• لإرسال مواد لموقع بقجة على البريد الإلكتروني: [email protected]

    فوز فراس بدحي برئاسة مجلس كفرقرع

    فاز المحامي فراس بدحي برئاسة مجلس كفرقرع المحلي متفوقا على منافسه الرئيس الحالي للمجلس المحامي حسن عثامنة بفارق 509 صوت بعد ان شهدت بلدة كفرقرع إنتخابات ديموقراطية أخوية بروح رياضية مميزة ومنافسة شديدة بين المرشحين الإثنين . وقد حصل المحامي فراس بدحي على 5686 صوتا مقابل 5177  حصل عليها منافسه المحامي حسن عثامنة علما ان نسبة التصويت كانت حوالي 83.68 % .

     

    لإرسال مواد لموقع بقجة على البريد الإلكتروني: [email protected]

    التعليقات

    1. مبارك رئيسنا فراس بدحي ونسأل الله التوفيق والنجاح باداء وتمثيل المنصب بصدق وامانه

    2. الف الف مبروك الريس فراس بدحي ومبروك لكفرقرع نعم للتغير والتعبير راحه في العامل القادم مبارك اخ فراس انت في قيمه الصعود طالعه طالعه طالعه🎖

    3. ألف مبروك للأخ فراس بدحي بالفوز برئاسة المجلس المحلي كفر قرع.. ارجو من الله أن يوفقك لما يحب ويرضى.

    4. ان شاء الله خير ، منتأمل تشتغل للبلد وتخدم البلد والله يهدي البال

    5. الف مبروك للأخ فرأس بدحي بالنجاح الكبير ومبروك لصديقي باسم كناعنة ونظير زحالقة ابو المجيد

    6. الف مبروك اخ فرأس ان شاء الله تكون قدها وتصنع المستقبل من بنت قرعوية

      1. اول اشي مبارك لفوز لفراس بدحي ان شاء الله تكون قد الامانه وصدق .. اما عمي حسن صح انو خساره بس لازم كلنا نشكرو على تعبو في هدول الخمس سنين على مجهودو وتعبو لهاي البلد يعطيك العافيه عمي حسن كنا نتمنى انك توخذها بس هيك الحياه منافسه وفيها روح رياضيه واحنا كلنا ولاد بلد وحده .. لا داعي تصيرو تحكو لبعض انتو ما اخذتوها واحنا اخذناها وتحكو على بعض وجرحو بعض بكلام مش حلو كلنا بلد واخوه وبنهايه هاد الي كتبو ربنا والحمد لله على نعمو .. ورح نضل نحبك ونحترمك عمي حسن ولا ننسى تعبك على هاد البلد ..

      2. ااه والله معك حق شخص مثل حسن خساره كبيره انو ما يكون هو الرئيس باخلاقو المثلالية
        كنت اتمنى اهل بلدي يخاتروا الشخص المناسب بس احنا منتأمل كل خير ونشا الله انو الله بهدي البال

    7. الف مبروك للاخ فراس والف مبروك لخالتي ام فراس بتستاهلي كل الخير. ان شاء الله ربنا يقدره ع حمل المسؤوليه .بالتوفيق

    8. الف مبروك لفراس بالنجاح
      ومليون مبروك ومليون شكر لكل من ساهم بهذا النجاح

    9. من آل نخاش وآل ابو سالمة وال جدي نبارك للاخ المحامي فراس بدحي برئاسة المجلس المحلي كفر قرع
      وإلى الأمام ربنا يوفقنا جميعا من اجل البلد

    10. مسرحيه وعنوانها ( تصفيه حسابات ) كثير ناس ما حبت التمثيل وناس انجرت واجبرت على الاشتراك فوز كبير للاخ حسن عثامنه جدع واصيل وابن اصول وبتضلك اصيل وكبير ومعك بكل مشوار

    11. السيد حسن اخذ احصائيات عاليه لحالو وهاذ نجاح بحد ذاتو اما السيد فراس لولا الائتلاف الي كان من ال …. ما كان اخذ الرئاسه
      ارجو النشر

      1. المهم انو صار الرئيس مش مهم منين جاب اصوات والناس دعمو لانهم رايدينو ،، بالنجاح للاخ فراس

          1. المسخره همي الي بتمسخرو عالعالم همي المسخره بحد ذاتها وانت طبعا حدا منهم !! ارضو بالواقع واختصرو حكي فاضي

    12. حسن عثامنه ابن كفرقرع وفراس بدحي ابن كفرقرع..نقول شكرا لحسن على جهوده الجبا ره.ونقول ايضا الف مبروك لفراس ونتمنى ان يوفقه الله في عمله لصالح كفرقرع …والاهم ان تبقى كفر قرع عائله واحده

