عبلين….

لوْ ملكّوني الارض والاموال …
ورَشّوا دروبي بالذَّهَب أميال …
غير عبلّين ما برتضي موّال …
تعزف حياتي على وتر الحنين
+++
ع – عَلّي بشْموخِك عَلّي
فوق الجبل وتْجلّي
وازرعي الدنيا احلام
في الشّمالي والخلّي
+++
ب – بِحَنانِك لَملمتينا
وزْرعْتِ الفرَح فينا
من الجلمة لَجبل النور
مرج فلّ ويَسمينا
+++
ل – لا تلوموني يا خِلّان
بعبلّين قلبي ولهان
تارك حُبّي بْبليشِه
وضمّة غَزَل للإنسان
+++
ي – ياما فرحنا وغَنّينا
بفرحة زينب وزينه
ورسمنا نغمات الأوف
بشهقة من أغانينا
+++
ن – نسماتِك مجد وتجديد
وسهرة حلوه بليلة عيد
يا ربّ هالخير يزيد
ونحقّق امانينا