• لإرسال مواد لموقع بقجة على البريد الإلكتروني: [email protected]

    جولة ثانية بين حسن عثامنة وفراس بدحي

    أسفرت نتائج الفرز في الإنتخابات لرئاسة مجلس كفرقرع المحلي عن جولة ثانية بين المرشحين المحامي حسن عثامنة رئيس المجلس الحالي الذي حصل على 3987 صوت وبين المحامي فراس بدحي الذي حصل على 2676 صوتًا، حيث من المتوقع إجراء الجولة الثانية بعد أسبوعين من اليوم.

    ويشار إلى أنّه تنافس على كرسي الرئاسة في كفرقرع 8 مرشحين.

    لإرسال مواد لموقع بقجة على البريد الإلكتروني: [email protected]

    التعليقات

      1. ان شاء الله حبيبنا عمي فراس يسلم لسانك عالحكي المتقن والرزين الله لا يضيعلك تعب يا رب🙏🙏🙏اللهم امين يجبر بخاطرك وخاطرنا يا رب

    1. يلا انبسطو يا نزيه ويا زهير ويا باسم,لو توحدتو كان انتو بالجوله الثانيه, كل الناس طالبتقم بالوحده وانت ركبتو روسكم وكبرت بروسكم, وبعدين اخ نزيه ال عسلي حلقولك.

    2. كلنا معك ، فراس بدحي ان شاءالله ، بنجاح لك ، تستحقها وانت أَهلٌ لها

    3. يا نزيه ويا زهير ويا باسم انا قلتلكم, اذا لم تتوحدو سنعود لنفس المنوال , يلا انبسطو لو توحدتو كان انتم بالجوله الثانيه او حتى جوله اولى

    4. انشاء الله فراس البدحي لانك تستحقها بجدارة كل الاحترام لم اتوقع انك تصل الى الموصول اتمنى منك ومن جماعتك العمل بجديه اكثر لانه لو انتبهتم لعمل حسن الذي عمل بجد لحسمها من جولة اولى
      اخر تمنياتي ان يستيقظو اهل كفر قرع وباقي المرشحين وحسمها في الجولة الثانيه

    5. حسن عثامنه باذن الله تعالى …وان قال لشي كن فيكون. يا رب وفقه باذنك يا الله

      1. واو.. انت بتعرف مين الي بقول للشيء كن فيكون؟!؟! الله سبجانه وتعالى !!!
        سمعنا عن عباية الرسول.. وعمر.. اما هسا الله كمان؟!
        اتقوا الله!!

    6. يعطيك الف عافيه على هذه الكلمات الرائعه فعلا رجل متواضع وأهل لمثل هذا المنصب ، سيد فراس بدحي ، نأمل حصولك على منصب رئاسة المجلس ، حيث أنك من يستحق ، أكثر من غيرك ، كلنا ثقه بك ، الحمد الله رب العالمين ، قدوة حسنه للبلد ان شاءالله

    7. وين جماعة الجولة الاولى ؟ ….
      يا رب فراس صار لازم نغيير رئيس ونختار جديد للبلد

    8. حسن انسان رزين جدا، انسان متواضع وراقي بافكاره وكلماته …مع احترامي للجميع ان شاء الله بكون رئيسا لبلدة كفر قرع لانه يستحقها بكل معنى .. الله يوفقك وينصرك وتظلك قدوه لاهل بلدك..

    9. كل الاحترام مين كان متوقع فراس بالجوله الثانيه هسه كل القوانين بتتغير واللعبه اسه بتبلش كلشي مفتوح

    10. فراااااااااااااااااااااااااااااااس ،الله كبر ولله الحمد،التغيير قادم باذن الله،وما النصر الا من عند الله،دقت ساعه التغيير والنصر

    11. اولا كل الاحترام لاهل كفر قرع رغم المنافسه الشديده مرت هذه الجوله بخير وسلام وهذا اهم شيئ بنظري اما انا شخصيا كنت مع السيد حسن عثامنه في الجوله الاولى وساكون معه في الجوله الثانيه ان شاء الله حتى تحقيق الفوز فهو الرجل المناسب لهذا المنصب

    12. إنشاللة إلك عمي فراس تستحقها وبعدين صار لازم إنغير الرئيس بكفي حسن مثل فيه الكفاية

      1. ان شاء الله ما بتفرحوا فيها يا عنصريين انشر عمي بقجة الله يخليك بستفزونا هاي الاشكال الخونة

    13. أهل بلدي الكرام وبقولها بكل محبة واخوة.. المفروض نحترم آراء الغير وموقف الغير بغض النظر عن كون الطرف الاخر بوافقني الرأي او لع لسببين بغاية الأهمية الاول: كلنا بالتالي أهل بلد وبدنا مصلحة البلد مشان هيك لازم نحب الخير لبعض ومحدا ينسى الانتخابات يوم لمدة خمس سنوات والقصد هو بأيدينا نسمع ونتفهم ونرضى ونفرح لبعض شو ما كانت النتيجة ومثل ما شايفين السنين ركاض بتستاهلش خلافات وسوء تفاهم كل العمر… السبب الثاني انه كل شخص يشعر انه بمثل المرشح الي بدعمه ويكون رزين بكلامه مشان ميضروش لا بتعليق ولا بتصرف..يتمنى من أهل البلد الوعي يكون شعارهم والقيم والمبادئ بسلم اولوياتهم وألف مبروك للفائز مين ما كان الكل أبناء بلد وربنا يختار الأفضل دائماً وأبدا بكل المجالات ان شاء الله

    14. الله يكون معك عمي حسن وتحقق مرادك .. احنا معك وعلى طول رايحين نضل معك … طول ما إنت لتترشح للرئاسه احنا اكيد معك .. لأنك وبالتاكيد تستحق ذالك

    15. في غرفة الإداره في مدرسة السلام كفر قرع يوجد مفاتيح سياره وجدت في الغرف التي كان فيها تصويت.
      صاحب المفاتيح يتوجه لمدرسة السلام عشان يستلمهن.

