تحيّرنا يا ملوخية كيف بدنا نوكلك…!!
تاريخ النشر: 05/04/12 | 13:00
بلّش يوم الخميس وأجت ليلة الجمعة, سبحان الله كل العالم العربي متفق…ملوخية وجاجة محشية عالغدا…!! كيف ؟ ليش ؟ أنو بدا..؟ اتفاق عالمي من غير لا قمة عربية ولا ناتو ولا امريكيا ..!!
سبحان الله على أكلة يوم الجمعة إتفقنا بدون ان نتفق..! التزمنا بدون ان نلتزم..! طيّب يا جماعة الخير الملوخية ربيع … وربيعنا العربي وينتا بدو ينتهي ويطلع عليه النور مثل ربيع الملوخية اللي موسمه ما بنتهي…؟ وإلا أجا الربيع بدري عالعرب .. ومعرفوش يهضموه ..!!؟؟ طيّب إحسبوه أكلة ملوخية …الكل بوكلها على مزاجه وعلى هواه وكيف بدو يفكر فيها ..بس بالنهاية هي أكله…! الناصح…بتضعفه الملوخية "دايت" …!! اللي عندو امساك….بتسهل عليه الملوخية.!! الجعان…بغمّس 5 كماجات على صحن ملوخية..!! اللي بدوش خبز…بوكل رز مع ملوخية..!! واللي بدو يتمتع يوم الجمعة ليلة السبت ..شو بوكل…؟؟ ملوخية…. عشان الصبح يمشي زي ديك الحبش بالحارة…!! بطل وطني ..!!! معلوم..!! تنوعت الأشكال و…الملوخية واحدة..!! إحنا في البلاد ما حدا بقول انه ملوخيته عاطلة…!! أهل جت من جهة وأهل صندلة من جهة ثانية..!! وأهل سيرالنكا من جهة ثالثة ….كل يغني على ليله … وانا ابو العريف…. بحط راسي بين هالروس وبقول يا فرمان الملوخية الناعمة علشان يوم الجمعة ليلة السبت….!! تملخنوا…!! وتربعنوا…!! واربعوا..!! على راحتكم …ويا طابون أمي لا تنهد… بس يا خوفي اللي صاب الزعتر يصيب الملوخية وتصير هي كمان ….محمية.!! دندرة مع أخوكم أبو العرّيف
بس منين انجيب العقل يا ابو العريف؟؟؟السياسه لمعقده في العالم والله بتنحل اسرع من طبخان اكلة الملوخيه!!!بس السياسيين شو بدهم يشتغلوا بعدها!ولا اعضاء الكنيست العرب شو يسوو؟يقوعدوا يقطموا ملوخيه عشان ينشفوها ونقطع رزقتهم!ااااااه ه ه هخليها مسبحه!…..الله يخليك ابو العريف وظلك تكتبلنا عشن نزهزه وتفش غلنا.
ابو العريف حياك الباري على عطائك المتواصل..اتمنى لك دوام التالق الجميل..
قال نابليون..ان التي تهز المهد بيمينها تهز العالم بشمالها..
حبذا ان نجمع بالرأي على مشروع ثقافي من خلاله ننهض بمجتمعنا نحو حياة
فاضلة تعم بها الرفاهية ومكارم الاخلاق..
نغش نغش نغش نغش جداً جداً جداً جداً جداً
احنا بنحب المولوخية يا ريت لما نيجي نشتري تعطونا هل نغش الي مصور يا ريت هل نغش يعطينا رقم الهاتف….
انا ما بطبخ كل يوم جمعه ملوخيه
كل جمعه طبخه غير شكل هههههههههه
حلوه كتير منك ابو العريف بس يا ريت جد نتعرف عليك شخصي اكتر
عن جد ابو العريف مواضيعك بجيبها علوجع .منلك هلافكار السلسه والجهنميه…الله يزيدك
ما اروع تعليقك!!!!عن جد شوال فهم….الرجاء انزال التعليق
ابارك لكفر قرع على موقع بقجه بالتزامه وموضوعيته من حيث المضمون والفحوى بكتاباته ورزانة مواضيعه واخص بالذكر ابو العريف فاسمه يعلو بمنطقتنا يوما بعد يوم.ابو العريف مواضيعك بجنن انت والموقع..قدما والى الامام
ام الفحم كلها يوم الجمعه بتطبخ ملوخيه!!!!وبتبدلهاش ولا بخروف محشي….هاذا مزبوط ابو العريف….واذا ام الفحم هيك معناه كل العالم العربي هيك
ابو العوريف الى الحكم!!!
يا سلام ما اجمل الشاب الذي يقف وراء الملوخية صلاة النبي عليه ممكن صاحب الصور الحلو
جميل ما كتبت
انا لا احب الملوخية وعلى فكرة اسهل شيء طبخها
للفحماوي الحر حاجة ضاربين حالكم بحجر كبير وبتفكروا انه ام الفحم بتمثل العالم العربي انا شخصيا لا يمثلني التخلف والقتل والعنصرية والتستر باسم الدين وتشويهه
الف مليون شكر على هيك معلومات