المصادقة على إيداع الخارطة الهيكلية لكفرقرع | بقجة
  • لإرسال مواد لموقع بقجة على البريد الإلكتروني: [email protected]

    المصادقة على إيداع الخارطة الهيكلية لكفرقرع

    بعد جلسة مهنية تعدت الاربع ساعات استمع من خلالها أعضاء لجنة التخطيط والبناء اللوائية حيفا لشرح واف وكاف من قبل رئيس مجلس محلي كفرقرع المحامي حسن محمد عثامنة , وطاقم المجلس وكذلك من طاقم المهنيين والمختصين والمسؤولين حول تفاصيل الخارطة الهيكلية لقرية كفرقرع ، وبحضور متصرف لواء حيفا بوزارة الداخلية السيد فايز حنا ورئيس لجنة التخطيط والبناء اللوائية حيفا السيد ايتمار بن داڤيد، صادقت لجنة التخطيط والبناء اللوائية حيفا وفِي بشرى تاريخية لقرية كفرقرع على ايداع الخارطة الهيكلية التي قدمها المجلس المحلي للجنة بغية دراستها والمصادقة على ايداعها.

    المحامي حسن محمد عثامنة رئيس مجلس محلي كفرقرع اعرب عن سعادته وفرحته لهذا القرار التاريخي الذي سيجلب الخير لقرية كفرقرع في جميع مجالات ونواحي الحياة ، وقال عثامنة : هذا يوم عيد لقرية كفرقرع سيشهد له التاريخ ، هذا اليوم سيكون نقطة تحول تاريخي لقرية كفرقرع بعد المصادقة على ايداع الخارطة الهيكلية والتي ستكون رافعة داعمة لتطوير قرية كفرقرع وتحسين الخدمات للمواطنين.

    رئيس المجلس المحلي قدم شكره لجميع أعضاء لجنة التنظيم اللوائية والموظفين على رأسهم رئيس لجنة التخطيط والبناء اللوائية السيد ايتمار بن داڤيد وشكر خاص لمتصرف لواء حيفا في وزارة الداخلية السيد فايز حنا والسيد بشارة عبساوي وجميع افراد طاقم اللواء ولمهندسة اللواء السيدة ليئات بيلد ولمهندسة لجنة التنظيم والبناء وادي عارة الدكتورة عنايا بنا جريس ولرئيس واعضاء وموظفي لجنة وادي عارة على جهودهم المباركة بالمصادقة على ايداع الخارطة الهيكلية لكفرقرع.

    كما وقدم عثامنة جزيل شكره لطاقم المجلس المحلي ومهندسة المجلس السيدة ايناس فاهوم خورشيد ولجميع موظفات وموظفي المجلس وللسيدة بيندا فنادقة محاسبة المجلس وشكر خاص للسيد وسيم قاسم الذي رافق اعداد الخارطة منذ الخطوات الاولى.
    من المتحدث بإسم مجلس كفرقرع

    لإرسال مواد لموقع بقجة على البريد الإلكتروني: [email protected]

    التعليقات

    1. اخ عبد ..لحد ما اجى الشخص الي يعمل اشي لهالبلد ..محدا قبله اخذ الموضوع بجديه..قولوا الحمد لله على كل حال…وحاولوا شوي احككوا كلمه منيحه بحق هالشخص!!!

      1. لمعلوماتك كل الروسا عملو وكمان هذا الرئيس بقا قبل،،،،ها ولا نسيت… بتقدرش تقول معملوش وهوعمل،لانه بقا من اللي قبل ..زي ما قلت ،فلا تناقض حالك،اللي صار ..تغيرت الظروف، وكمان عرعره وباقه سبقونا بالخرايط، لأنه في قرار وزاري برتبة القرئ العربيه،لانها فقعت البلاد،وصار اشي متخلف.. ،بدناش نعمل زي لما فوتو الباصات عالبلد بقرار وزاري!! ،وصارو القرايب يهتفو, والريس ساكت مكيف،يعني الحق يقال،اللي الك واللي عليك،والحق لا يعلي عليه،والبقجه منبر للجميع

      2. اللي قبله؟مهو بقا قبل !!!يعني بقا قبل وما عمل قصدك ؟؟ بتفوت بتناقضات ،مش زابطه معك!!

