة وبطة بتؤل واك واك واك