مصرع علي عبد الغني من كفرقرع وإصابة أخيه بإطلاق نار

تاريخ النشر: 12/09/14 | 14:00

أطلق مجهولون عيارات نارية باتجاه شقيقين من كفرقرع كانوا بمركبة خصوصية بالحي الجنوبي الغربي من البلدة أسفر عن إصابة أحدهما بالعشرينات من عمره بجراح وصفت بالحرجة وإصابة شقيقه بالثلاثينات من عمره بجراح بالغة الخطورة حيث تقوم طواقم الإسعاف التي هرعت للمكان بتقديم الإسعاف لهما بالمكان.
وتسود بلدة  كفرقرع  والمجتمع العربي في البلاد حالة من التذمر والغضب الشديدين إثر إنتشار آفة العنف وإتساع دائرة الجريمة، حيث سقط أكثر من ستة أشخاص في منطقة المثلث، في جرائم إطلاق نار، خلال الأسابيع الاخيرة.
الشرطة تعلن مصرع الشاب
عممت الناطقة بلسان الشرطة لوبا السمري بياناً على وسائل الإعلام وصلت نسخة عنه لموقع بقجة جاء فيه ما يلي: “قبل حوالي ساعة وجيزه من ظهيره اليوم الجمعة ، بشرطة الساحل ، تم استلام اخطار حول اطلاق عيارات نارية بكفر قرع ، على ما يبدو من قبل مجهولو الهوية بمركبة عابره لاتجاه شخصين هناك ومما اسفر عن مصرع احدهما على الفور مع اصابة الاخر بجراح ، على ما يبدو ، بالغة تمت احالتة على اثرها من قبل طراقم الاسعافات الاولية للعلاج بالمستشفى بينما تواصل قوات معززه من ااشرطة التي هرعت لهناك باعمال البحث الواسعة وراء الضالعين مقابل الشروع باعمال الفحص التشخيص والتحقيق.
الشرطة : “ ضحية حادثة اطلاق النار  هو  علي حسام عبد الغني
واضافت الناطقة بلسان الشرطة للاعلام العربي لوبا السمري لموقع بقجة ” ان ضحية حادثة اطلاق النار هو الشاب علي حسام عبد الغني في العشرينات من عمره، فيما ان المصاب بجروح بالغة هو شقيقه وهو في الثلاثينات من العمر ” .
almrhomqara

IMG_9011

IMG_9015

IMG_9019

IMG_9024

IMG_9030

IMG_9032

IMG_9039

IMG_9051

IMG_9058

IMG_9061

IMG_9064

IMG_9068

IMG_9071

IMG_9074

IMG_9078

rtt (1)

rtt (2)

rtt (3)

rtt (4)
yyy (5)

yyy (4)

yyy (3)

yyy (2)

yyy (1)

‫71 تعليقات

  1. الله يرحمه ويشفي اخوه
    يعني لوينتا بدنا نظل ساكتين وشباب بعمر الورد قاعده بتموت قدامنا وعلى ايش؟ وليش؟ اصبح القتل هو الحل لكل المشاكل!! ليش؟ مين اعطاهم الرخصه ليقتلوا شبابنا؟ وبأي حق؟ ما في اشي بيستاهل القتل يا شباب اعقلوا خلص بكفي!! لازم توعوا للي بصير قدامكم القضيه اكبر مما بتفكروا !! الغرور والكبرياء خربكم وشوفوني يا ناس اعمتكم انتو جزء من العالم مش كل العالم!! الله يهديكم …

  2. نطالب رئيس المجلس الحالي بطرد كل الغرباء اي السكان الغير اصليين ….لانهم سبب العنف الموجود وسبب كل شيء مُضر في البلد….الله يلعن الي جابهم وسكنهم

    1. اي شو سكان أصليين وغرباء !! عيب عليكو ع أساس احنا شعب واحد ولا تفرقة بينا. انك ملّاك قطعة أرض ورثتها من جد جدك اللي مكنش ساكن أصلي قبل ال ٤٨ لا يعني انك تفرق عن ابن بلد مستأجر شقة جنبك. اطلعوا من هالفيلم ل
      المشكلة فينا قبل غيرنا . منتقد ومنتقبلش الغير . فش حرية شخصيّة ولا احترام.