    16. ان شاء الله يا رب بأذن الله تعالى توخذ الرئاسه يا عمي حسن لانك انت المناسب وغيرت كثيير في البلد الله يوفقك يا رب وينجحك …

    17. كلنا حسن عثامنه.. لو ما كان يستحق منصب الرئيس ما كان حصل على 3987 صوت بجدارة.. الله يوفقه

    18. صدقوني بطلت تفرق مين يخدمني من المرشحين كليهما لا يلائمان هذا المنصب وخاصه ان مجموع اصواتهما لا يتعدى ٥٠% من مجموع الاصوات يعني اكثر من نصف البلد لا يريد هذان المرشحان وطبعا بما انا صرنا تحت الامر الواقع فساطلب من الفائز الغير مرغوب عند اهل البلد انه وصل لهذا المنصب ليخدمنا لا ليتزعمنا ووظيفته خدمة البلد اولا وسيحاسبه رب العالمين على هذه الامانه .

    19. اللي قدر عليه حسن جابو،هسا الحسم بيد نزيه وزهير وباسم،اذا بجمعو قوتهم مع فراس،يحدث التغيير الذي تبحث عنه كفرقرع.

    20. حسب رأيي اجا الوقت ان يعرف كل مرشح ان الناس هي التي تقرر، ويجب على الاخ فراس ان يجمع الجميع حوله من اجل التغيير،باسم ينادي بالتغيير،وفراس جديد يريد التغيير،فهنا الامتحان الحقيقي لباسم،اذا ذهب عند حسن فقد حرق نفسه الى الابد.

    21. نزيه المره السابقه ذهب عند حسن،هذه المره نطالبه بالذهاب الى الاخ فراس ولا يترك حريه الاختيار،الجميع عند فراس ،الزلمي بظل على كلمته.

    22. ولا واحد بهمني
      بس زبطونا بالتوظيف والواسطات
      اذا اخذها حسن الي وظفهم رح يذلوا واذا اخذها فراس رح يقبعهن ويوظف عن طريقوا
      بس ما بقول غير نيال الي ابتتوظف وهي ابتعرفش تكتب اسمها
      بتمنى من موقع بقجه نشر تعليقي
      مش يحذفوه

      1. مش هيك بتنكتب بذلوا هيك بظلوا
        عن طريقوا كمان مش هيك لازم طريقه
        أما ابتتوظف وابتعرفش بدون هاي الالف
        بأي محل بدكم تتوظفوا يا عاااااااالم على هالمعدل

      2. وهل أنت ممن يتوظفون ويعرفون كتابة أسمائهم؟ إتقِ الله في اللغة يا عزيزتي!! والأجدر والأجدى أن تقومي بإشارة إصبع الاتهام في جرم عدم الدراية الى نفسك أولا!!

        1. كل الاحترام والتقدير لك يا مثقف/ة لانه من لغتك بالتعبير عن الكلمة التي تريد ايصالها واضح جداً مستوى الثقافة بغض النظر عن مستوى التعليم.. بالعربي بتشفي الغليل بتعليقاتك المفحمة الله يكثر من أمثالك اخي وابن بلدي

          1. أولئك القلائل الذين يقدرون جمال اللغة ويثنون على إتقانها لهم أولى بالشكر.
            ولذالك وجب علي شكرك بالمثل للطفك البالغ وحسن توجهك.

            1. تسلم ابن بلدي ولك مني كل التقدير.. والرد السابق كان صادق وخالٍ من اي مجاملات لانه وجود أشخاص بجعبتهم المحبة للغة العربية يقول الكثير والحمد لله ويكفيني انا شخصيا رؤية مثل هذه التعليقات المشرفة بحق اللغة من إملاء وردود لبقة كلها جواهر لغوية حتى لو كانت بسيطة يكفي ثقلها التعبيري…والأخطاء الإملائية أصبحت بنظري من كوارث الأساسيات بالبيوت كتعليم..

              1. أشكر لطفك ثانية
                أنا فتاة ولست شابا
                بنت بلدك ولست ابن بلدك
                حرصا على سلامة الحديث فقط! تظل اللغة العربية أصل الأشياء وإن اجتاحت أسوارها العالية جحافل الدخلاء!
                أشكرك من الصميم وأطري على ثقافتك وسلامة مداخلاتك بالمثل

                1. عذراً أختي وبنت بلدي.. التعبير بقوته تحلّى بجرأة جعلتني اشعر لوهلة ان مصدرها فتى مثقف والآن فخري واعتزازي تضاعف لوجود صبايا من بلدي إلهام ثقافتها ينبوع لغتها العربية والاروع من ذلك كيفية التوجه والطلاقة بالحديث والفكر…كل الاحترام بالتالي كل بنات البلد اخواتنا

    23. مهو نزيه وزهير وباسم معرفوش يمونو علي بقو متفقين معهم كل واحد بقا عايش بحلم لحالو هسا بدهم يمونو وينجحو فراس
      انا مع فراس بس انا بقول انو المرشحين يسحبو ايديهم من منتخبيهم وكل واحد بقرر عن حالو عشان ميركنوش على الاصوات الي معهم ويطلع وعود وحكي فاضي
      وللمرشحين تصدقوش كل المنتخبين لانو طلعو اكتر من نصهم نصابين وبعرفش شو الهدف

