• لإرسال مواد لموقع بقجة على البريد الإلكتروني: [email protected]

    تنظيف وصيانة في شارع “5” في كفرقرع

    تستمر طواقم مجلس محلي كفرقرع باعمال تنظيف شارع رقم “5” والذي يبدأ من مركز تالا الطبي حتى شارع المفاحر وذلك عشية بدأ اعمال التطوير والصيانة فيه لتخفيف معاناة سكان الحي ولتطوير وتحسين شبكة المواصلات في الحي وضمان أمن وسلامة الجمهور.

    وجاءت المبادرة لهذا المشروع من قبل المحامي فراس أحمد بدحي رئيس المجلس المحلي بعد توجه سكان الحي والذين يعانون من حالة الشارع المزرية منذ اكثر من سنة ونصف , وعلى الفور فقد اعطى رئيس المجلس المحلي الضوء الأخضر لبدأ اعمال التطوير والصيانة في الشارع حيث بدأ المشروع بحملة تنظيف واسعة للاوساخ التي كانت على اطراف الشارع كذلك العمل على تحسين حالة الشارع لتخفيف المعاناة على سكان الحي والمارين منه.

    رئيس المجلس المحلي قدم شكره لجميع سكان الحي على مساعدتهم وتوجههم واعدا إياهم ان ينهي المجلس المحلي هذا المشروع بأسرع وقت ممكن , كما وشكر رئيس المجلس المحلي القائم باعمال الرئيس السيد مصطفى عسلي وأعضاء المجلس المحلي السادة اشرف عثامنة ونظير زحالقة وموظف المجلس عبد الفتاح ابوعطا على مواكبتهم المباشر اعمال المشروع مشيرا الى ان المجلس المحلي سيقوم بتطوير البنية التحتية في الشارع وبناء الارصفة وانارة الشارع بإنارة عصرية حديثة .

    من إبراهيم ابوعطا – رسالة من مجلس محلي كفرقرع

    لإرسال مواد لموقع بقجة على البريد الإلكتروني: [email protected]

    التعليقات

    1. الحمدلله الي اتغير الرئيس عشان ينظف هالشارع!!!! النا سنتين بنستنى انه ينظف هالشارع بس للاسف كان الوضع يسوء من سيء لاسوء
      شكرا جزيلا حضرة المحامي فراس

    2. يعطيكم العافيه🖒🖒🖒
      كمان حسن عثامنة رمم كثير شوارع في فترة رئاسته.
      ان شاء الله يكونوا رؤساء المجلس السابقين والجدد عند حسن ظن الجميع..
      قدما والى الامام

    3. كل الاحترام 🌹
      طب شو مع باقي الشوارع ، في بالبلد شوارع وضعها اسوء من شارع 5

    4. انا مش فاهم؟…. يعني ينفعش مشاريع بدون تصوير؟
      محنا اتفقنا بدنا تغير….!!!
      اهم شيء العهد الجديد.
      لا حولة ولا قوة الا بالله

      1. يعني رئيسك السابق نزل مجله بصورو محدا حكى !!
        سبحان الله
        ولا بس بحب انتقد وخلص

    5. هههههههه…..!!!!شكلكم بتابعوا شغل المجلس حسب الرئيس!!!!لانه يا ابطال هاذ شغل عادي الكل عمله من قبل بس ما عملوا منها طنه ورنه لانه اشي عادي وهاذ هو شغله… مش عامله على حساب وقته الخاص!!!

      1. نشعر ان هناك دماء جديده نشطه في المجلس ،ليس فقط ،انا المجلس والمجلس انا

    6. واخيرا من زمان بكينا نستنا يصير هيك بس لا حس ولا خبر ، شكرا سيدي الرئيس فراس بدحي