      المشكلة انه العنف صار اشي عادي. ومصنّف أشكال وألوان وبكبر معنا.
      التربيّة بدها علاج احنا لازم نتعلم نحترم الاختلاف القائم بينا.

      ل.

  3. لا اله الا الله الله يرحموا ويجعل مثواه جنات الفردوس والله يشفي اخو شو الواحد بدو يقول بس حسبنا الله ونعم والوكيل الله ينتقم من الي عمل هل عمله هم السابقون ونحن الاحقون

  4. اللهم ارحم امواتنا المسلون جميعا وثبتهم عند السؤال
    فكم فوجعنا بموت من احببنا ومن عرفنا
    اناسا قد حسبنا انهم سيخلدون لنا والخلود لله سبحانه وتعالى
    حسبنا بان الموت بعيدا عنهم وبان ملاك الموت لن يقرب منهم قبل ان يقرب منا
    حسبنا ذلك ونسينا بان الموت حق وان كل نفس ذائقة للموت وبان نفس المؤمن ليست سوى امانة ستعود الى خالقها العظيم يوما
    استغفرك ربي ان اعترضت على قضائك
    ربي لاتحاسبني على اعتراض قد بذر مني بلحظة الفاجعة

  5. يناس وبعدين احنا مش بغابه يا عالم الحيوانات بتعملش بعظها هيج تاخذنيش عتعبير بس الاشي صار فوق طصور البشر احنا بشر في قانون اذا القانون معطاش الحك في قانون رباني يارب الطف بامه محمد يارب انا لله وانا اليه راجعون

  6. الله يرحمه ويجعلهم من الصابرين ،صاير القتل عند الناس عادي ؟ هاي قلة ايمان ودين

  7. حسبي الله ونعم الوكيل..يا رب كبير انتقم منهم الجهله..شبابنا جاهلين..كونوا عارفين انو الدم اللي نزل من علي دم زلام بس انتو رح ينزل منكم دم الخبث والجبن يا انذال.عند الله فش اشي بضل مجهول..وكلناكم لرب العباد.

  8. حسبي الله ونعم الوكيل، ربي ارحمنا برحمتك واغفر لنا فانت الرحيم الغفور… لا حول ولا قوة الا بك…

  9. قال صل الله علية وسلم لا تعودوا بعدي كفار يضرب بعضكم رقاب بعض الله يرحمه ويتقبلة برحمته ان شاء الله عز وجل ابننا الغالي علي

  10. انا لله وانا اليه راجعون
    الله يرحمو ويجعل مثواه الجنه يا رب
    حسبي الله ونعم الوكيل في ولاد الحرام اللي ما
    بخافو الله . الله يصبر امه واخواتو
    ويجعلك من سكان اهل الجنه يا رب

  11. الله يرحمو صدقوني ياجماعه القصه مش قصة غريب او قريب المشكلي انا كلنا مسلمين ومبنقتل بعض فش حده اصل وحده غريب

  12. الله يرحموا ويصبر اهلوا الله يكون بعونهم
    بس عنجد انو الناس بطلو يستحوا عحالهم يعني شب بعدو بأول عمرو شو بدهم في تا يقتلو وحيات الله صرت استحي اكول اني من كفرقرع ليش هيك صايره البلد بتخوف وبتكولو (كفرقرع عائله واحدة) اي كرف الي يكرفهااااا من بلد شو صارت بتخزي يعني القتل صار عندكووو متل شربة مي دممم الناس مش لعبةةة يااا عرب اصحوووو عحالكم شو بتعملو في حدا بقتل ابن بلدو … ابن بلدك لازم يبكاا مثل اخوك واكثر بس منينن ..! وين في حدااا بفهمل الشاطر الي بحمل سلاااح يعني تفوو عليكم من هيك شباب كيف صايرين عنجد لا حوله ولا قوة الا بالله العلي العظيم
    ولكم بلدناااا تقريبا بكت احسن بلد بالمثلث بس مين الي بشوه سمعتهااا الناس الي بتفهمش الي عايشه فيهاا والله الدنيا اخر وقت كل واحد يصون حالو ويراجع حالو كبل ما يعمل اشي زي هيك
    بس الله يهديكوووم