    13. كلامك مزبوط فراس تحالف مع اهل البلد هذا بحد ذاتو انجاز لكسر حواجز العنصريه للعائليه هاي عيله كبيره وهاي عيله صغيره (بدحي) وفي المره السابقه ما حدا عمل ائتلاف مع فراس والكل راح مع حسن والنتائج كانت تقريبا نفس الشي يعني الكل كان حسن وفراس لحالو ما حدا شاركو وجاب اصولت وطلع جوله ثانيه، يعني سبحان الله اليوم انقلبت المعادله بالتوفيق لفراس ان شاء الله ما يخيب امال اهل بلده ويكون على قد المسؤوليه.وخلينا نفسح المجال للكل ما تكون الرئاسه حكر على شخص واحد وشكرا

      1. معادلتك مش معادلة من الأساس . شو جاب لجاب . الرجاءالنشر يا موقع بقجة

    14. لي في ناس ما بتتقبل النتيجة
      كل احترام للاخ حسن على مجهود ٥ سنوات من العمل وبناء كفر قرع و تطويرها
      ونبارك للاخ فراس بدحي ونتمنى ان يكمل كل المشاريع والاعمار وتحسين القرية من احسن الى احسن
      وبشكر كل اهل قريتي الطياب ان شآء الله بنظل اخوة واحبة وكل خمسة سنوات وانتم بالف خير وسعادة
      نحن في قرية كفر قرع متحدين ومتماسكين يد بيد نبني جيل الغد وكلنا عنا اولاد وشباب نريد لهم مستقبل افضل
      وما اظن انه في واحد بدور على تدهور القرية كلنا ابناء هذا البلد الطيب المتعلم والمثقف

    15. يعطيك ألف عافية أخي حسن، الله يسلم البطن الذي حملك، وإن شاء الله ربنا اختار لك الأحسن،،بصراحة بتستاهل تستريح قليلاً وأهلك يشوفوك،، وللسيد فراس بتمنى ما تنسى إنه في رقيب عليك، يا ريت تحطوا لجنة مراقبة مالية علشان الشفافية واهل البلد يطمنّوا، وبالتوفيق.

    16. للاسف اهل بلدنا بدهمش الرئيس الناجح
      بدهم تغيير .. بدي اشوف التغيير هذا الي بتحكو عنو . وعمي حسن أفضل رئيس والدليل على ذلك .. انه كل المرشحين ضد واحد وبالاخر الفرق بس 500 !!! هذا اكبر نجاح للرئيس حسن . وانا لحد هسا مش فاهمة شو عمل عمي حسن حتى توصل لدرجة انو كل المرشحين يتحالفو ضدو!!! وبس بدي اذكر بهذه المقولة .. الأسد يمشي وحيداً والخاروف مع القطيع.. وفهمكم كفاية!! و ولا أي رئيس استطاع يعمل نصف الي عملو الرئيس حسن !! هسا عنجد الأخ المحترم نزيه او الأخ المحترم زهير شوو عملووا؟؟؟ شوو قدموا للبلدد؟؟؟!! والحمدلله ورغم كل الي صار وكل التحالف الي ضد الرئيس حسن والاشياء الجانبية الي عملوها عشان يوخذو الرئاسة وأغلبكم فاهميني.. بالاخر رئيسنا حسن جاب 5129 صوت بشرف! وبمحبة الناس الحمدلله .. وحسبي الله بكل إنسان باع ضميره وصوته كمان!!

      1. محدا ضد حسن ومحدا بنكر عمك حسن شو عمل بالخمس سنين كلنا عارفين وشايفين
        والتحالف الي صار مع فراس لانهم حبو يعطو قرصه لانو خلص حسن بكفي خمس سنين يعطي مجال لغيروو ،، وعفكره في فرق 554 صوت مش بس 500 بعدين شو هالمستوى هاد خروف وعجول شو هالمستوى استحو عحالكم خروف ولا مش خروف المهم صار رئيس ……

    17. مبروك لفراس بدحي والف مبروك لحسن عثامنه وعلى صموده ومحبتو الكبيره لاهل بلدو اللي همي بيحبو لانو انسان بمعنى الكلمه وانتي يا ابو التسلط الكلمه الحلوه احسن روح ان شالله كل الدنيا بتتسلط عليك

    18. ما عساي أقول في حين أن كل ما تقدم أعلاه ليس إلا إمتدادا لمسيرة الجهل المتداول بإتقان في البلاد العربية! أسفي على بلدي التي ما عادت كما ادعيت طويلا قائلة ” هنيئا لي ببلدي المثقف المختلف”. كل اناء بما فيه ينضح واسلوب الحفل يعكس جوهر أصحابه. يا حيف!

    19. لكل الي كانو مع حسن خلص عاد استحو عحالكم فراس اخذ الرئاسه وغصب عنكم كلكم اختصرو حكي وبلاش فساد …

    20. احنا اللي كنا مع حسن بنظل معا حتى الموت وما بنفظل حدا. عليه حتى لو قعد 100 رئيس محله مع احترامي لفراس والفساد جاي من عندكم وهسا بدو يبدا الفساد حضروا حالكم

    اترك تعليقاً

    لن يتم نشر عنوان بريدك الإلكتروني.