رئيس المجلس يتفقد إعدادية السلام كفرقرع

تاريخ النشر: 06/02/19 | 7:35

قام المحامي فراس أحمد بدحي رئيس مجلس محلي كفرقرع، يوم أمس الاحد بزيارة لمدرسة السلام الإعدادية يرافقه القائم باعماله السيد مصطفى عسلي , والسيد نضال مصالحة محاسب المجلس , والسيد رشيد عثامنة مدير قسم المعارف , والسيد سفيان عسلي ممثل قسم الهندسة. والتقى رئيس المجلس بمديرة المدرسة السيدة رجاء مصالحة والهيئة التدريسية بالمدرسة وطلابها، ودار حوار معهم حول سيرورة التعليم وكيفية تطوير منظومة التعليم بالمدرسة لسد احتياجات الطلاب وبالرقي بمدرسة السلام نحو مستقبل افضل.وفى نهاية اللقاء تم تكريم مديرة المدرسة لجهودها وجهود المربيات والمربيين في خدمة طلاب المدرسة, كما وكرمت إدارة المدرسة رئيس المجلس على شرف انتخابه رئيسا للمجلس المحلي متمنين له النجاح والتوفيق في حمل هذه الأمانة والمسؤولية. كما وقام السيد نبيل نخاش ممثلا عن لجنة أولياء أمور الطلاب بتسليم رئيس المجلس درعا تقديريا متمنيا له النجاح والتوفيق في مهامه.وخلال لقائه بطاقم المربيات والمربيين كرر المحامي فراس بدحي وعده بوضع قضايا التربية والتعليم في سلم أولوياته مشدد على احداث تجديدات في جهاز التربية والتعليم لما فيه مصلحة وخير لمدرسة السلام ولجميع مدارس البلدة ولجهاز التربية والتعليم بشكل عام.
من إبراهيم ابوعطا – مجلس محلي كفرقرع

‫29 تعليقات

  1. كل الاحترام…..يا هيك تغيير يا بلاش!!!!
    اسمعوا يا جماعة من شأن الله رجعولنا الريس السابق على الاقل كنا نشوف صور يوم بعد يوم مش كل يوم.
    وسؤال لباسم كناعة شو رايك اليوم بميزانية الدعاية والتصوير؟!
    لاحول ولا قوة الا بالله
    نرجو النشر

    1. اه ولله معك حق قال بكوا يتهزوا ع حسن عشين بكا يتصور مع الأولاد هذو مستر فراس بتصور مع الأولاد رجعوا حسن مشين الله خربت البلد??

      ##فراس بعدو بحلم

  2. بهمش خليهم يتصورو بدنا نشوف الوعود الا وعدوها وخاصة الكهربا في الانتظار يا جماعه موفقين

  3. ولا يهمك يا حاج بنرجعو للرئيس السابق كمان 5سنين مش مطوله الخرفيه طول بالك حسبي الله ونعم الوكيل

    1. تتعصبنش ولا تعيط مش مستاهله…!!!!
      الرئيس السابق لا بفكر فيك ولا بغيرك انتي وياه

    2. نحب التغيير ونحب التنوع والصحن اللي ما بيعجبك طعمه لا اظن انك ستاكل منه مره اخرى

  4. بس ليش البنت بالصوره معها بلفون بالمدرسه وبتلعب في ما فهمت الفكره وصوره لصف بتعلم مجموعات ونصه الكراسي في مرفوعه يعني اسف على التعليق بس مش منطق ولا جو دراسي

    1. هذا هو الكلام المزبوط مش صور وشوفوني يا ناس بس عشان يقول إنه بعمل

  5. مشااااان الله يعني كل يوم الواحد بدو يتصبح فيهم
    فاهمين الدعاي غلط

  6. اولا للاطمئنان الاستاذ علي الجميل والاستاذ محمود مصالحه غير مشاركين في الزياره التاريخيه!!! ليش؟؟؟؟
    ثانيا مفاجأ رشيد صاير يهتم بالتربيه والتعليم اشي غريب!!؟
    ثالثا. عن ماذا تمخضت تلك الزياره السؤال موجه للقائم والرئيس.
    مسح جوخ عرض غبي نفاق اجتماعي رخيص افرحي يا بلد.
    ارجو النشر

  7. كلو هذا حكي فاظي اخرى 5 سنين الرئيس السابق راجع من شاء شاء ومن ابا ابا انشاء الله

  8. شو يا مغلقين يا عظماء المجتمع وبناء الحضارة انتو اسم الله وما شاء الله عليكم انتو شو قدمتوا لبلدكم غير الحقد والغيرة والنكد خلص بعدها غصة بقلوبكم هههههههه اقلبها شقلبها ههههههههه

    1. واضح إنه تفكيرك مقلوب لإنه هءا حكي ناس فاصية من جوا وتافهة وبتعلق بسخافة زي الولد الصغير اللي بتهزا على ولد من جيله