  13. يا جماعة الخير احنا مش بغابة يعني استحووو شوي
    الله يرحموا ويجعل مثواة الجنة

  14. الله يرحمو ا ويجعل مثواة الجنة . بس بقول الله يعين امه وابوة الي كبروا اولادهم بلحضه يرحوا منه بس الله يصبرهم . يا ناس صار الدم اشي عادي والقتل في كل مكان ليش العالم صار هيك مين انتي لتضع حد لحياة انسان مهما وصل الخلاف الى بينك وبينة اذا فش فانون يحمي حقق يوجد قانون الله شايف كل اشي انا مع الي قال على رئيس المجلس طرد كل الغرباء في البلد كل واحد عنده غرفتين صار بدو يعمل من وراهن مصاري ويسكن ناس لا نعرف فصلهم . انا في حاره كل الموجود فيها غرباء صرت احس اني في بلد ثانيه مش بكفرقرع الى كان يضرب فيها المثل زمان اه على هاي الايام .

  15. هاد اﻻمر مش ﻻزم ينسكت عليه. وحسب رايي ﻻزم ندور على حلول ﻻجتثاث مثل هذه الظاهرة نحن كأباء ومؤسسات ومجالس لنا الدور المهم غي الحد من هاي الظاهرة. كما أناشد اهلنا في كغرقرع لﻻحتشاد امام مركز الشرطة المتقاعس والتنديد بمثل هاي الظاهرة. وامساك الجناة وترييحنا منهم.

  16. المشكله مش قصه غرباء انا مثلا من كفرقرع المشكله انو أبعدنا عن الدين وعن معلمنا عليه الصلاه والسلام لانه احنا دمنا حامي اما خارج البلدان اليهود مثل الخنافس

  17. للي بسال ليش انقتل فش اي سبب بعطي اي انسان انو يقتل غيره ريحط حدة لعمر غيره هاي قمة السفاهة انو ينسأل هذا السؤال

  18. لازم كل ابو يراقب تصرفات ولادو بس الغلط منا احنا بنتساعدش مع البوليس مشان نحل مشاكلنا اكيد في ناس شافت السيارة او بتعرف بس محداش بقر

  19. الله يرحمهو ليش هيك بيصر والله احنا عرب مالكوم اصحوووو يا ناس ابتحرمونا من اغلي اناس علينا الله يصبر امهوم

  20. الله يرحمو ويشفي اخوه ويصبر اهلو .ان لله وان اليه لراجعون

  21. الله يرحمه ويسكنه فسيح جنانه انا مش من كفر قرع القرف الى بكفر قرع من اهل كفر قرع الطخ الى كان امبارح بكفر قرع
    من الغرباء بلاش نظل نرمي وسخنا على غيرنا كل واحد بعرف اصلو وفصلو وبكفي زت حكي

  22. معك حق قرف الناس يلي ب كفر قرع زاد الناس الغريبه ما بتعمل هيك حقاره ضبو حالكم بلاول بعدين بتحكو على غرب شوفوا ولادكم وبناتكم أحسن اشي بخزي

  23. ‏‎ ‎لا حول ولا قوه إلا بالله.زرف الرز 1 كيلوا ب 10 شيكل ..والبني آدم ب 7 شيكل..الله أكبر إتقوا الله يا أمه الإسلام.