    24. بصوتك الي بوخذ 5ثواني… بقرر مستقبلك ومستقبل بلدك ل5 سنين… لهيك ل تفكر ولا تحتار حسن احسن اختيار…

    25. طالعه طالعه طالعه طالعه طالعه طالعه طالعه طالعه طالعه طالعه طالعه طالعه طالعه طالعه طالعه

    26. المهم يصير تطورات اكثر بالخمس سنين الجايات والي يوخذها يشتغل على البلد من كل قلبو

    27. ارجو من الله ان يفوز فراس بدحي وان يعتمر مبشره بعد النجاح ويحج سنه القادمه

    28. كا الاحترام لحسن لو اشرف ما خرب عليه بال ٢٠٠ صوت كان حسم جولة اولى الله بسامحهم

    29. يا عمي شو هاي فرراس يريد التغيير شو عامل ورح يعمل للبلد يعني ضلكو احلمو قال تغيير قال هههه قلو عروسنا رح يقع هههععع الله يستر اذا فاز شو رح يصير بالبلد
      محدا ملائم للرائسة غير حسن محبوب الشعب
      الرجل الانسب بالمكان الانسب
      وانتو ادرى اكيد😊
      كلنا حسن👍👍

      1. شايف مش عاجبك فراس فراس ابن البلد وشخص مثقف وبحب الخير لاهل بلدوا وماعندوا تميز او عنصرية تجاة ولا بلدوا او الغير وهو حابب يصلح البلد انتوا اعطوا فرصة شو بتخسروا جربنا حسن صار وقت نجرب فراس وصدقنوني اذا صار رئيس رح يتغير كثير اشياء للافضل

    30. لا تفكر ولا تحتار حسن هو الخيار ان شاء اله تفوز وتفق بعين كل غيران بصلة
      ان كيدهم لعظيم

    31. أنا مش فاهم شو التغييير. المشاريع الي قام بها حسن. ولا رئيس غدر يساوي
      ان شاء الله حسن يكمل العمران.
      توكلوا على الله.

        1. بالنسبة لمدخل البلد الحق يقال، الاخ حسن جداً اشتغل واعطى من قلبه والاشي مُلاحظ وبدون ما حدا ينكر فجزيل الشكر لقسم الهندسة اللي بغفلوش ليلاً ونهارا لراحتنا، تاني اشي لا ننسى انه الشارع 6 الشارع السريع بخدم كل من يسكن بوادي عارة واغلب مناطق الشمال واخر مفترق عند كفر قرع فاذا مدخل البلد بده يتغير ولا اي رئيس رح يحل الاشكالية غير الدولة نفسها
          فمن العيب ان ننكر جميع التغييرات بكفر قرع من قوانين وتنظيم شوارع والرقابه وووووو… بالاخر اهم نقطة هي التعامل لانه الدين الاسلامي قبل كل شيء هو معاملة وانسانية وعدم استغلال الناس خلينا نخوض الانتخابات بدون غش واساليب عيب تُذكر

    32. السيد حسن انسان مثقف، لديه باع طويل في إدارة البلد. لبق ويتحدث بطلاقة وخير واجهة تمثل الطابع الثقافي للبلد داخلها وخارجها على السواء.انا لا أميل الى النزعات العائلية وأدلي برأيي بموضوعية بحتة. بالنجاح لإتمام المسيرة

      1. واليسد فراس ايضا مثقف ولدية عدة خبراتات لاتحكم عل شي بدون ما تجرب لازم نغير

      2. ايضا السيد فراس شخص مثقف يحب الخير لاهل بلدوا وجميع مواطنيها ويريد ان يقوم بعدة اشياء لصالح البلد وموطنيها

    33. ثماني مرشحين!
      ولو …ومن اصل 16.
      كل البلدان العربيه مرشحين فيها اثنين أو ثلاثه إلا بلدنا.
      انا خجلان بهيك تصرف من غالبية المرشحين مثل،
      دكتور حسام، فكتوريا واشرف وحتى زهير اللي كان متوقع النتيجه من الاول . لليش بتترشحوا؟
      خساره على الطاقه والأموال لكمان جوله …حراااام عليكم.

      1. رئاسة المجلس مش حكر لاحد يا عزيزي والتنويع مفضل دائما فيكتوريا واشرف وباسم اكبر دلاله انه الناس وباغلبها صاحيه ونتيجة الانتخابات السابقه عبرت عن رغبة اهل البلد والتي قالت اهم كلمه الا وهي اكثر من ٥٠% من اهل البلد لا يرغب بفراس وحسن اللي راح يصير رئيس بال ٥ سنين القادمه غير مرغوب به عند نصف اهل بلده وشطارته اذا قلب الايه واثبت عكس توقعاتهم

        1. التنويع هون يا “ابنك يا بلدي” غير مفضل . هاي انتخابات ومصلحة بلد مش “بسطه للخضروات”.
          ومش مهم مين بوخدها. لانه الزعيم عادل إمام قال :
          الريس يلهط على طووووول…..هاهاها.

    34. انا لو محل فراس بعقد صفقة مع حسن وبلاش كمان جولة هيك هيك حسن ناجح

      1. ههههه قصدك حسن يعقد صفقه مع فراس ويختصر لانو فراس الي رح يوخذها لانو محدا بدو حسن الكل مع فرااس 🤙✌️

        1. هههه حاسي بدكم تجلطو على مهلكم خيا مين ما يقعد يقعد بس افهمو اشي واحد حسن بس يلي عمل فية البلد فتحو عيونكم قبل فوات الاوان

        2. رد للي مسمي حالو مع فراس …هالووو كيف قررت انه محدا مع حسن ..الجوله الاولى بتشهد ..روح نام

          1. المعطيات تقول: فراس بدحي هو رئيس مجلس كفرقرع القادم بشكل شبه مؤكد ان شاء الله.
            حسن عثامنة: 3932
            فراس بدحي: 2675

            نزيه مصاروة: 1577
            إنسان نزيه وصادق بأقواله ولا يبدل كلماته وسيكون مع التغيير في الجولة الثانية. 70% من اصواته ستكون لصالح فراس. 1103 صوت لفراس. 315 حسن (20%). خصم 10% من كلا المرشحان نسبة المجموعة التي لن تصوت.

