قصر الشوق…
تاريخ النشر: 04/06/11 | 3:07
قصيدة للشاعر مروان خوري …
قصر الشوق…
صوتك وجهك عطرك شعرك
لمسة إيدك عم تندهلي
شايف فيكِ أم ولادي
شامم ريحة أرضي و أهلي
عارف خلف البحر الأزرق
لمّا الشمس تموت بتخلَق
عارف إنّك عمري الجايي
لمّا الماضي ببحرك يغرق
……………………..
بقول بحبّك قلبي بيكبر
وسع الكون و برجع أصغر
عمّر فوق الرمل الدايب
قصر الشوق الـ ما بيتعمّر
بحلم فيكِ و عم بتأمّل
يكبر مرّة الحلم و يكمل
عمّر بيتي عَإيديكي
بيت صغير يصير الأجمل
…………………………..
شو مشتاق لبيت صغيّر
وإنتِ تحبّيني مش أكتر
وشبابيك الإلفة تضوّي
وبواب الحيرة تتسكّر
دقّة قلبك ترسم قلبي
عمرك عمري و دربك دربي
مشتاق لوجهك يحميني
يحميني من وجوه الكزبة
………………….
بقول بحبّك قلبي بيكبر
وسع الكون و برجع إصغر
عمّر فوق الرمل الدايب
قصر الشوق الـ ما بيتعمّر
بحلم فيكِ و عم بتأمل
يكبر مرّة الحلم و يكمل
عمّر بيتي عإيديكي
بيت صغير يصير الأجمل
حلو هاي اغنيه اشي