  9. هسا بدكم الرئيس السابق !!؟
    اصلاً احنا العرب بنرفس النعمه .. خليكم بدكم التغيير يلا انبسطو بالتغيير
    كل واحد بركض ورا مصالحه الشخصيه وانتو ولا هاممكم ولا بلد ولا اهل بلد .. كله كان بين ايديكم بس انتو طلبتو التغيير

  10. ظليتوا تقلبوا وتشقلبوا تا قلبت فيكم هههههههه ربنا اختار الافضل والحمد لله رب العالمين في امانة وصدق وشفافية ، مجبور يزور زيارة اولى لكل المؤسسات عشان يعرف يتعامل معها كاللازم ويعدلها وانتو بهمش خليكم غيرانين . هههه اقلبها وشقلبها

    1. شكلك فاهم معنى الأمانة والصدق والشفافية غلط.
      اما اكيد بتفهم بالتصوير.

  11. هاظ انت نبي بتتنبا انو بدو يرجع ،اول اشي صف عجنب ،خلي العالم تشتغل ،مصرش ميه يوم !!.اشرب مي واستنا سنتين ،ومن حالك بتقول الحمد لله انه السابق هو سابق وخلصنا منه ،يروح يجخ عحالو،كلنا اولاد فلاحين وعمال،ومحدا يتكبر ،الكبرياء لله

    1. يا سيد عبد الجليل أو بالأحرى للي بدعي حاله بهذا الإسم أولا ما نبي إلا محمد عليه الصلاة والسلام ولا أنبياء بعده ثانيا لا شك إنه التربية والأصل يلعبان دور هاما في حياتنا فانظر إلى ديننا حتى النبي عليه الصلاة و السلام كان يتحلى بمثل هذا النسب . ثالثا كفاكم إفتراء على الناس الرجل ما كان ولا مرة متكبر راجعوا حالكم المتكبر هو اللي بفصل الفقراء عن عملهم لمجرد ما دعموه . صحيح كلنا أولاد فلاحين وعمال بس مش كلنا نتحلى بصفات الرجولة الشهامة والنخوة التي ميزت هؤلاء الفلاحين

  12. لا حول ولا قوة إلا بالله العلي العظيم
    وين بقية الزعماء يا جماعه مش في الصور

  13. ريحوا حالكم وتتغلبوش بالتفكير اذا انتم اكم واحد ومولعين الموقع رئيس ومش رئيس زعماء وماني عارف ايش حبيبيني عيشوا الواقع الزمن اللي مضى الله يسهل عليه وييسر امره احنا ولاد اليوم قبل ما تشوفوا الهدف بتقرروا خلاص عاد استحوا على دمكم ازهقنا .
    بس للتنوير ورساله صغيره بدي حدا منكم يقللي اذا هو مستعد يشتري سمك بالبحر اذا ما رميت الشبك وشفت شو اطلعت بعد ما تطلعها ما راح تعرف شو صدت .معناته كل كلامكم فاضي ولا يسمن ولا يغني من جوع الماضي راح اليوم في اشي اسمه حاضر وبما انه الرئيس جديد من واجبه يعرف شو الوضع حواليه يعني بالعربي بدو يعرف النقصان وكيفية التحسين وعلى الاقل الاشي علني يعني بعدها بيقدرش ينكر انه بيعرفش بالنقصات بس تصرفكم بالضبط مثل ذبابه بتونوين عراس الواحد لما يقعد يوكل

  14. اهم اشي يا اخ فراس صلح اعدادية السلام
    واللبيب من الاشارة يفهم

    1. التغييرات ستشمل كل المدارس وكل الجهاز،ومدرسه السلام بوضع ممتاز ونريد اكثر امتياز للكل ، مدارسنا كل فتره يجب التجديد للافضل وبموافقه الجميع ولاجل الجميع ،كلنا بلد متوافقه وبيننا التفاهم والاحترام

  15. عن أي وضع وتحسن بتحكي . الله يعينه هسا تا يخلص وعوده الكل بعرف بالصفقات والله يجيرنا من اللي جاي ويحمانا من السفهاء

    1. والله خيا شايفيت كل شيئ
      اذا حبيت تحكي عن الوعود والصفقات فحتى الان لم نرى سوى الوعود والصفقات السابقه اما القادمه لم نرى منها حتى الان واضف الى معلوماتك انه بوعود وصفقات احد الالمتنازعين على السلطه احدثت انشقاقات داخل عائلات ونزاعات بين اباء وابناء فيا ريت غير هالسيره احنا ولاد اليوم دعونا نرتقي بعض الشيئ ولنتفائل ولنسعى الاهم فبدون السعي سنبقى نبكي على الاطلال كقيس ابن الملوح وبالتالي لن يستفيد احدنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

تمّ اكتشاف مانع للإعلانات

فضلاً قم بإلغاء مانع الإعلانات حتى تتمكن من تصفّح موقع بقجة