            باسم كناعنة: 927:
            ما يميز باسم كناعنة هو مواقفه. رجل صاحب استقامة لا يبدل مواقفه ولا يعرف النفاق ولو عرض عليه نائب وزير. مرشح الذي كان يطمح بالتغيير وقلب النهج في كفرقرع وسيستمر بشكل مؤكد مسيرته مع فراس بدحي. 85% من اصواته ستكون لصالح فراس. 787 فراس / 92 حسن

            زهير يحيى: 742
            زهير يحيى اعلن انه سيدعم فراس لأجل المصلحة العامة. 100% من أصواته لصالح فراس. 720 فراس / 0 حسن

            أشرف عثامنة: 202:
            رجل شهم وصاحب مبادىء ثابتة ، ترشحه كان من اجل تغيير فكر الناس في هذه الفترة والعهد نسبة للوضع الموجود. 100% من أصواته لصالح فراس. 190 فراس ( مع خصم نسبة الممتنعين عن التصويت )

            فكتوريا مدلج: 156:
            امرأة قيادية صاحبة رسالة ، أرادت من خلال ترشحها إيصال رسالة للناس تحمل فيها الجرأة والشجاعة وقوة المواجهة وايضا التغيير. هي مع التغيير. 60% من أصواتها لصالح فراس. 93 لفراس / 36 حسن

            حسام مصالحة 138:
            الدكتور حسام مصالحة خاض تجربة مع أهداف سامية لتغيير نهج ومنظومة العمل في المجلس. هو مع التغيير. 60% من اصواته لصالح فراس. 82 لفراس / 34 حسن

            المجموع:
            فراس: 2675 + 1103 + 787 + 720 + 190 + 93+ 82 = 5650
            حسن: 3932 + 315 + 92 + 36 + 34 = 4409 = 4409
            الفارق : 1241 لصالح فراس
            فرضا ان 600 صوت اضافيات هربت من التحالفات وانتقلت من فراس لحسن يبقى الفارق لصالح فراس

            1. طريقة وأسلوب محنك من الأخ زحالقة بالإحصائيات الي هدفها تناشد المرشحين هههههه بس انا كنت مع مرشح منهم وبالجولة الثانية بفكرش أصلا امشي وين بتفق وبمشي المرشح..المرشح خسر معناها خسر انتخابات وكلمة القصد ملوش كلمة على حدا من الي مشوا معه وأي حدا بقول غير هيك بضحك على حاله…الجولة الثانية الأصوات حرة ومش محسومة صدقني.. وانت من جماعة نظير واضح وبتأمل أنكم مع فراس محبة ودعم مش بس وفقط لإفشال حسن هههههه بس الغريب انه الانسان بشوف صفات سلبية بغيره ولما هو يغلط بشفش يعني هيك تصرف ونيّة بتكون صادقه!!؟ لا حول ولا قوة الا بالله…

            2. يا صاحب الأطروحة،
              هل تظن نفسك محنكا بحيث تستميل الأسماء التي أدليت بها عن طريق غمس ثيابهم بالعسل والطيب وإسماعهم ما يريدون سماعه؟
              في جعبتي لك بعض الاقتراحات سيد زحالقة:
              ١.قدم أوراقك الى دائرة الإحصاء بطلب مستعجل للتعيين!
              ٢.قم بفحص نسبة الذكاء لديك جامعا إياها مع نسبة وقت فراغك الذي مكنك من كتابة أطروحتك الواهية وشاركنا بها مشكورا كواحدة من النسب المئوية التي تفضلت بها مسبقا!
              خلاصة الحديث أن عجبتُ لأمرك فما عدت أدري هل يكون ضحكي خاتمة أطروحتك أم بكائي!!

              1. هاد مش من عندي ومش انا الي عملت هاي الاحصائيات انا مثلي مثلكم بسمع اخبار من هون وهون من الانترنت ،، وانشالله يوخذها الشخص الملائم ومين ما اخذها الف مبروك عليه ،،

                1. كثير معجبني ردود الفعل وتقبل الغير والله وبصدق.. وبالنسبة للأخ زحالقة انا بدعم الرد الاول انه الأصوات مش محسومه وبتقدرش تقول لصالح مين وبدعم الرد الثاني انه طرحك للأسماء بأساليب الإطراء فيها نوع من التودد العلني بهدف ما وواضح طبعا..الأصوات مش محسومه بكرر وجهة نظري مثل غيري ومعتقدش في مرشح بقدر او بهمه أصلا يفرض رأيه بعد ما خسر ولصالح مين هاي بعلم الله وان شاء الله خير…وبالنسبة لشغل الرئيس الحالي حسن فهو اشتغل وكثيييير وإنسان كثير مليح مع الناس هاي حقائق لمسناها وكما قال الأخ بالرد الاول صوتي الان حر وان شاء الله رح يكون لحسن لاني كمواطن جربته كرئيس مش لاني بدي فلان وبديش فلان

                  1. ان شاء الله بالتوفيق للجميع حسن بستاهل يكون بهاد المنصب لانو برضو عمل كثير للبلد والكل بشهد وفراس بستاهل انو نعطي كمان فرصه لنشوف شو في عندو ،،

