معاناة عائلة في العيد
تاريخ النشر: 10/11/11 | 12:26
وصلت الى قسم التحرير في موقع بقجة رسالة من “شابة من كفرقرع” موجهة الى أهالي المنطقة تطرح بها معاناتها ومعاناة عائلتها في قضاء فترة العيد وتطلب من خلالها الحذر من الوقوع بنفس الخطأ وهذا نصها ننقله حرفياً للمصداقية :
“السلام عليكم ورحمه الله وبركاته
تحيه عطره وبعد: انا شابه من كفر قرع اتحدث هنا نيابه عن عائلتي بشأن موضوع ضروروي جدا والرجاء نشره في الموقع لاننا نريد ان يعرف الجميع عنه , والموضوع هو كالتالي: كما هو معروف كل الناس بالعيد بتحب انها تطلع رحله صغيره على الاقل تبسط العيله . ثاني ايام العيد اطلعنا رحله جدا جدا حلوه وفي ثالث ايام العيد طلعنا على ميجا لاند مدينه الملاهي بطولكرم. في البدايه كان الوضع منيح صح انو كان كثيركثير كثير ناس اما كان منيح وكل واحد منا دفع مبلغ للعب وكان مجموعهن 160 شاقل يعني على الواحد 40 شاقل, و 30 شاقل للدخول دفعنا بس انا واخوتي الثلاثه , امي وابوي ما دفعوا . احنا دفعنا على اساس انو نلعب كل اللعب (على اللعبه 5 شواقل واحنا دفعنا عن كل اللعب).
المعامله هنا كانت سيئة (احنا اول مره منفوتها) ومكنش نظام بالمره . لعبت انا لعبتين بس, واختي الاولى لعبت لعبتين والثانيه لعبه واخوي الصغير لعبتين . ملحقناش بالمره نعلب كل الالعاب بسبب عدم النظام فقد كنا ننتظر على كل لعبه نصف ساعه واحيانا ساعه الا ربع.
اخوتي الثلاث راحوا على لعبه للصغار استنوا هناك بالضبط نصف ساعه كامله وبالاخر المسؤول فوتهم عشان يركبوا قام مطلعش في محل وبتعرفوا شو سووا فيهم قلهم ارجعوا لاخر الصف . كل ما نروح على لعبه بصير نفس الشي وتأخر الوقت وصار لازم نروح .
رحنا عند الي ببيع التذاكر قلنالوا دفعنا 160 شاقل على اساس نلعب كل اللعب بس للاسف كل اللعب الي لعبناهن بيجي مجموعهن 40 شاقل تقريبا وللاسف مكانش مجال انو يرجعلنا باقي المصاري.
و….”
انا دائما اقضي العيد او حتى بايام عادية في ميجا لاند مع عائلتي وعائلات اخرى من بلدنا دير الغصون وبنتمتع كثير وخاصة في سهرات ليالي الصيف , مع الارجيلة والفول والترمس والاولاد بلعبوا بالالعاب ودائما في نظام ومعاملة قويسة وبستغرب من حكيك يا شابة من كفرقرع.
شو هالحكي يا صبية…بدل ما تشجعي اهل طولكرم هيك بتحكي؟؟ على 160 شاقل ؟؟ كيف لو رحتي عالسوبر لاند ودفعتي 700 شو بتقولي؟؟ كمان هناك ضغط وقت اعيادهن!!
قلة الحكي افضل
السلام عليكم ورحمة الله وبركاته .
سبحان الله العظيم دائما مننظر للحدث من الجهه اللي بدنا اياها ومنستهتر بمشاعر
الاخرين او ما منعطيهم عذر حقا الموضوع مش موضوع “مصاري”.
هي حكت عن المعامله :اشي اكيد بدو يكون ضغط فترة العيد ومن كثر الضغط بدهم ” يمشو ويلا” وانا من احدى الناس كنت هناك وما عجبتني بالمره فش حاجه اذكر كل الاسباب ؟
والصبيه ما ذكرت سيرة “المصاري ” الا اكيد يكون وضعهم على قدهم ؟ وما في داعي نجرح مشاعر الاخرين . لا حول ولا قوة الا بالله العلي العظيم.
يا مشحرة يا كفرقرع اخرتهم اولادك يتناقشوا عاي النقاشات؟!
كنتو وفرتوا ع حالكم هاي البهدلة وقعدتم بحديقة الفيلا او بمنتزه البير وشويتو لحمة !!!
