دودة في البستان

كان في دودة في البستان
لا لا ما بتئذي حدا بالمرة
بس ما بيرضو يا خلان
يلعبو معها ولا حشرة
***
كانو كلن بيطيرو
بس هيي ما فيا تطير
ما بدّن حدّا يسيرو
هالشي بيحزّنها كتير
***
كانو في احلى الألوان
بيرفرفو و بيتباهو
والدودة قلبا زعلان
ليه عن صاحبتن تاهو
***
و تفاجأو مرة كلن
هالدوده فراشة صارت
ألوانا أحلى منن
محلاها لما طارت
***
لا تظلم حدا من شكله
أو اسمه
أو إنت تباهي بشكلك
يمكن من جوا فيّو
حلا أكتر مني و منك