أغنية للشاعر كمال ابراهيم ” بكير يا حلوة بكير “

أطلق النجم السوري ” بشار أبو خير” من كلمات الشاعر ” كمال ابراهيم ” أغنيته الرومانسية ” بكير يا حلوة بكير ” ألحان الموسيقي السوري القدير ” بسام رسلان ” توزيع وتسجيل ستوديو ” صُنِعَ بِسِحرِكَ ” – جبل العرب .
اليكم نص الأغنية يليه تسجيلها بصوت النجم بشارعبرَ الفيديو التالي :
بكير يا حلوة بكير
كلمات كمال ابراهيم
بكير يا حلوة بكير
بَعدِكْ عالحُب صغيرة
قلبكْ حَنْ وبعدُو صْغير
لكِنْ ما فيكِي تطيري

انا في سِحرِكْ مشتاق
وقلبي هايم بالأشواق
لا تخلِّي رُوحِي تِحتار
وقلبي يوقع بالحيرِة

يا سَمرا يا سِتِّ الكُونْ
قلبي في حُبِّك مَجنُون
وين ما تكونِي وين مَا كُونْ
بجيبكْ مِنْ أبعَدْ ديرِة

مْنِ شفافِكْ بتغار الكِلمِة
وبيسْرَح في حُبِّكْ حِلْمِي
لا ترُوحِي فِي الحُبِّ بعيدْ
بَعدِكْ عالحُبِّ صْغيرِة.