شاب فلسطيني الأصل من الأردن يبحث عن أقاربه في وادي عارة

تاريخ النشر: 15/01/12 | 23:22

وصلت مؤخراً  لموقع بقجة  عن طريق  فاطمة محاميد من ام الفحم   رسالة بالبريد الالكتروني  من شاب فلسطيني اسمه امين يونس من سكان الاردن يبحث عن أقاربه ويطلب مساعدة زوار الموقع بذلك, وهو يعتقد انهم من سكان وادي عارة هذا نصها :” اسمي امين فخر محمود  يونس, عمري 44 عام ,  انا من سكان الاردن واعمل في جدة  بالسعودية .  أبحث عن أقاربي في وادي عارة وأعتقد انهم من سكان قرية عرعرة, فمن يعرف شيئاً عنهم مراسلتي على العنوان التالي : [email protected] ” . الى هنا نص الرسالة.

‫14 تعليقات

  1. اهلا بك . اذا كنت غني ومقرش ستجدهم سريعا لان الاقارب في عاره وعرعره يرحبون بك .. ولك التوفيق .

  2. المزبوط اول مرة بسمع عنك!!!
    النا قرايب في الاردن والسعودية واحنا بتواصل معهم بالتلفون وحتى بلقاءات بالاردن والضفة والكل بعرف الكل حتى في تبادل نسب وما حدا قال انه فيه بعد حدا مش موجود؟؟
    شو قصتك يا سيد امين؟؟
    ابوك ابن مين ومن اي بطن بدار يونس؟
    وين ابوك؟؟
    وامك مين.؟؟ كمان هي من هون؟؟
    اكتب لنا قصتك لنعرف خيوط عيلتك!!

  3. اهلا فيك بس ليش فطنت اليوم؟؟ صار عمرك فوق الاربعين … واللي ممكن يتعرفوا عليك ماتوا..
    امك وابوك شو حكولك عن قرايبك؟؟ وليش ما دوروا هم عليهم؟؟
    انت وين ولدت؟ هون ولا بالمهجر؟

  4. وين نخوتكم يا اهل عارة وعرعرة…. ساعدوا الشب ليلقى قرايبه ويعمل لم شمل هون
    اسالوا ابوتكم وسيادكم عن حدا غايب ولا ضايع
    بعدين شكلوا بشبه الجهاجهة!!
    مزبوط؟؟

  5. اخ لوينو من بلدنا كان زمان لقيولو عيلة وجوزوه بنتهم , حتى ولو مخطوبة ..”ابن العم بنزل عن الفرس” وهاي فرصة يا صبايا.
    بس لليش ذكر انه بشتغل بالسعودية؟؟ اكيد “لهدف بنفس يعقوب”….
    يللا فرجونا همتكم يا دار يونس
    نيالوا اللي بلقى ابن اليوم بعدين شكلوا محترم ومقرش …

  6. هل من يطلب التعرف على اهله يكتب اسمه واسم العائله فقط ما اسم الاب والجد
    ولو كان بك بأهلك خير لعرفك أبوك باهله

  7. ان شا الله بتلاقي كل قرايبك..موفق ان شا الله

  8. المذكور أعلاه هو ابن فخر محمود أمين خليل يونس وهو ابن عم أحمد طه أمين خليل يونس، وأخوه يدعى صقراً وكان جده قد هاجر من عرعرة إلى الأردن في سنة 1950م، وهو مذكور في شجرة عائلة يونس في كتابي المفصل في تاريخ وادي عارة، ج2، ص 210

  9. اقدم كل الشكر والعرفان الى جميع الاهل في عرعرة واللين غمروني باتصالاتهم ورسائلهم واخص بالذكر السيد ماجد رفقي يونس اللذي ارسل لي شجرة العائلة الكريمة واللتي من خلالها تعرفت على جميع اقاربي وشكرا لموقع بقجة على هذا التعاون

    1. اهلا وسهلا فيك تعال وينتا بدك دار الحاج قعدان فاتحه ابوابها الك ولقرايبك

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

تمّ اكتشاف مانع للإعلانات

فضلاً قم بإلغاء مانع الإعلانات حتى تتمكن من تصفّح موقع بقجة