دعوة لحضور مباراة إتحاد أبناء كفرقرع وهبوعيل أبناء زلفة
تاريخ النشر: 03/10/17 | 19:30
دعوة عامة لحضور مباراة إتحاد أبناء كفرقرع أمام هبوعيل أبناء زلفة
وذلك يوم السبت القادم بتاريخ 4.11.2017
في ملعب كفرقرع البلدي
سعر التذكرة : للكبار 30 شيقل والأولاد 20
زمن الدرهم والدينار
اي خلوها ابلاش دعما للفريق ول عنجد زمن الدرهم والدينار …ول زي المنشار طالعين تشفلوا بهناس ونازلين تشفلوا
كلامك ميه الميه يا ابو عمر
وﻻ لع خيا ابو عمر …. كيف الحياه صارت كلها مصاري بمصاري احنا مش بدنا نفسد لا سمح الله بس الاشي بقهر هاي المدرج اﻻ الجمهور بتقعد عليه ليش لحد هسا ملوش سقف بالصيف بننحرق وبالشتويه بنتغرق الحياه متغيرتش الناس اﻻ تغيرت احنا اﻻ بنخزي
عنجد اشي مبالغ فيه، حتى الدفع على تدريب الاولاد الصغار 1400 شيكل على ايش مش عارف، تدريب عنجد 5 اشهر والباقي شهر بدهم يزرعو الملعب وبعدها شتويه، واخر شهر رمضان وهكذا، بدكو الناس تدفع اعطو اشي في المقابل مش بس بتوخذو من الناس!!!!
مش بس هيك صف رابع وخامس الا بالدوري بدفعوهم 2300₪ عالولد وين كل هاي المصاري بتروح
بتامل من الموقع انو ينشر كل التعليقات كلمة الحق صارت حرام وﻻ عيب؟
الإخوان المعلقين التكاليف الي كتبتو عنها وسألتو وين بتروح اكيد ما ما بتروح لجيابنا واذا بتقارنو المبلغ مع باقي الفرق الي بدفعو 3000 وفوق المبالغ مش كبيرة . اليوم احنا مندفع لكل مدرب ما يقارب 30 ألف حتى 50 ألف شيقل بالسنة وتنسوش انو المجلس المحلي بدعم بس فريق الكبار وما بدعم فرق الشبيبة. يعني لما عنا 8 مدربين الي بكلفو 350 ألف شيقل إلى 400 الف بالسنة مين بدو يدفعهم. التوجهات لازم تبقا للمجلس المحلي الي كل دعمه بس لفريق الكبار واحنا في عنا كثير انطباعات سيئة من المجلس مثلكم ومللنا من المظاهر ومش احنا الي لازم تلومانا.انتم أخطأتم بعنوان الانتقاد
حضرة المعلقين عيب هاي التعليقات والي بحكي عن المجلس بحب اقلو لولا المجلس والادراة ما حلمتو يبقا عندكم فريق قمة مثل اليوم