    2. كل الاحترام ابو محمد

      وضعت اهم مشكله للبلد في سلم اولوياتك
      ونجحت بحلها والتقدم ببلدنا الى عهد جديد وتاريخي

      شكرا والى الامام دائما

    3. اجمل واحلى خبر لبلدنا العزيزه ارجو من الله عز وجل ان يكون الخبر حقيقي وليس دعايه لانه اهل بلدي الي صبرو سنين طويله ولا يملكون غير الدعاء ان تنحل مشكلتهم دون فرق بين شخص واخر واتمنى ان يعم كل الخير لبلدنا

    4. اللي بفهمه انه الخارطة بعدها مش مصادق عليها وانما وافقوا انهم يحطوها بالجارور
      وينتا بطلعوها وبصادقوا عليها بدنا كمان عشرين سنه

    5. عنجد كل الاحترام والتقدير مع كل الاحترام والتقدير لجميع ابناء بلدي الاعزاء ..الانتخابات عطريق مثل هاذا الرجل حسن عثامنه ابو محمد ما في …قلال وبجوز كثار الي بحكوا علي فوقو وتحتو الخ….بس يا هل ترى الي مرشحين انفسهم…خوف الله الخلفاء الراشدين يعني …بس بامانه وصدق الرجل هيبه وبرفع الراس وعلقليله بشتغل وبعرف شو بساوي …اخطاء اكيد في ولكن “جل من لا يخطئ”.مش دعايه انتخابيه لا والله والرجل مش من عيلتي بس اخي واختي الناخبه حكموا ضمائركم وبس .والله المستعان….الله يوفقك يا ابو محمد…والله المستعان..ارجو النشر….

    6. السلام عليكم ورحمة الله وبركاته
      ألف مبروك لاهل كفر قرع أجمعين
      الحق يقال هذا الرئيس يعمل بكد وبدون ملل من اجل مصلحة هذه البلد يسهر الليالي ولا يتعب وكل همه انه يخطط للبلد بالمنظار البعيد ولا يرى الرئاسة عن طريق الفيس بوك والقهاوي
      بارك الله فيه وادامه رئيسا لهذا البلد
      من يعرف أبا محمد حق المعرفة يقول انه يجب ان يكون رئيسا لفترة اخرى حتى يتسنى له نقل البلد نقلة نوعية إلى الامام
      هذا الرجل الذي حمل عبء اهل القرية ويسهر على تقدم البلد بالتخطيط البعيد المدى والنظرة الصحيحة لما هو مصلحة لاهل البلد
      واجمل جملة قالها
      أنه يعمل ولا يخاف الناس بل يخاف الله لانه يؤمن برب العالمين وعنده حق اليقين انه يعمل بجد وأمانة
      بوركت يا ابا محمد وادامك الله لنا رئيسا بإذن الله

    7. شو يعني هاي هيبه،وخلفاء الراشدين،والله مليحه،نسيت تقول أولياء الله الصالحين

    8. الحمد لله على التوفيق والنجاح رئيس المجلس المحلي السيد حسن محمد عثامنه المحترم والى الامام

    9. شكلك قابض, كان كتبتلت كمان كلمتين ,بتقبض اكثر, يا جماعه هسا استقبلوها للخارطه, تا يدرسوها ويشوفوها بعدها بقررو يقبلوها ولا لع,خذلك كم سنه ملاح.

    10. أبو محمد يا جبل . تنحني الاشجار لك وتنطق الأحجار باسمك لتشهد على ما قدمت للبلد .. بكل صدق .. بكل أمانة .. خدمت الصغير والكبير .. الجميع احبك .. مسيرة ذكرتني بمسيرة الزعيم التركي أردوغان.. زعيم طول عمرك زعيم ابو محمد … كفرقرع دار العز واحنا رجالها

      1. تنطق الاحجار!!وتنحني الأشجار،لوين بدك توصلنا،بدك تطلعنا من الإسلام كمان شوي اللي حارب هاي الاشياء،لو سمحت يعني

    11. تتسرعوش بدري على الزغاريد هذه الخارطه شموليه لا يمكن اصدار رخص بناء عليها ويجب تقديم خوارط مفصله لكل منطقه وبعد ان يصادق على الخارطه المفصله يكون باستطاعتكم اخذ رخص وكهرباء
      ممكن ولي عهد حسن يخلص الخوارط المفصله خلي عنكم امل

    12. اهل بلدي طلعوا على الغرب كيف بعطوا رئسائهم مرتين وثﻻث ميشان يعملوا شي اتعلموا اعطوا الفرصه عشان يكون عنا شي بﻻش تعصب وتخلف

      1. الغرب بعطي رؤساءهم مرتين ثلاث لانهم انجزوا واثبتوا حالهم فلذلك الشعب بدعمهم كمان مره عشان يكملو بالانجاز.