          2. وانا برد عليك انوا انشاءالله فراس بصير رئيس قوة التغير
            نعم للتجديد ولا نريد المزيد

        1. وبلكي حسن يخدها لا الرئاسة الثالثة على التوالي
          الله اعلم اخذها اول مرة بعمر الورد ٢٨سنة لو ماكان قد هاي المسئولية كان اهل البلد ما اعطو ايها اليوم اوعى واتعلم شو يعني مسئولية وعمل وغير فية مش متل يلي كانو بعدو وان شاء الله هاي الثالث راح يورينا اكتر ما شوفنا بي السنين يلي قبل عمو بقجة انشرو بليز

    35. بس بدي اسال،المهم اكثر ، من هو رءيس المعارضه؟من هو الانسان الذي يحب بلده ويعارض وينتقد النقد البناء ويراقب ويصحح الرءيس والاعضاء ،خمس سنين القادمه ليثبت لنا انه كفوء ،ويمهمه بلدنا وما يحري وبالاضافه لعمله يعمل لنا هذه الخدمه بالمجان ومحبه لله ولبلده،هو قوي وجريء ولا ينحني ولا يخاف المافيا والتهديدات ،هل انت سيد زهير او باسم او نزيه او حسام او غيره ،ليثبت لنا انه يستحق الرءاسه بعد 5 سنواب معارضه وتصحيح ونقد. لانه ليس هناك انسان كامل وكل واحد بحاجه لتصحيح،الااذا كان الوحي يزوره بالليل او بالنهار او لا يحب النقد ويتربص لمن انتقده مثل دكتاتوريات العرب، والله الموفق

    36. فراس بدحي سيكون الرئيس بأذن الله .معاك عالموت عمي فراس .الجوله الاولى انتهت وهسا بدنا ناكشنها ونولعها نار حمرا .قبيله ابو فنه

    37. حسن عثامنة هو رح يفوز بأذن الله ورح يعمل مشاريع اجدد ب خمس سنين القادمه

    38. ليش نكذب على حالنا ولا رئيس قدر يغير بالبلد زي ماغير الرئيس حسن عثامنه من كل النواحل من المدارس لشوارع للمنتزاهات الواحد مش لازم ينكر تعب الي تعبو في اول البلد بعتقد لو كان رئيس غيرو كان ماصولنا لهاذ الطتور بالبلد وانشالله بظل هو رئيسنا بالخمس السنين القادمات بأذن الله

    39. فراس ولا حسن شو فارقه معكم مش فاهمه !!
      كلو مصااالح الي قريب عالصحن بوكل غير هيك محدا الو اشي بكرا بتخلص الانتخابات ببطلو يقولو حتى مرحبا ،، انا من ناحيتي محدا بستاهل صوتي ومش رح اصوت ✌️

      1. ليش مش فارقه لع فارقه وفرق بين السما والارض رئيس عن رئيس بفرق والمفروض كل مواطن يعطي صوتو للي بقدر يغير ويطور البلد ومش الحل انو الواحد ميصوتش اخرتو واحد منهم ماخذها ف صوتو للأحسن ولأحسن هو حسن عثامنة

        1. مش عاوزتهم ومش عاملينلي اشي وانا بمشيش مع المصالح بالاخر هاي حرية شخصيه كل واحد حر لمين بدو يصوت او بدوش يصوت !!

          1. مصلحة البلد فوق أي إعتبار شخصي. أعيدي حساباتك وطريقة نظرك للأمور وجردي نفسك من التفكير الفردي الذي يحصرك بين جدران مصالحك الذاتية.لعل إحدى مشكلات مجتمعنا الأساسية هي حرصنا على نجاحاتنا الفردية في حين أن ليس هنالك أي طموح لتكثيف الجهود نحو نجاحات جماعية نعتز بها ونجعلها عمادا تقوم عليه مصالح أي بلد عربي. إنك تقبعين في زاويتك الخاصة وعلى غفلة منك تظل كفرقرع فوق الجميع.

    40. حسن عثامنة إنسان مسؤول طموح مثقف.. فعل الكثير لهذا البلد الطيب.. لا يمكن لأحد ان ينكر ذلك.. انا لا افهم لماذا تطالبون بالتغيير!! يجب ان تطالبو باستمرارية هذا المشوار ليستمر بالعطاء.. ان حسن يشرف بلدنا .. يتكلم بلباقة وسلاسة.. رجل دين وتهمه مصلحة البلد.. انا متاكدة ان الكل يعي ذلك ولكن للأسف الناس لا تحكم ضميرها وإنما عنصريتها ومصالحها الشخصية.. كلنا حسن عثامنة.. باذن الله تعالى حسن سيكمل المشوار

    41. بس حسن يا عمي
      هو الرئيس وراح تشوفو كيف الاسبوع الجاي
      نص الي مع فراس بصوتوا حسن بالصناديق

    42. اي تغيير بدكم .. ليش مالها البلد ارجعو لا ورا خمس سنين وشوفو شو عمل عمي حسن كثثير اشياء تغيرت .. وفي اشياء كثيره رح يكملها ان شاء الله ..
      وبإذن الله تعالى عمي حسن رح يوخذها .. واحنا معك ومنستدعيلك .. وبتوفيق يا رب

    43. كل الاحترام للرئيس الحالي والقادم
      بأذن الله حسن عثامنه على مباركته لفراس بدحي
      هذا يثبت كم هو نبيل ومحترم مع ان فراس بدحي
      لم يبارك له
      حسن عثامنه عمل الكثير لكفر قرع والقاصي والداني
      يشهد على ذلك لا لزوم للتلويح بالوظائف
      ارجعو للوراء كي تعرفوا ماذا فعل الرؤساء
      في فترة رئاستهم !!!!