    7. موفقين انشاء الله يعني واجب كل انسان واعي ومتفهم انو يعمل بحق الله كل في مكانه كل في وظيفته ما بدنا نعمل قداسيه لعمل او مشروع ولا بدنا نعظم انسان وانسان خلص اشتغلو وبس ويعطيكم الف عافيه
      نرى المنتقد وغيرهو كل له وجهت نظرو حبايبنا اهل بلد واحد يعني راينا في السابق اعمال لرءيس حسن عثامنه وله الاجابيات والسلبيات
      واليوم نرى الاعمال من قبل المسؤولين
      نرى اشرف بعضو من المجلس مشارك نرى مصطفي من خلال وظيفته مشارك وفعال ونرى ايضا نظير زحالقه فعال وحريص وليس له وظيفه اي لم تبدا فترت ولايته كقاءم باعمال الءيس انا اقول موفقين اني ارى بكم الجديه واامسؤوليه والله انو مبين على وجوهكم العمل ومخافت رب العالمين باالتوفيق على فكره انا كنت مع حسن ربنا يوفق الجميع

    8. لا حول ولا قوة الا بالله…هو يعني الرئيس هجنة عليه يعمل عمل ولو بسيط!!!!هيك اصبحت الامور تقاس!!!! وبعدين يا ناس بهالعقلية عيب والله…مهو الرئيس بمهمة وواجب عليه يرمم ويصلح ببلده…كل شغلة صغيرة بتقيموا حواليها ضجة وصور واسبوع وانتوا تكتبوا تعليقات بتدل على المستوى العقلي البدائي!!!!! هاي العجقة مش مناسبة لشعب راقي ومثقف…الله يصلح احوالكم….لا حول ولا قوة الا بالله…الرجاء النشر!

    9. السلام عليكم.
      هاذا الشارع مش عام بعد في إجراءات مش خالصه وفش ميزانية…. إلى كان سبب في تخريب الشارع المجلس المحلي للأسف.. شكراً لرئيس فراس بدحي وأعضاء المجلس بتوفيق توكلنا على الله

      1. عنجد انك فهمان شارع مش عام والمجلس والاخوه العضاء ماتو وهمي يصوروا عشان تقولي مش عام هذا الشارع بس عام عاااااااام
        ع ا م

    10. للأسف هاذ الشارع صار موقف خاص لمركز تالا نرجو من المجلس المحلي ان يجد حل لهذه المشكله الأمر لا يطاق…..

    11. فهمان مش فهمان بس بحب اقلك انو الشارع بعد مش صاير شارع عام في اختلافات عشان هيك لليوم بعد مش جاهز

    12. هاذا الشارع ليس ملك عام ما زال حتى الآن ملك خاص ومدخل خاص للبيوت يا فهمان

    13. يا عمي انا احد المتضررين من هاذ الشارع وبقول انو هاذ الشارع مش عاااام انا مش موافق وجاري مش موافق وفلان مش موافق يا فهمان

    14. انا بقول للي عامل حالو فهمان هسا صار شارع عام لا والله تا يفتح شارع بنص دارك بدي اشوفك شو بدك تعمل لما كل يوم تيجي تطلع من دارك ومسكرين عليك الطريق بدنا نسمعك بتحكي لما كل يوم بدك تتجادل مع حدا بسواش………. لما هاذ شارع عام ليش يا حبيبي لليوم مش جاهز يا فهمان سنين صرلهم بس شاطرين بل حكي هاذ الوضع مش من اليوم يا عمي من تدخل فيما لا يعنيه لقي ما لا يرضيه

    15. فهمااان عااااام اذا الكلام من فضه فالسكوت من ذهب خلي الشأن لأصحاب الشأن

    16. هذا شارع مش عام وكل واحد شادد على حالو انو هذا شارع عام بقولو شوفلك طريق ثانيه حياني عوقتك

    17. كل يغني على ليلاه….كل واحد بده مصلحته !!! بلا تغيير بلا هوا..!! اطلعوا من الفيلم

    18. ولا اشي بعجبكم الزلمي شهرين بالمجلس شو بدكم ساحر هو كل شغل مبارك الحمدلله انو المجلس بشتغل هاي نعمه وبغدرو يتصورو وين المشكله ولو محنا مسلمين توكلو بالله

    19. شكرا جزيلا فراس بدحي مع اني كنت مع حسن بس يبدو ان رياح التغيير بدأنا نشعر فيها اكمل على بركه الله .انت بالطريق الصحيح

    اترك تعليقاً

    لن يتم نشر عنوان بريدك الإلكتروني.