  24. امبارح الطخ كان قوي بكفرقرع وذلك اثناء حناء عريس محدا مهتم بهاظ الخصوص الواحد صار يخاف يمشي بلشارع او يطلع خطوة لبرا الدار وتيجي عليه رصاصة طايشه بلهواء لوينتا هلوضع رح يستمر؟؟!! بطلنا نحس باامان ببلادنا والله حرام تقتل نفس يعني انت شو هدفك لما بتقتل؟ فش سلام؟ ويلا كل اشي صار بس بلقتل والعنف والطخ بتنحل المشكلة؟ والله الدنيا اخر وقت
    والطخ صار عادي بكل بلادنا شباب مثل الوردة عم بتروح رمي بلرصاص،هلقد ارواح الناس رخيصة؟!
    لا حول ولا قوة الا بالله الله يرحمه ويجعل مثواة الجنة يا رب ويصبر اهله

  25. اين الضمير …بشوية فلوس انباع ..والنتيجة ضياع…والقتل بدم بارد صار بلا إحساس …والمسلسل مستمر …والسؤال الى متى؟! كفى …الله أعطى وبس ربنا هو القادر على كل شيء بوخذ وديعته…اتقوا الله فخير زاد للخير والرضى التقوى

  26. الله يرحمه ويشفي اخوه ويصبر اهلوا وعزائي لجميع عائلة عبد الغني

  27. الله يرحمه ويحسن اليه ويكون مثواه الجنه ويصبر أهله الموت فش في شماته يا ناس
    الله الي بحاسب بلاش نعمل حالنا قضاه ونقول بستاهل ويستهلش بصل ابن بلدنا الله يهدي الجميع ويتعلم من غلط غيرنا

  28. يا شباب بلاش اظلو طايشين على شبر مي – القتل يا عمي ممنوع في الاسلام -اذا في لحدا حق عند حدا – في محاكم توخذ حقك فيها وفي ناس كبار يحلو المشاكل-مش كل واحد يوخذ القانون بيده -حرام عليكم – ابتعاد الشباب والناس عن الدين هو السبب – لانه الدين هو اخلاق وقيم – واذا ذهبت الاخلاق من الناس ذهبو وماتو -كل واحد فينا يربي اولاده على الصح مش يربيهم على الغلط-اصحو يا عرب -انتشار الجريمه يجب ايقافه فورا كل انسان يبدا في بيته -ولا النار في الاخر بتصل الجميع -لمعلوماتكم اليوم فقط قتلو في الوسط العربي 10 اشخاص بدم بارد وبالطخ والبلطجيه -ادعو الله ان يرحم موتانا – وتوبوا يا ناس الى الله قبل فوات الاوان .

  29. العربي بتشاطر عالعربي …إصحوا
    الله يرحمك علي …بعدني مش مستوعب انك دشرت صاحبك

  30. الله على الظااالم والله شغله بتقطع!!! بأي حق تسلب حياة؟؟؟ أي إنسانيه تسمح بفعل امر كهذا؟؟؟!!! أي ديييين؟؟؟؟ أي أخلاااق؟؟!!! حسبي الله ونعم الوكيييل حسبي الله ونعم الوكيل
    ربنا يرحمة ويغفر لة ويجعل قبرة روضة من رياض الجنة
    ربنا يرزقة بالفردوس الاعلى باذن الله هو وجميع موتا المسلمين
    اللهم اغفر للمسلمين والمسلمات الاحياء منهم والاموات ….

  31. الله يرحمة ويسكنة فسيح جناته ويصبر اهله.
    انا صبيه عايشة بهالبلد سنين تربيت ووعيت عاشي اسمة اليوم الخبر بمصاري بكرة ببلاش!!
    بدي استغل هالمنبر واناشد كل الاهالي الكبار منهم والصغار من امهات واباء انتبهو عاولادكوو فوتو غرفهن اعرفو اصحابهن راقبوهن ان احتاج الامر احنا وصلنا لوضع يخوف بطل في ثقه باي انسان بكفي تهملو باولادكو وبناتكو انت يا هالام خلي نتفه وقت لبنتك بدل طق الحنق مع الجارات وبنتك ان سالتك الجارة وينها تجاوبيها بالشغل وابصر ان كانت جد بالشغل ولا لع وانت يا هالابو بكفي تكون صارم خليك صاحب لابنك اسحبه لحضنك اعرف وين بروح ومع مين بيتواعد وشو هدفه احنا اللي ضيعنا اولادنا ليش نلوم الغريب بهالشي ؟! ليش بدكوش تعترفو انه انتو الاهل السبب الرئيسي بضياع ابنكو مش الغريب!!
    بالنسبه للطخ اللي صار مبارح بالعرس من دار …. يعني كل هالفشكات اللي طلعو بحررو يمكن فلسطين كل اللي سمعو هالطخ مسالتوش حالكو ليش هالطخ مكمل ؟!! ومحدا بسترجي يوقفه ؟! لانهن مدعومين !!!

