• لإرسال مواد لموقع بقجة على البريد الإلكتروني: [email protected]

    إقتحام وهدم بيت إبراهيم مرزوق في عرعرة

    قامت قوات كبيرة معززة بجرافات فجر اليوم الاربعاء بمداهمة حي وادي خور صقر في قرية عرعرة بمرافقة جرافات ومعدات ثقيلة واغلاق المنطقة وهدم بيت بحجة البناء بدون ترخيص.وتم اعلان المنطقة عسكرية مغلقة ومنع الاهالي من الاقتراب الى حين الانتهاء من هدم البيت .وتشهد القرية اجواء مشحونة . وقال شاهد عيان “ان اكثر من 15 سيارة قد دخلت الى عرعرة الساعه الثالثة والنصف من مدخل وادي القصب منها سيارات شرطه قامت باغلاق الشارع ونطويق المنطقة ومنها جرافات هدم ، باتجاه بيت ابراهيم مرزوق. الواقعه طريق وادي القصب.كما وحدث اطلاق نار ونشر لفرقة استطلاع بالشارع لجس نبض الشارع العرعراوي, حتى البدء بعملية الهدم وسط تعالي الصيحات والنزاعات مع الشرطه”

    لإرسال مواد لموقع بقجة على البريد الإلكتروني: [email protected]

    التعليقات

    1. شو هالقرف الي بعملو دايما بدهم يهدو بيوت الناس بس شو ننقول غير حسبي الله ونعم الوكيل

    2. ومنكم بقاطعوا الانتخابات للكنيست !!!

      صوتوا انا عربي وكونوا مسمار بحنجرة اللي واقف وراء هذا الهدم ، الحكومة واللي واقف على رأسها

      1. صدقت،كل عضو عربي هو اخ ومساعد بالصراع المجتمع العربي ،لم يزر ولم يقف معنا بعرعره عضو من ميرتس مع انهم اخذو كثير اصوات عرب.
        صووت انا عربي!!

        1. بس لو تقولي شو عملولنا الاعضاء العرب . غير ةنهم بصرخوا بالكنيست وبحكوا عن غزة والضفة . والنا ما عملوا شي . اذا هم ما بقدروا يعملوا يتنازلوا ويعطوا مجال لغيرهم . المشاكل الي بالوسط العربي كثيرة مثل العنف . السكن التعليم . العنصرية . التعليم . والوظائف . …….. وغيرها. ما عملوا ولا رح يعملوا شي . بكفي ضحك على الناس يجب محاسبة اعضاء الكنيست علي هذا الفشل هرمنا هرمنا ….

          1. وشو بدك يعملو ،زي ما انك مطارد بكونك عربي عالهويه هم برضو مطاردين ،يعني هسا لبرمان بدك يدشر شغلو ،وبيبي ابو الهنصريه ،ويوقف معك ،منين نجيب العقل ،،هذول عالاقل بوقفو معك ،شو رايك نقاتل بعض عشان الغريب يشتفي فينا.
            اليوم واحد من الطيبه كان بمصر وحطوه بالسجن لولا الطيبي كان عفن هناك اشهر
            ،مش كل المرات بتزبط يا صاحبي ،الوضع صعب ،احنا صنف د او اخر صنف بهاي الدوله ،ليش يعني مسجل عهويتك عربي ،مش عشان يميزوك؟!؟!

            1. اذا ما بطلع بايدهم شي . يعطوا مجال لغيرهم . هاي قيادة فاشلة . احنا بنحكي عن مشاكل مجتمع كامل . مش مشكلة فردية الي اي محامي بحلها او السفارة.

    3. المشكلة غير العنصرية انه ما في خارطة هيكلية جديدة وهاي مشكلة السلطات المحلية . واعضاء الكنيست الي بشوف قسم منهم بعد الهدم بس . يجب محاسبة رؤساء المجالس والاهتمام بالمصادقة علي خارطة هيكلة جديدة . ومحاسبة اعضاء الكنيست بالانتخابات .

    4. لو كل اعضاء الكنيست وكل رؤساء السلطات المحليه يطلعو على الكنيست ويعملو ضجه كبيره على شهر كامل وقتها الا ما يطلعو بحل مش باس تنهدم البيوت بفطنو يعملو اجتماعات خلص عاد اشتغلو اكثر من هيك ما بتنامو مشان الانتخابات مشان الكرسي وهسا محدا منكم لازم ينام مشان الهدم الوحد بنجلط وهو شايف البيت بنهار قدام عيونه لازم ينتهي الظلوم

    اترك تعليقاً

    لن يتم نشر عنوان بريدك الإلكتروني.