هام…طالبة تستفسر عن المدرسة الأورثوذكسية في حيفا
تاريخ النشر: 10/02/11 | 16:45وصلتنا رسالة من صديقة الموقع ( الاسم محفوظ عند هيئة التحرير) تطلب مساعدة زوار الموقع وخاصة الطلاب الذين يتعلمون او تعلموا في الماضي في المدرسة الثانوية الاورثوذكسية في حيفا وهذا نصها:
“السلام عليكم, وأسعد الله أوقاتكم بكل خير, أنا طالبة في الصف الثامن, عندي رغبة في اكمال سنوات دراستي في المدرسة الاورثوذكسية في حيفا, لكن لدي بعض التخوفات . من هنا أتوجه من خلال موقعنا الطيب بقجة لكل الذين يدرسون في هذه المدرسة او درسوا في السابق لأسألهم عن رأيهم في تعليمها ومستواها, وهل تشجعوننا على التقدم لنكون بين طلابها؟؟؟
أرجو أن تأخذوا رسالتي على محمل الجد وتفيدوني بإجاباتكم, وشكرا جزيلا للجميع….”
الوحدة تفيد مدارس بلدها ولا تفيد مدارس ثانية
المزبوط انها مدرسة منيحة تعليميا بس فيه بعض النواقص او السلبيات:
السفر الطويل, المصاريف الباهظة, الابتعاد عن الصديقات واهم اشي العادات المختلفة كليا بيننا وبينهم..قيسيها وقرري
انا برايي كل المدارس منيحة المهم انه الطالب بدو يتعلم..بعدين ليش تروحي بعيد ؟؟عنا زي الارثوذكسية واحسن: الاهليات او القاسمي او يمة او حتى معاوية
مرحبا انا مثلي مثلك طالبه في الصف الثامن انا بصراحه فكرت بهاذ الموضوع برضو بس قررت اني اروح على مدرسة الاهليه – ام الفحم لاني بديش ابعد عن صاحباتي في مدرستي ولا عن معلميني ولا مديرتي بدي اضل في بلدي في مدرستي ابن سينا اعيش فيها بين كل طاقمها التدريسي الرائع والمتميز احسنلي وانا بعتقد انو في سلبيه لمدرسة حيفا غير الي ذكرتهن الاخت في تعليق 2 وهوي اختلاف الديانات لانو واحد مسلم الي مش وثقان بنفسه بتخرج من صف 12 وهو مشكل من كل الديانات فهذا حرام …. بتمنى انك فهمتي وجهة نظري وتستفيدي
انصحك بان تكملي تعليمك في مدرسة احمد عبد اللة يحيى كفر قرع لانها من المدارس الناجحة جدا جدا في المنطقة كلها وحتى في كل البلاد بلا ارثوذكسية بلا بطيخ فش احسن من كفر قرع في كل المجالات
اذا وجدت اهدافك في تلك المدرسة فلا تترددي
شكرا لنصائحكم….بس انا محتاره لأنو في كثير نصحوني بهاي المدرسة
لم يتبقى من هذه المدرسه غير الاسم ومليان عنصريه فيها بين اهل المدن والقرويه ولا انصحك ابدا ان تدرسي فيها
انا اتخرجت من الكلية الارثوذكسية… الي بقول انو في عنصرية غلطان كثير!! المدرسة الها سيئات انها بعيدة وهيك بس اليوم كل شيء بعيد قريب!! في باصات من الاحد للجمعة!! وبعملو لفة محترمة في البلد.. حسب رايي هذه مش مشكلة كثير…. بظل انو التعليم هناك بكلف اليوم اكثر من قبل!! اسألي السكرتيرية عن القسط والطلاب عن الاسعار!!
ايجابياتها.. بتتعرفي على ناس جدد المنيح والعاطل.. وكل واحد بعرف حالو مع مين يمشي و مع مين يحكي… في هناك كثير عادات احنا مشفنهاش عنا بالبلد بس بالمقابل انتِ بتتعرفي على ناس من ديانات ثانية ومختلفة وبسمعي اراء الغير الواحد بظليش مغلق بمربع !! بشوف الحياة…!! من ناحية تعليمية مظنش في عليها حكي!! لانها معروفة بمعلمينها واساليبها…. حسب رايي مش المهم الواحد يتلع في بجروت عالي!! لع ويطلع بتفكير مستوى عالي!! طموح عالية! معلومات عامة وثقافة بمستوى عالي..!! في تخصصات متعددة!!
من ناحية صداقة وين ما الواحد يروح بشوف صحاب…
جربي سنة الي هي صف تاسع… مش رايحة تخسري .. اذا بتحبيها وبتتقلميش مع الجو في مدارس بتستقبل بصف 10….