      حسن عثامنه خلق ليكون رئيسا ‘

    44. لازم دم جديد بالمجلس ،فراس ،التغيير التجدد،المجالات الرءيسيه،حسن فشل فيها مع انه حاول ،بس طريقته واسلوبه ما ساعدوه،البلد بدها تغييره مع انه مكرس طاقات المجلس وخدماته لانتخابه كمان مره وهذا الشي غير دمقراطي وغير صادق ،مع باقي المرشحين ،والكل فاهم هذا الشي،يعني العنصريين الحماييل ابدو ظبو العده،وشكرا للبقجه

    45. الي بوظفني بصوطلوا
      وهاي المره الي بدوا اياني يجيني
      مثل ما كل سنه بجيلكم
      شو يدريكم يمكن الي وظفهن حسن على اعصابهن
      اااخ بس يا زمن
      فعلا الي قريب عالصحن بوكل
      بتمنى من موقع بقجه النشر وعدم الحذف

      1. بدك تتوظفي!!!؟؟؟ بتكتبي “بصوطوا” وبدك تتوظفي!!!! يا ربي بأي قسم هاي حابه تتوظف!!! ليكون جريئة لدرجة بتطلب مركزة لغة عربية بالمدرسة!!!؟ بس يا رب اذا توظفت تكون ب (ج) مشان المديرة .. تفهمها الفرق بين صوطوا وصوتوا ههههههههههههه

    46. والله رئيسكم الحالي كثير مليح انا الي قرايب بكفرقرع وكل فنره وفتره بفوت على كفرقرع وبشوف تطورات بالشوارع جد كل الاحترام ودير بالكم على رئيسكم كثير ممتاز وبالنجاح

      1. شو هاي يعني ندير بالنا عليه!!!!شو هي حضانه؟اذا بدك اياه خذه،مبروك عليك،شكلك من البلد ومن قرايبه بتعمل دعايه،لفتك ما لفتك

        1. هههه كل المثلث بيعرفو مين حسن ومين فراس لو ما عمل اشي فية البلد الكل بكون شايف صغير كبير بيحبو حسن احنا مفتحين راح الجهل يلي قبل كان بدنا مصلحة البلد بس حسن يلي عمل وان شاء الله بكل عملو

    47. مهما عملنا وسوينا حسن عثامنه بضل عل راس من فوق انشاله انتي بتضلك عل عين وراص والمنصب تاعك يضل
      احلى عمي حسن بالعالم
      انتي الي رح توخذها باذن الله
      ياااااا رب
      يااااارب
      احنا معك
      واحنا بندعيلك
      بضلش الى الاصوات ❤☺

    48. لغير معروف
      لا تخاف علي يا بعدي
      وليه لا ممكن اسير مركزة لغه عربيه ومش بس بمدرسه ج ممكن بكل المدارس
      انتي شكلك مش عايش بالدنيا
      تعال شوف كيف بصلحن لمعلمات ومع ملاحظات جميله
      وبكون الحل كلوا غلط
      بدل ما اتعلقلك على شي غلطه املاءيه بسيطه
      روح عيش وشوف المتوظفات يا بعدي
      بتمنى النشر وعدم الحذف

      1. تسلمي أختي وبنت بلدي…إملائية مش املاءية وفش حاجة أشوف اذا مثل ما بتقولي معناها بدايتهن كانت هيك…بالتوفيق للجميع

      2. أسير!!!!!!! وانتي!!!!!…. يا اخت أصير مش أسير الأسير هو السجين..وانتِ مش انتي… انا مش قادر افهم وين العالم تعلم!!؟؟؟ ولمصيبة بأعناقنا اجيال كان من خلال التعليم بالمدارس او التعليم بالبيت كأمهات…لا حول ولا قوة الا بالله…الصراحة “رد غير معروف” بمحله

    49. نحنا ولا بلدة وحدة ولازم نعطي فرصة لفراس انا مابنكر انوا حسن عمل اشياء للبد واشياء كثير بس لازم نعطي فرصة لفراس جربنا حسن صار دور فراس خلينا نشوف شو بدوا يسوي للبد

    50. اي تغييييير بدكم مش فاهمه ليش مالها البلد
      وحسن غير كثيير اشياء في البلد وارجعو لا ورا كيف كانت البلد وكيف اليوم . . وبعدين ما شاء الله بلدنا احلى بلد ولبلدان الي حولينا بطلعو كيف ما شاء الله على شوارعها ونظافتها احلى بلد بجنن
      وانا بتمنى انو حسن يوخذها يااااا رب

      1. كيف كانت؟ وكيف اليوم؟!!
        لم يتغير شيء على البلد منذ سنين . اللي كان قبل حسن ضل بعد حسن . ما اختلفت البلد كتير منةايم زهير ونزيه وغيره.
        وللأسف بلدنا مش احلى بلد في كتير احلى منها. مثلا مدخل عرعره احلى بكتير من مدخلنا. حيفا احسن بكتير بالنظام الموجود فيها …….والخ..
        الرئيس القادم كمان راح يعمل نفس الشيء وما راح يكون تغيير جذري للاسف.
        كفر قرع بلد مليانه متعلمين بنضحكش علينا بكلمتين بدون حقائق

    51. ياعمي حرام حسن ميوخذهاش كثير زبط وطور بالبلد وانشاء الله بس حسن هو الرئيس

    52. انا معك حسن مش لازم بتغير بالعكس لازم يكمل الي بداه وعمل اشياء كثيرة
      وفش حاجة نرد نجرب حدا يا بزبط يا لع
      خلص حسن روعه
      ان شاء الله حسن امين يا رب

