يَمّا يَمّا يا روحي
للأطفال بقلم : زهير دعيم
تاريخ النشر: 18/03/23 | 17:51![](https://www.bukja.net/wp-content/uploads/2022/01/ZOHERD2022-780x470.jpg)
( مهداة لكلّ أُمهات الكون بعيدهنَّ )
يَمّا يَمّا يا روحي
بَلْسم قَلبي وجْروحي
معكِ بَكْبَر ، فيكِ بَفْخَر
وردة حلوة وبتْفوحي
زْرَعْتِ دَربي بالأحلامْ
عِطر ، حِنيّة وسَلام
فَرحي فَرحِك ، زَعلي زَعلِك
كُلّ العُمر والأيام
بَدّي مْنِّك شي ضَمّة
عَبطة صْغيري مَع لَمّة
تلمّي أملي ، تلمّي ألمي
وتسرقي مْنّي هَمّي
كلّ سَنة يا حَنوني
تْبقي كُحُل في عْيوني
قريبة منّي ، محامي عَنّي
في شَقاوتي وجْنوني