” الله يوقف الحرب “

“الله يوقِف الحَربْ
يفتَحْ للسَّلامْ الدَّرْبْ
وْيُنشُر الألفِة وِالحُبْ
هِيك دَوْمًا مِنَّاشِدِ الرَّبْ

يا الله يا حَامِي الشَّعْبْ
لا تْخَلِّي مَآسِي فِي القلْبْ
وَلا جْرُوحْ وْشَقا صَعْبْ
إحْنَا ضِدِّ العُنْفِ الصَّخْبْ

المَحَبِّة أصْلِ السَّعادِة لَلْكُلْ
فِيها رِيحِة وَرْد يَاسْمِين وْفُلْ
بَدْنا قْلُوبِ السَّعاَدِة عَلِينَا تْطُلْ
هِيك مْنِشْرَبِ المَحَبَة شُرْبْ

يا الله يا سَاكِنْ بقلُوبِ النَّاسْ
ابْعِد الشَّقا والعُنْف مْنِ الأَسَاسْ
إحنَا إلَك بالحُبْ وِالقَلْبِ الحَسَّاسْ
وإحْنَا إيمَانًا فِيكْ بَدْنا نِبْعِد الكَرْبْ”.