    53. ان شاء الله حسن الرئيس القادم لاني شايفه بلد مثقفه فهماني ….مستحيل تخذل حسن.لانه اعطى واعطى من ناحية شوارع تعليم ثقافه مؤسسات مقصرش بالبلد…..صح صارت جوله ثانيه بس هااااد خير لحسن لانه ربناااا بدو يورجي كل النااااس قديش.محبوب وان شاء الله الجوله الثانيه بتشوفوا النتائج اللي رايحه تصدم الجميع وانا بحترم كل الاراء بس بتمنى كل واحد يحترم غيره محدا يتعدا عحدا بالاخير المواطن اللي بقرر واحنا الحمدلله بلد المثقفين وفهمكم كفايه

      1. لا تعييش حاللك باوهام ،التغيير قادم باذن الله ،وبفارق كبير ،نصر من الله واضح

    54. العرب لا يحصل لهم الملك إلا بصبغة دينية من نبوة أو ولاية أو اثر عظيم من الدين على الجملة ,
      والسبب في ذلك أنهم لخلق التوحش الذي فيهم أصعب الأمم انقيادا بعضهم لبعض للغلظة والأنفة وبعد الهمة والمنافسة في الرئاسة فقلما تجتمع أهواؤهم فإذا كان الدين بالنبوة أو الولاية كان الوازع لهم من أنفسهم وذهب خلق الكبر والمنافسة منهم فسهل انقيادهم واجتماعهم.
      فهم متنافسون في الرئاسة وقل أن يسلم احد منهم الأمر لغيره ولو كان أباه أو أخاه أو كبير عشيرته إلا في الأقل وعلى كره من اجل الحياء ، فيتعدد الحكام منهم والأمراء وتختلف الأيدي على الرعية في الجباية والأحكام .. فيفسد العمران وينقض .
      العربي يسعى إلى الزعامة ويتوق إليها، ويعتبرها تشريفاً له لا تكليفاً، وقد يشكل الزعيم في الدول العربية عبئاً ثقيلاً على الدولة بمتطلباته واحتياجاته، كما أنّ جميع من في الدولة يخضعون له دون محاكمة أو مسائلة لطريقته في الحكم.

      1. كلامك تناقضات اخي،اما انا فوءمن بالمسلم والعربي،هو مبدع وحر ومتفهم اذا تخلص من الاستبداد من السيسي والاحتلال والاستبداد ،وكله بدعم الغرب ،بسم الله الرحمان الرحيم ،لا يغرنك تقلب الذين كفروا في البلاد ،متاع قليل ثم مواهم النار،صدق الله العظيم،ولا يغرنك استبداد واستعمار الغرب ،كل هذا بسبب تفرقنا،وفي الماضي كانو متفرقين ووضعهم اسوء،قال عمر ،اعزنا الله بالاسلام.
        اما انا فاحب شعبي وديني واخلاق الاسلام وادعو لها واحبها لكل بشر لانقذهم من حفر جهنم وبءس المعاد

        ولكن هناك الملحدين والمتكبرين، حينما قال نوح لابنه،بما معنا ، بسم الله الرحمان الرحيم،يا بني اركب معنا،قال ساوي إلى جبل يعصمني من الماء!!!

        1. يا أخ عبد القدوس هاي كلمات العالم الفيلسوف ابن خلدون . وهو عربي مسلم. وليس لك الحق اوالمعرفه بانتقاد كلماته.
          ولكن انتقاداتك نابعه من تعصبك للدين وعنصريتك وعدم تقبلك للآخر الذي من غير ملتك.
          المسلم العربي متأخر جدا عن العالم الغربي ومن أجل ذلك هو ضعيف ويتحكم به القوي الذي هو الغرب، هذه سنة الحياة.
          وليس لك الحق بأن تكفر الناس بل هناك رب يحاسب الناس على ما تعمل.
          بصراحه انتي واشكالك شوهتوا الدين وبتنشروا الفساد والإرهاب . اتقوا الله وبلاش غرور وتكبر.
          سلاحنا العلم والتقدم والتسامي بالاخلاق الرفيعه

          1. ابن خلدون لا هو اله ولا ابن اله،ومن حق كل ادمي انتقاده ولو ولد صغير ،وهو يخطئ ويصيب وهنا لا اتفق معه وتقول انه مسلم من جهه ومن جهه تقول انه المسلم متاخر ،بدك تقرر،في عندك تناقضات،بعدين في ناس لا تومن بالاسلام ،اليوم وفي زمن الرسول وتكفر ولا تقبل الدين ،فلهم دينهم ولي دين ،وحسابهم عجنبهم اليوم او بالاخره،بعدين بعرف ناس متدينه وعرب ومسلمين ومتقدمه اكثر من الغرب المنحل حتى النخاع وبناتهم بغييرو اصدقاء كل اسبوع.. اللي مكيفين عليه..وين المشكله؟؟ ما بدي اصير زيهم،عفوا

            1. إِنَّ الْإِنْسَانَ خُلِقَ هَلُوعاً إِذَا مَسَّهُ الشَّرُّ جَزُوعاً وَإِذَا مَسَّهُ الْخَيْرُ مَنُوعاً

              1. كل واحد من حقه ينتقد،فش حدا عراسه ريشه،واللي بقول عن حاله بعرف معناه ،هو بعرفش،لانه العلم ملوش حدود ،وفي كثير حالات التلميذ صلح المعلم،وابن خلدون هو فليسوف وعالم اجتماع وكثير فلاسفه عارضوه ،احنا عنا غرور زياده،وكل واحد عنده غرور لازم ينزاح عشان يتريح شويه،ولازم تغيير ببالبلد

