إبني يعاني من نزلات معوية متكررة
تاريخ النشر: 28/08/11 | 5:00
إبني البالغ من العمر 3 سنوات طفل مرح بطبيعته وخاصة في ساعات الدوام بالحضانة لكنه يعانى بإستمرار من الإصابة بالنزلات المعوية بحيث لا يمر اسبوع تقريباً دون التوجه لطبيب العائلة الذي يزودنا بوصفة دواء دون ان يشرح لنا أسباب تكرار المشكلة ويكتفي بالقول ان الأمر طبيعي بهذا الجيل فما أسباب الإصابة المتكررة وما إفضل أنواع العلاج؟
السلام عليكم٠ ماذا تقصدين بالنزلات المعويه٠ هل تعنين الاسهال؟
انا بعرفش شو يعني نزلة معوية بس هيك كان الدكتور يوصف حالة ابني بدون ما يفهمنا شو يعني . اما العوارض اللي كانت بتصير مع ابني : مغص قوي جدا بالبطن ومرات قليلة كان مع اسهال وحتى مش اسهال قوي… واللي محيرني هو ليش تكرار الشغلة والوجع هذا.؟؟؟
الى ام الولد السلام عليك٠ هناك تشخيصان شائعان نسبيا يجب اجراء فحوصات لاحتمال وجودهما٠ الاول والاكثر انتشارا يكون سببه نقص في انزيم ضروري في عملية استيعاب الحليب ومشتقاته في الامعاء٠ والثاني يدعى بمرض السيلياك٠ انصح باجراء فحوصات دم هادفة وبالمقابل اجراء اختبار ذاتي بالابتعاد عن مشتقات الحليب لمدة اسبوعين على الاقل ومراقبة النتيجة٠ وشكرا
حمى البحر الابيض المتوسط هي السبب,,,ابني كان هيك وكانوا يقولولنا نزلة معوية وكان كل اسبوع
ازا حد بحب يفهم اكتر عن هاد المرض يقرا بالنت ابني كان كل اسبوع يسخن وناخده على الدكتور ويقول نزلة معوية لما صار الشي كتيييير كتييير بالاخر دكتور زكي قللنا نفحص حمى البحر الابيض واعراضها بتتشابه مع النزلة المعوية
ياادارة ارجو اعطاء ايميلي لصاحبة الموضوع وللشخص اللي علق وقال ابني نفس الشي لاني بدي الاجر والثواب من رب العباد وبدي اختصر على الاطفال المساكين رحلة العذاب اللي حصلت مع ابني على مدار عام ونصف لما الدكتور اكتشف انه مو نزلة معوية,,,شو نزلة معوية كل اسبوع?هاد كلام مو منطقي
افحصي حمى البحر الابيض كل اللي بتحكيه بنطبق على هاد المرض
نفسي اتواصل معكم لانه فعلا العوارض نفس اللي كان يصير مع ابني وبالاخر طلع حمى البحر الابيض المتوسط
ارجوكم ازا في طريقة اتواصل فيها مع ام الولد هي ايميلي عندكم
رح اظل افوت على هادي الصفحة كل فترة والتانية لعل وعسى تعاودي تدخلي على الموضوع ياام الولد
حمى البحر الابيض بليز احكولها
حمى البحر اكيد
او يمكن الموضوع انحل. انشالله تكون بميزان حسناتك. افحصي الموضوع وبارك الله فيك.