بالنجاح…
المدرسة بجنن واحنا كثير مبسوطين بيها ان شاء الله بنشوفك عنا السنة الجاي
حسب رايي انو الواحد لازم يفكر بمستقبلك كما قال الله ” العلم نور” طبعا القرار الك
شكرا كمان مره لنصائحكم…انا بفضل انو الطلاب اللي بدرسوا فيها يعطوني رأيهم لأنو همي مجربين الأشي …بس انا ما بمانع أراء ونصائح الأخرين….شكرا الكم
أنا بتعلم في الكلية.. وأنا أحسن قرار إتخذتو هوي إنو سجّلت للمدرسة.. مدرسة ممتازة، معلمين معظمهم ممتازين، طلاب روعة ولا أحسن منهم..
المدرسة غيرتني، قوتلي شخصيتي، ووسعتلي آفاقي..
ملانة فعاليات، وبتكيفي بتستفيدي وبتنجحي ..
بشد عليكي تيجي :)))
شكرا للطالب رقم 13 ….انا انخذت قراري وهوي اني اعمل الامتحان وأدعولي بالنجاح 😀
بدون شك مستواها عالي جدا وهي مناسبة للناس الجديين الذين يرغبون بالتعليم.
حلو أيضا انه الوحاد يتعرف على ناس جدد وثقافات وديانات جديدة بدلا من أن يبقى قابع في بلده.
بخصوص السفر اليومي هي قضية تعويد بس.
تعلم في بلدك وتوكل على الله
حرام عليكم يلي بتحكو عنها مش منيح انا تعلمت هناك خلصت قبل 4 سنين وحت بعدني بحكي مع المعلمين والمدير حتى والي بقول انو فيها عنصرية فش فيها بالمرة وبالنجاح
احلى مدرسة بالعالم تعليم بجنن وبرفع الراس
مدرسة عنصرية اولا للديانات وثانيا للقرى والمدن
التعليم بطل زي قبل سنين كل ما بالها بتتراجع
وبعدين السفر بتعب
الله يرحمكم يا عرب حتى التعليم اصبح عنصري هذا انا وهاذا انت والدنيا مقامات
الصراحة انا بدي انصحك لاني مجرب انا بكيت زيك بالاول بس بالاخر مرديتش على حدا وانا اتعلمت بثانوية كفر قرع الصراحة ثانوية ولافي احلى منها بكفي معلمين ومدير بلدك بدهم مصلحتك بسمعولك اذا بدك نصيحتني اتعلمي التاسع بابن سينا بعدين روحي على ثانوية كفر قرع اسال مجرب ولا تسال طبيب
تحية عطرة الى الطالبة وكل المعلقين الكرام.
كان لي الشرف ان اكون من الفوج الاول للخريجين في المدرسة الثانوية في
البلدة..اخوتي الذين يصغروني واولادي تخرجوا من ثانوية البلد.
المدرسة الثانوية في القرية صرح تعليمي كبير..منها تخرج الالاف من مواطني
القرية الذين تابعوا تعليمهم العالي.
انصح الطالبة …تعلمي في ثانوية كفرقرع.
في المرحلة الثانوية التعليم نفس الشئ عدا الاختلاف في التخصصات فاذا التخصص الذي تريدينه موجود في البلد لا يوجد اي سبب للخروج للتعلم خارج البلد. في ثانوية كفر قرع يوجد تقريبا كل التخصصات عدا البيوتكنلوجيا. الامان والاطمئنان والنظام في المدرسة متوفر ولم يبقى سوى المشاركة من قبل الاهل ودعمهم للطلاب من اجل نجاح المسيرة التعلميه في البلد وعودتها لسابق عهدها.اتمنى لك ولجميع الطلاب النجاح والتوفيق ان شاء الله
انا اشبهك في المشكلة لكنني محتارة كثيرا فانا ارى من وجهة نظري للمدرسة هذة سلبياتها اكثر من ايجابياتها..والقرار لك !!
مش مهم تعرفي مين الكتب بس ان نصيحتي اليك روحي اتعلمي في مدرسة ثانوية كفرقرع لانها هي افضل مدرسةفي النجاح
وبنسبة المدرسة الارثدوكسية انا سمعت عنها انها عنصرية وبعدين انتو بترحو على هاي المدرسة بس مشان اسمها ولا على حيفا ** وبلأخير بقول الافضل تتعلمي في مدرسة الثانوية في كفرقرع*********
باي وبشكر كلمة قرعاوي قح**
السلام عليكم… انا عندي نفس المشكلة عندي تخوفات لكنني في الاخر قررت ان اعمل الامتحان وادعولي النجاح !!!
انا بنصحك انو تتعلمي فيها لاني عم بتعلم فيها مستواها مدرسي عالي بعرفوش بفرقوا بين حدا وكل الي تخرجوا منها يا دكاتره يا مهندسين يا محميي
وانا بردو بالصف الثامن أنا من باقة الغربية وانا بردو حابب ادخل هاي المدرسة بس متحير
سلام
انا تخرجت ب 87 من مدرسه الروم سابعث ابتي للتعلم في الكليه لان مستوى المدرسه عالي جداا