                1. لو اردت التغيير. ابدأ في نفسك يا اخي الكريم .
                  طريقتك في الكتابه لا تدل على مدى تعليقك.
                  ادرس واقرأ الكثير. واذا كان هنا مغرور فهو انت. غرورك بجهلك كارثه بحد ذاتها

    55. بالنسبه لغير معروف
      شكلك لا شغله ولا عمله خيا بس للإنتقاضات
      انا واثقه من حالي مليون في الميه وما بهمني رأي شخص مثلك قاعد بس للإنتقاضات وللمراقبات
      ارجو من موقع بقجه عدم الحذف
      ملاحظه لا تنسى يا بعدي ما اتلاقيلي غلطه بالكلمات

      1. انتقادات مش انتقاضات …وشكرا جزيلا على كلامك..لا تعليق(عليه) طبعا..

        1. ما انتي علقت!
          كيف بتقول لا تعليق عليه.
          فكر شوي باللي بتكتبو، يعني فحوى ومضمون ومنطق مش بس الأغلاط الإملائية .
          تعرف ايه عن المنطق

    56. محدا بقدر ينكر انه اللي عمله حسن عثامنه منعملش في تاريخ كفر قرع.
      والدين والاخلاق والشخصيه اللي عند حسن ولا حده بجيبها
      الله معك يا حسن .
      لو اجمع كل العالم انهم يزيحوك ما استطاعوا لما ربنا معك. توكل على الله
      واذ تنصروا الله ينصركم ويثبت اقدامكم . وانتي ناصرته وسينصرنك باذن الله

      1. شو انت بتحلم وبتحكي هبل ،وعايش بالاساطير ،مدخل البلد مسكر ولا ما عندك خبر،ولا مره شفتو نزل ،ولا في كهربا وشارعنا محفر ،بدنا افعال مش حكي ،بدنا نغييره،نرجو من بقجه اظهار الراي الاخر

    57. ما في شي جكارة وابتزاز ولا رشوة هاد كلو بيجي من رب العالمين والي كاتبو ربنا بيصير

      1. دعك يا أخي من فلسفة القضاء والقدر المطلقة! نحن ندلي بأصواتنا وتباعا لذالك يفوز مرشح ما دون غيره. الإنسان مخير في الكثير من الأمور كما هو مسير في بعضها. كلامك ينم على إستسلام بحت لمسلمات دون الخوض فيها. لا تكن واحدا من الضائعين بين أسراب القطيع التي تظن أن مصيرها هو الذبح في أقرب عيد، لو كانت الخراف فطنة بالقدر الكافي لغيرت مسارها .. ولاذت بالنجاة!!

    58. فراس ولا حسن زي بتتخرفوا عن برشلونه وريال مدريد العالم طلع القمر واحنا بنتجادل مين يكون الرئيس. اثنين من اهل البلد الله يوفقهم ويولينا الصالح.

    59. يا أهالي كفرقرع – لا داعي لاستعمال الانتخابات للمشاحنات والضغينه- استعملوها لتقريب القلوب بين أبناء البلد الواحد – ومبروك للرئيس الذي ينتخب من قبل أهل البلد .

    60. بغض النظر صوتي مع مين بس في كلمة حق لازم تنقال انه نتيجة الجولة الاولى بتقول نجاح حسن حتى لو خسر الجولة الثانية(لا سمح الله لاني بفاولش على حدا) النسبة التي حصل عليها حسن بالجولة الاولى ومع الكم من المرشحين بتقول انه فاز وإذا الجولة الثانية فاز فراس لا يعني ذلك خسارة حسن على العكس.. وللأسف الشديد الائتلاف هدفه واحد والأمر واضح هو إفشال حسن لا غير لأسباب عديدة مصدرها يمكن وعلى الأغلب غيرة او مصالح شخصية.. على كل الف مبروك للفائز لانه كلنا أبناء بلد

      1. حسب كتابتك انتي مع حسن.
        والفائز الوحيد هو بلدة كفرقرع ، اذا فازت.
        اما المنتخب فهو خادم للبلد وليس بالمعنى السلبي بل الإيجابي. خدمة البلد والمواطنين والسهر على راحتهم.
        لما نبطل نطلع على رئاسة المجلس وكأنها مخترة ومملكه بلدنا اكيد رايحه تفوز .
        حسن أو فراس مش مهم

        1. شكري الكبير لك على الرد لانه قمة بالاحترام والله وبصدق ويا رب الجميع يتقبل الغير هيك…وهاي النقطة يا ريت تكون امام أعين الجميع انه كفرقرع الهدف كفرقرع بلدنا كلنا بس الائتلاف بيّن غير هيك(هاذ قصدي) لانه التغيير لو بدنا إياه بنوخذوش كحجة مشان هدفها اخر وهم هدفهم فقط إفشال حسن بس كلمة حق انه هدفهم فاشل لانه لو خسر هو الفائز..بس بحق المباركة للفائز مين ما كان وان شاء الله خير للجميع

    61. حسن عثامنه يستحق الرئاسه
      عمل الكثير وسيكمل المشوار بأذن الله
      القاصي والداني يعرف من هو حسن عثامنه
      احترم بلدي واهل بلدي
      مع حسن عثامنه سنكمل المشوار

    62. يا حسن يا تاج الراس محبتك مزروعة بقلوب الناس ان اخذت الرئاسة وان ما اخذتها بتظلك انت الرئيس والاساس احلى حسن

    اترك تعليقاً

    لن يتم نشر عنوان بريدك الإلكتروني.