• لإرسال مواد لموقع بقجة على البريد الإلكتروني: [email protected]

    مسيرة احتجاج "من كفر قرع تحية لاسطول الحرية".

    نظم المجلس المحلي كفرقرع ومختلف القوى السياسية والشعبية في قرية كفرقرع مساء اليوم الاثنين مسيرة احتجاج واستنكار لما حصل من اعتداء على اسطول الحرية وعلى الشيخ رائد صلاح. وقد انطلقت المظاهرة من باحة مسجد قباء في مركز قرية كفرقرع لتجوب مختلف احياء وشوارع القرية رافعين الاعلام الفلسطينية والاعلام السوداء واللافتات المنددة بسياسة الاعتداء الاسرائيلية على اسطول الحرية والشيخ رائد صلاح واستمرار سياسة العدوان والحصار على الشعب الفلسطيني.

    منددين هاتفين “من كفر قرع تحية لاسطول الحرية”. هذا وعبر المتظاهرون عن غضبهم وامتعاضهم لاستمرار سياسة الغطرسة الاسرائيلية بحق الشعب الفلسطيني وسياسة الحصار ومنع ايصال المساعدات للشعب الفلسطيني في غزة الامر الذي يتنافى مع كل حقوق الانسان العالمية . كما وطالب المتظاهرون زعماء العالم خاصة الزعماء العرب بالتدخل السريع لحماية الشعب الفلسطيني الذي يتعرض لابشع سياسات التجويع الحرمان والاحتلال .

    لإرسال مواد لموقع بقجة على البريد الإلكتروني: [email protected]

    التعليقات

    1. الله محيي أصلكم يا أهل النخوة والشهامة !
      الله يحماكم ويعزكم .. فداكِ يا غزة كفرقرع وأهلها ..

    2. اللة محيي اهل بلدنا بروح بلدم نفديكي يا غزة اللة ينصركم يا اهل غزة

    3. هادا التضامن وهاي المحبة من الصغير للكبير بكفرقرع وبكل البللدات العربية منقول بالروح بالدم نفديكي يا غزة ويا شهيد ارتاح ارتاح دمك ما بيروح هدر ليست كلمات وعبارات فحسب بل انما هي نبضات ينبض بها قلب روح الجماعة والمجاهدين في سبيل الله وانا متاكدة انه كل منا يتمنى لو انه يستطيع تقديم دمه حتى لغزة واهلها رمز العزة والبقاء وفي نهاية تعقيبي هذا الذي ما هو الا تعبير بسيط عن فرحة ممزوجة بالدموع الحارقة او د تقديم شكر كبير لكل اهالي كفرقرع على مشاركتهم وتضامنهم الكبير والرائع في المسيرة الاحتجاجية استنكارا للاعتداء الوحشي على اسطول الحرية

    4. والله كفر قرع احلى بلد بالعالم يا اهل العزه والنخوه والشهامه
      وانشاء الله منصوره والوعد من الله

    5. الله محيي اصلكم يا بلدي عنجد يترفعوا الراس.. كل الاحترام الك يا عبد الرحمن خيرة الشباب رفعت راسنا..

    6. احلى بلد بترفعوا الراس خصوصا علي ووسيم وعبد الكريم وعبد الرحمن والله انكو جدعان احلى شباب رفعتوا راسنا لسما زي دايما

    7. الله يخليلنا شباب بلدنا ورجالها هيك ورجوا العالم …رفعتوا راسنا بحيييكم

    8. الى رقم 13
      عيب هذه الكلمات لان المسيرة تضامنية مع معاناة شعبنا وضد حصاره وهذا اقل ما نعمله والسؤال شو عامل انت لشعبنا ولنفسك حتى؟؟؟؟ وكلي اسف ان الموقع ينشر هيك تعليق لانه تعودنا من خلال التعاليق على وثقافة عالية ومستوى اخر للموقع عن باقيها !!!!! شو صار يا بقجة ؟؟؟

    9. الى 15
      أنا معك إنو عيب إلي نحكى ..بس ..
      موقع بقجة ساحة حوار حرة .. مادام هو ممسش بحدا بصورة خاصة او قال اي لفظ بذيئ او اساء بصورة غير اخلاقية انا متأكدة انو الموقع ما رح ينشر التعليق
      بس بردو من حق كل واحد يبدي رايو والموقع ما بقدر يقيد او يقبل تعليقات “على كيفو” !
      شكراً اختي

    10. يا رقم 13 شو قصدك انو كذب!!! لما بدك تقول رايك عبر عنو بوضوح ومع توضيح أوسع بجوز نفهمك…بس انك تقول مجرد كلمة هيك, اسأل نفسك انت شو عملت!!!

    11. يا قرعاوي رقم 13 كيف تسمح لنفسك ان تقول هذه الكلمات عن ابناء بلدك ولو كنت في المظاهرة ورأيت بأن ألمشاركين في المظاهرة من كل الفئات ومن كل ألأجيال من ألصغير حتى الكبير من جيل أجدادك ويمكن أكبر…والنساء كل ألإحترام لهن من جيل أمك وأكبر..كنت خجلت من نفسك…وحسبتها قبل أن تنطق بتلك الكلمات…لأنهم هم قدوة لنا, فعيب وكل ألعيب أن تصدر من “ابن” لهم مثل تلك الألفاظ…

    12. سؤال لكل القرعاوين الي مفتخرين بهيك مسيرة وين كنتوا وقت المسيرة؟؟ على الفيسبوك او بتحضروا بمسلسل ولا متخبيين مثل الفئران زي الزعماء العربية!!!
      كنا بس اقل من 5% من اهل كفرقرع بالمسيرة!!!! بس شاطرين بالحكي!!!

    13. يسعد الله اهل بلدي.. كفرقرع عامرة باهلها..ربي ييوفقنا جميعا الى ما يحب الله ويرضى به عنا

    14. احنا مش طالع بايدينا نساوي اشي مباشر فاقل ما يمكن انو نتظاهر ونحتج.
      يعني انتي موافق على العملة اللي عملها الجيش؟ اذا مش موافق بتطلع تبدي رايك وتقول انك مش موافق.

    اترك تعليقاً

    لن يتم نشر عنوان بريدك الإلكتروني.