        1. الغرب وامريكا بعطو مرتين ،وبعدين بقولولو تريح ،عشان بعد مرتين ،بتطلع برأسه أنه مخلص البشريه وعبقرية زمانه،بقلولو خلي واحد جديد،ولو انه الذهبي

    13. احسن رئيس ،سدد الله خطاه
      والله زمان بنستنى بهالخبر
      هيك رئيس لازم الكل يحترمو ويقدر اللي
      بعملو

    14. يا ريت لو تقراوا مزبوط….الموافقه على ((ايداع))
      يعني وافقوا يحطوها عندهم وما صادقوا عليها
      بكفي استخفاف بعقول الناس!!!
      والسؤال سبحان الله ليش بالذات هسا

    15. الايداع تاتي بعد المصادقه من التنظيم
      على كل حال بعض الناس ياسانه ومحبطه من التاريخ الي مر عليها بطلت اتصدق اشي
      لدرجه صارت اتصدق بس الاشياء السيأه اما المليحه للبلد صارت تتمعن بالكتابه واتفسر سلبيا على كيفها
      الكلمه المليحه طالعه والعاطله طالعه خلي عندك شويت امل وقول ان شاء الله ربنا بجيب كل خير
      وكل احترام للي مشى واشتغل على هيك مشروع بطور وبقدم البلد لقدام
      وان شاء الله بقدر وبقوي كل انسان بشتغل لمصلحه البلد اجمع بالمساواه
      ومبروك لكفرقرع بالانجاز

    16. السلام عليكم بدنا حدا يفهمنا النزازي في الخارطه ولا لع ويعني في كهربه ولا.

      1. لع فش كهرباء …عشان توخذ كهربا بدك تدفع اقل اشي 70000 الف شيكل هههههه لل 2020 احتمال يشتغلو على الخارطه التفصيليه …يعني النزازه تابعه لمنطقه تنظيم اقليم منشه وليس عاره ….وخصوصا الخارطه الهيكليه كليه …يعني ربنا معاك …..

    17. يا مواطنين كفر قرع
      مكتوب(ايداع) الخارطة
      يعني مش مصادق عليها نهاءي من دوله
      استنو قرن 😅

    18. يعني بالاول وبالاخر انو كان السبب بمشكلة الكهربا مش احنا … احنا الا ظلمنا حالنا

    19. شكرا للوزاره انو أعطت قرار وميزانية خاصه لتقديم الهيكلية،وبعد معارضه الروساء السابقين ومنهم الحالي للجنه اللواءيه،ان لا يكون مصادرات أربعين بالميه من أراضي الناس،نتوقع من الريس الحالي ،ذكر هذه المعطيات ،وعدم محاوله حصد نتاج الظروف أعلاه ،مع انه هناك دافع قوي عنده لغير ذلك لأنه…سنه انتخابات!!

    20. يا استاذ جابر القصد انو اذا اتبدل الرئيس الحالي الي بدو يستلم الرئاسه محلو بدو يكون من الخلفاء الراشدين يحكم كما امر الله وبنسوا الحياة الدنيا واطماعها…مهمي عينك بناظر هلموا باصواتكم ولما ينجح ويصيررئيس حدث ولا حرج…..والرجل هيبه فهمان مثقف وحسب قول ولاد جيلوا عبقري اللهم لا حسد ..عكلا الله يجيب الي في الخير لهلبلد وتبقا كفرقرع زهرة البلاد بناسها الطيبين ومثقفيها الي برفعوا الراس ….امين امين

      1. يحملونها جميله أنهم بشتغلو،وهم بوخدو معاش وتسيلاااات،طيب ليه انا لما اشتغل بحملش الناس جميله؟؟!!

    21. للمتفصحنين: هل تعلموا انه لحد الان في حارات بكفرقرع لا يوجد فيها صرف صحي, هل تعلم بانه لحد الان لا يوجد بها تصريف لمياه الامطار, هل تعلم انه لا يوجد بها ارصفه, هل تعلم انه لا يوجد بها خط باص , هل تعلم انه فقط يحصلون على خدمه لم النفايات, يدفعون الارنوننا فقط للم النفايات, عن أي تقدم تتحدثون, لماذا عل مر فتره جميع الرؤساء لم يعطى اهتمام لهذه الحارات, اليست من كفرقرع,ان الأوان ان يعرف كل مرشح بان الناس ليست غافله, لقد حصلت هذه الحارات على ميزانيات تطوير من قبل الوزارات المختلفه وتم استغلال هذه الأموال لمشاريع ثانويه غير حيويه لارضاء الائتلاف , نطالب المرشحين واعضاء المجلس بكشف الموضوع على حقيقته, كلكم مسؤولون امام الله, حسبي الله ونعم الوكيل.

    22. صحيح ابو محمود مثل حارة القطاين غير سيارة النفايات فش اشي والكل بدفع ارنونا بهالحاره

    أضف تعليقاً

    لن يتم نشر عنوان بريدك الإلكتروني.