هل تعاني إبنتي من التوحد؟

قرأت موضوع عن التوحد
وشاكة بانو يمكن بنتي عندها شي من أعراضه
انا كتير خايفة عليها وكنت دايما قول لزوجي البنت فيها شي مو طبيعي
وكان يطمني عليها ويقلي هاد كله من وضعنا الغير اجتماعي بحكم الغربة وقلة المعارف وقلة اختلاطنا با الناس وانا من جواتي مو مسدقة وبعرف انها مو بخير حتى عندي أختها أصغر منها بسنتين كلامها وتصرفاتها ماشاءالله طبيعية واكبر من عمرها وكأنه هي الكبيرة مو أختها ،،،
بنتي الكبيرة عمرها 5 سنين ونص من هي وصغيرة تاخرت با النطق لل 3 سنين وعندها النطق غلط وترتيب الكلمات با المقلوب وما بتعرف تعبر عن اللي بدها ياه با المرة حتى أبوها ما بيفهم عليها ولما بكون عم حاكيها ما بتسمعني او ما بينهما تسمعني ولا بتعطيه اهمية للكلام وتصرفاتها طبيعية بتحب الناس وبتحب تلعب مع الأطفال كبار وصغار وما شالله عليها حنونة وضحوكة ودمها خفيف وبتعرف تعبر عن مشاعرها بحركات الوجه والجسم وبتحب كتير تكتب وترسم رسمها كتير حلو ماشا لله
المشكلة اني لما قرات الموضوع ما كان فيه ولا سبب صح يدعي للتوحد لا وراثي ولا اي شي تاني غير الغربة وفي سبب تاني لفت نظري انه الام بحملها بيكون ناقصها شي وانا لما جبت بنتي كان عمري 15 سنة ما بعرف اذا ها الشي اله علاقة با الموضوع
والمدرسة ها السنة ما قدرت سجلها بسبب ظروف مادية وانشاالله السنة الجاية رح سجلها
بدي تطمنوني عنها وهل في داعي اخدها للدكتور