يرحم ايام البراءة والانبساط باساليب أرقى!!
نفسي مرة توصل رسالة لبقجة ذات فحوى وهدف وموضوع نقاش ثقافي و مفيد
ع كلن كل عام وانتم بخير
عليكم بالرباط بلد الرباط مع ابنائكم تشعرون بالراحة دون ملل او زعل .
الى كل كل تعليق انتقد رسالتي انا لم اذكر شيئا يخص النقود قصدي من الرساله المعامله هناك حيث انها كانت في غايه السوء لم يكن نظام ولا امان باختصار انا لا اريد راي اي حد في الموضوع وشكرا وبالنسبه وضعنا المادي (عادي)
الى التعليق الثاني(..) لو رحنا على السوبر لاند او اللونا بارك ودفعنا 700 شاقل كان احسن على الاقل هناك بعرفوا يتعاملو مع الناس في نظام وفش مشاكل بالمره
ملاحظه:مره روحنا هناك على اللونا بارك والسوبر لاند بالعيد صح انو كان ملان ناس بس استمتعنا كثير واركبنا تقريبا اغلب الالعاب اما بالميجا لاند (اعوذ بالله)
ولكن لليش هالنقاش الغير مفيد هي البنت شو حكت .. ليش سبت عليهم ولا قطعت روسهم هي قالت الي صار مع عيلتها فش داعي للتجريح. .. انا العيد الصغير رحت عالميجا لاند وحلفت يمين ما ارجع هناك وبالفعل ما رحنا هذا العيد لااهم وبدون تصنعات ما عندهم نظام ولا احترام
انا كمان بكيت هنالك بالميجا لاند وفعلا كانت معامله سيئه
ومكنش نظام
انا معك بكل كلمه قلتيها
100 بال 100 انا بكيت هناك ايضا انا رحت ثاني ايام العيد وفعلا مثل ما ذكرت عن المعامله بس على فكرا بالايام العاديه لا عادي ما في هيك شي
حبيبتي دائما في ايام العجكات بكون نفس الوضع اللي حكيتي بالضبط اللي صار معك صار معي في رمضان وانا ام الطبايخ رحت افطر انا وافراد عيلتي في سما نابلس ويا ريتني ما رحت اولا الدفع للوجبه 80 شيكل قبل لا تعرفي شو الاكل ولا كل بوفي مفتوح دفعنا وجلسنا ننتظلر الاذان والاكل لم يصل بعد زوجي جلس ينتظر فقمت وتناولت طبق وبدات اوزع الطعام على افراد اسرتي والشوربه شربناها بعد الاكل والاكل فريكه مع الصيصان وارز مع قطع سمك والوجبه لا اظنها تكلف اكثر من 20 شيكل واخذوا منا 80 بدون خدمة زبون بدون مخلل بدون لبن بدون سلطه بدون احترام بدون مكان صلاه بدون محارم بلا عوده لمكان كهذا
احنا في عيد الفطر رحنا عليها وبقى ملان ملان ناس وضغط، نص ساعه وطوالي طلعنا لأنو صارت طوشه هناك أخرى ونفس الاشي دفعنا وفتنا بس حظرنا فيلم وخلص… ولما جينا نركب بالسياره كان واحد مسكر علينا بموقف السيارات بالرغم من وجود عمال لتنظيم السيارات في الموقف.. والله العظيم ما ببالغ انو ساعتين ونص واحنا قاعدين برا نستنه في صاحب السياره يجي يزيحها.. مع انو نادوا عليه بالميكروفون عدة مرات.. طيب مشان الله شو هذا اسمو؟؟؟
اسم شو قصدك( التعليق الاخير الي ملوش اسم)
قصدك اسم مين
مرحيا احنا كنا تاني يوم العيد بلميجا وما دفعنا هادا المبلغ لما دخلنا دفعنا على الواحد 5 شيقل هادا على الدخول ؟صح كان ملان ملان ناس والواحد بستنا كتير بدور بس بلاخر اخوتي لعبو تقريبآ كل واحد على 5 لعبات
وبلايام العادية بكون ما في ضغط كتير وبكون كتير الاشي حلو بجوز انتو ما انبسطو بس احنا كتير انبسطنا
يا عمي شو بوديكو هناك انا روحت علي السفاري في تل ابيب كان في ناس كتير بس كلشي منظم بتفوت في احترام وبتطلع في احترام اما هناك مشاكل واطوش حسب رايي تروحوش هناك