مائدة رمضان اليومية..
تاريخ النشر: 01/08/11 | 7:57
إخواتي..صديقاتي..الصائمات..مع بداية رمضان تبدأ الأخوات والأمهات بتبادل الوصفات والقوائم الرمضانية لتركيب المائدة اليومية من وجبات فطور وحتى سحور رمضانية. ولكي يكون رمضاناً سهلاً لنا ولكم..وللجميع, ولتكون إختياراتنا للوجبات سهلة وبلا حيرة خصصنا هذه الزاوية لإقتراحاتكم معنا لتركيب مائدة رمضان اليومية.. كلكن مدعوات لتركيب القائمة اليومية لفطوركم اليومي..ولنتبادل عبر موقع بقجة الإقتراحات والوصفات..وكل عام وأنتن بألف خير. إقتراح أم السعيد, زيمر لتحضير مائدة إفطار اليوم الأول من رمضان: شوربة عدس مع الخضار, سلطه, مخلل, لبن رايب, مقلوبه مع الدجاج بالباذنجان أو حسب الرغبه. والتحلايه قطايف. صحتين وعافيه ورمضان كريم. السحور : مربى توت, منجرين, لبنه, تفاحه, كاس شاي. وسحور كله بركه ورمضان كريم.
هاي الزاوية احلى فكرة بتعملوها في رمضان…
مع اني معروفة بتحضير احلى طبخات , شاطرة ومعدلة
بس دايماً بتحيّر شو اطبخ!!
يلا هيك بنتبادل الاقتراحات
بس انا اليوم ما بدي اطبخ مقلوبة لانها بتحوي زيت قلي وهذا مش صحي باول يوم برمضان ..
رح اطبخ اليوم جاج وملوخية وسلطة بندورة بطحينة وشوربة خضرة والحلو كنافة ( من محلات الحلو بالبلد)
صحتين وطبيخ ريّح يا ستات
مقلوبة منيح بس لازم مع لبن فقعية او بازيلا ..شو رايكن؟؟
اه ممكن فريكة للشوربة وسلطة خس زاكية (عليها بقدونس ونعنع وكزبرة وورق بيبي )
صوما هنيئاً
صحتين وعافية بس يا اختي ست ام الطبايح ما بنفع الملوخية كوجبة رئيسية لحالها مع شوربة ما بتملي البطن بدك توكلي معاها شي كماجتين او اكثر وهيك ما في ريجيم بس نصاحة زيادة…اقلك خليها مع رز شو رايك؟
ممكن فريكة وسلطة خس زاكية وشوربة خضرة صحتين وعافيه ورمضان كريم.
اليوم كانت المائده مكونه من: شوربة عدس, كفته, معكرونه وسلطة خضار
اليوم ..كل البلد شوربة وجاج وملوخية
اليوم طبخنا مخشي كوسا ولبن ورز مع السلطات والمكابيس
متحيرة شو اطبخ بكرة
شو وجبة اليوم يا بقجة؟؟
امبارح طبخنا ملوخية وجاجة محشية وشو اليوم عندكم الطبخة؟ قولولنا عشان نقرر
لازم بدري نعرف عشان نحضر حالنا ونشري محتياجات الطبخة اذا ناقص اشي
انا مفكرة اليوم اعمل افخاذ محشية مع سلطات وبطاطا بيريه.
راح اشتري اليوم العصر من عند زطمة فخاذ كبار مش مسحبة لانه ازكى مع عظمتها وبفتحها عن جنب وبحشيها رز ونعنع وصنوبر وبرصها بصينية الفرن وبحط حواليها كل انواع الخضرة وبخلط خلطة من بهارات وصويا وزيت وكاس مي وبديرها على الفخاذ وبغطيها بورق قصدير وساعتين بالفرن 180 درجة واّه عنكتها.
كل واحد بصحنه فخذ ه وسلطة وبيريه ومخلل وصحتين
صحيح مية المية جاج وملوخية