    انت يا الرئيس مش معقول ما سمعت الطخ او مش معقول ما انعزمت عالعرس!!! كيف بتسمح لهالشي الشرطة اللي بالبلد شو بتعمل ليش ما اجت وخربت العرس ولمت كل هاللي معهم سلاح ؟!!!
    كان ما صار الطخ ولا عاي ضنا بهالبلد بكفي تكذبو عحالكو اللي المسلحين بالبلد مباًرح سما كفر قرع بقت مضوية بسبب طخ العيارات والزيقوقيم هني هدىل وامثالهن اللي رح بسببهن اولادنا يمشو بالطريق الغلط ويروحو بشربة مي زي ما بتقولو !!!
    انتبهو حواليكو بلدنا بطلت ملك الناس الطيبه اللي بنحلف باسمها وبكبارها البلد صارت ملك هدول الانذال الجبنه اللي سلاحهم مش بكلامهم الا بعيارة تنسف بريء او قاتل!!!
    يا جماعه راقبو ابنكو انتو بايدكو تمنعو الاشي يتفاقم ويتكرر ويتكاثر شوف ابنك وين بروح مع مين بيطلع وبيسهر انتو بايدكو زمام الامور واللي ببيته سلاح من هسا يطخ حاله لانه القاتل يقتل حتى لو بعد حين اذا مش انت ابنك اتقو الله وارجعو للطريق الصحيح خلي بلدنا بلد الخير والمحبه خلي بلدنا بلد العز والكرامة خلو بلدنا تكبر وتوسع بناسها الطيبه وترحب بالغريب قبل القريب وان ما وسعتهن بيوتنا توسعهن عيونا ليش عغلطة نحط اللوم عالغريب ليش ما يكون هالغريب جاي يتحاما فيك وببلدك ليش ما يكون هالغريب هارب من كل اللي قاعد بصير ببلدنا اليوم ؟!!
    الله يصلح الناس بتامل صوتي وصل لكل الناس وانت يا علي الله يرحنك كنت ضحية !!!!

  32. الى كل المعلقين بدل هالحكي الي بتسالو في انو الي طخو ، الله اعلم انو بس مش رح ينفذ بعملتو من عند ربنا والله ينتقم منهم ,شب مثل الوردة انقتل الخبر كان علينا صدمة ومش قادرين نصدق الي صار بس الله يرحمو ويجعل مثواة الجنه ويشفيلنا اخوة

  33. الله يرحموا ويجعل مثواة الجنة والله خسارة عليك شب كتل الوردة الله يرحملك
    عنجد كل واحد يحافظ عولادو بصرش هيك اشياء
    بس الله يهديكمم يااا عرب

  34. يا جماعه ادعوا له بالرحمه ، ولاخيه بالشفاء ، ولاهله بالصبر على البلاء ، ومن غير المهم مين الذي قتله ؟ ولماذا ؟ المهم هو انه قتل ولا يحق لاي انسان وضع حد لحياة انسان اخر بهذه الاساليب.
    وارجوا من جميع المعلقين مراعاة الم وحزن الاهل بهذا المصاب .

  35. والله العظيم اني ابتليت نفس الابتلاء بس الدعاء واقرئو لة القران والناس بس اول ثلاثة ايام بعدها الكل بينسا ما بيضل غير اهلو واخوتو بلحسرة والله لا يذوقها لحدا

  36. رحم الله الفقيد وألهم ذويه الصبر والسلوان . انا لله وانا اليه راجعون . الفاتحة .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

تمّ اكتشاف مانع للإعلانات

فضلاً قم بإلغاء مانع الإعلانات حتى تتمكن من تصفّح موقع بقجة